Abalawi 16
16
Inyanga yeshitiso
1OMWAMI yasungana naMusa, olunyuma Iwokhufwa khwabaana abo babili baHaruni, olwa basitila OMWAMI ahambi nibafwa; 2OMWAMI naboolela Musa ari Boolela Haruni omwana weenywe mbu aleshe okhwinjilanga tsindaalo tsiosi habundu ahatakatifu nabirila mungubo ishinga, imbeli welitisilo elili khwisanduku tsana ta; yakhafwa; okhuba ndalaloleshelanga mwileesi khwitisilo. 3Ne ebia Haruni aleetsanga habundu ahatakatifu nali ninabio mbiebino; mbu ihuunwa yomusango kwobwonooni, ndimiiku liomusango omusambe. 4Yeefwale likoti lieikitani litakatifu, nali neiserwali yeikitani khumubili, niyeeboha omushiipi kweikitani, nabohwa eshilemba shieikitani khumurwe; ebio nibio ebiifwalo ebitakatifu tsana; khandi yeesinje omubilikwe mumatsi, abiifwale. 5Abukule khubomukhung'aano kwabaana baIsiraeli tsikhole tsibili tsiomusango kwobwonooni, nelimiiku elala liomusango omusambe.
6Mana Haruni aleere isurusi yomusango kwobwonooni, okuli khululwe, niyeehsa omwene nabeinzuye. 7Khandi abukule tsimbusi tsibili tsana, natsisinjisia imbeli wOMWAMI mumuliango weliheema liokhwakaana. 8Mana Haruni akhupe ikha khumbusi etsio tsibili; ikha ndala yOMWAMI, neyindi yaAzazeli. 9Haruni aleere imbusi eya ikha yOMWAMI yakwila, nachimala, yibe omusango kwobwonooni. 10Habula imbusi eya ikha yaAzazeli yakwila yisinjisibwe imbeli wOMWAMI niyishili mwoyo, okhuchitisa, nokhuchirumila Azazeli mushitsiimi.
11Kho Haruni aleere isurusi yomusango kwobwonooni okuli khululwe, niyeetisa omwene nabomunzuye, niyeera isurusi yomusango kwobwonooni okuli khululwe; 12mana abukule eshikaye eshiitsuulemwo amaanda akaang'alaale okhurula khushimalilo imbeli w, nafumbara amakhono kabili amalesi kelibuuliesi akeshing'aari akatubuulwe, niyeetsa ninashio nabirila mungubo ishinga. 13Mana are amalesi tsana khumulilo imbeli w, mbu omwosi kwamalesi kafuunishe litisilo elili khuburumbusi shinga lileesi, aleshe okhufwa. 14Kho abukule khumalasile keisurusi nakamiitsa nende olwala khwitisilo ebukwe; khandi imbeli welitisilo amiitsekhwo amalasile nende olwala okhuula musaafu.
15Mana yeere imbusi yomusango kwobwonooni okuli khulwa abandu, niyeetsa namalasile kayo nabirila mungubo ishinga, nakholela amalasile ako shinga olwa akholeele amalasile keisurusi, akamiitse khwitisilo ne hambeli welitisilo; 16kho ario atise habundu ahatakatifu, khulwa obukaali bwosi bwabaana baIsiraeli, khandi khulwa obukhayi bwabwe, mbu ebionoono biabwe biosi; khandi akholele ario liheema liokhwakaana, elibeetsanga ninabo halala, hakari wobukaali bwabwe. 17Ne aleshe okhubamwo omundu yesi mwiheema liokhwakaana olwa yeenjilamwo okhukhola eshitiso habundu ahatakatifu, okhuula olwa aba narulile, namalile okhwitisa omwene, nabeinzuye, nelibukaana liosi liaIsiraeli. 18Mana arule atsie khushimalilo eshili imbeli w, ashitise; abukule khumalasile keisurusi namalasile akeimbusi, nakara khunzika tsieshimalilo tsimbeka tsiosi. 19Khandi ashimiitsekhwo amalasile nende olwala okhuula musaafu, ashisiiye, ashiahule okhurula khubukaali bwosi bwabaana baIsiraeli.
20Ne olwa alaba namalile okhutisa habundu ahatakatifu, neliheema liokhwakaana, neshimalilo, aleere imbusi eyo eyili mwoyo; 21mana Haruni are amakhono kombi khumurwe kweimbusi eyo eyili mwoyo, niyeeyamila ikulu wayo obumayaanu bwosi bwabaana balsiraeli, nobukhayi bwabwe bwosi, mbu ebionoono biabwe biosi; nabira khumurwe kweimbusi, nachiruma mushitsiimi, mumukhono kwomundu ouba niyeekasiye; 22nayo imbusi eyo yileetuukha obumayaanu bwabwe bwosi, yibuyile mushialo eshibulamwo abandu; mana achilekhuule mushitsiimi.
23Kho Haruni yeenjile mwiheema liokhwakaana, yeefwalule ebiifwalo bieikitani ebia abeele niyeefwalile olwa yeenjiile habundu ahatakatifu, abileshele yaho; 24yeesinje omubilikwe mumatsi habundu undi ahatakatifu, niyeefwala tsingubotsie, narula namala omusangokwe omusambe niyeetisa omwene, khandi amale omusango omusambe kwabandu, nabatisa. 25Ne amsinya komusango omusambe, akasambile khushimalilo. 26Naye omundu ulia oulekhuulile imbusi yaAzazeli yoosie tsingubotsie, niyeesinga omubili mumatsi, mana olunyumakhwo akalushe mukambi. 27Nabio isurusi yomusango kwobwonooni, neimbusi yomusango kwobwonooni, ebia amalasile kabio kaleerwa okhukhola eshitiso habundu ahatakatifu, bichingwe nibirusibwa elwanyi weikambi; mana babisambe mumulilo, amaseelo neinysma nobuse. 28Naye oyo oubisamba yoosie tsingubotsie, niyeesinga omubili mumatsi, mana olunyumakhwo yeenjile mukambi.
29Kalamubeelanga likhuwa elilachilisibwa obushia nobushia; mbu mumwesi kwomusaafu, khunyanga yekhumi eyomumwesi, mwisandinjie abeene, nimurakhola omulimo kwosi ta, kata abeebule kata omurende oumenyangakhwo mwinywe. 30Okhuba khunyanga yino mulatisungwa, mbu musiiywe; mulasiiywa ebionoono bieenywe biosi imbeli wOMWAMI. 31Neisabato yomuhongo khwinywe; mwisandinjie abeene; nelikhuwa elilachilisibwa obushia nobushia. 32Naye omukuhsni oulaba niyatsushiililwa amafura, oulaba niyaahulwa abe omukuhani mushilenje shiasamwana, akhole eshitiso niyeefwalile tsingubo tsana tsieikitani, nitsio tsingubo tsindakatifu; 33mana atise habundu ahatakatifu, khandi atise liheema liokhwakaana, nende eshimalilo; khandi atise abakuhani, nabandu bosi belibukaana. 34Nako kalamubeelanga akalachilisibwa skarahwaho ta, mbu okhutisanga abaana baIsiraeli khulwa ebionoono biabwe biosi, lulala buli muyika. Kho Musa nakhola shinga OMWAMI olwa yamulaka.
Currently Selected:
Abalawi 16: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
