Abalawi 13
13
Amalako khukobuchele
1OMWAMI naboolela Musa naHaruni ari 2Olwa omundu aba nali nelifwimbe khwikhoba liomubilikwe, kata likamba, kata eshitayi, mana nishikwa oluumbe Iwohuchele khwikhoba liomubilikwe, aleerwe ewaHaruni omukuhani kata ewomulala owokhubaanabe abakuhani. 3Naye omukuhani ahenjelesie haluumbe oluli khwikhoba liomubilikwe; ne amaswa akali haluumbe nikaba nikalabile, khandi haluumbe tsana nihalolekha shinga ahahobooshe mwikhoba liomubilikwe, kho noluumbe Iwobuchele; omukuhani amuhenjelesie narumbula mbu nowobukaali. 4Ne eshitayi eshio nishiba nishili eshilafu khwikhoba liomubilikwe, nishiralolekha shinga eshihobooshe mwikhoba, kata amaswa nikaralabile ta, kho omukuhani amwikalile tsindaalo musaafu oyo ouli noluumbe. 5Mana khunyanga yomusaafu omukuhani amuhenjelesie; mana lola, naba nalola mbu oluumbe lwaakaame yaho, oluumbe tsana nilureemeeta okhulanda khwikhoba ta, kho omukuhani amwikalile tsindaalo tsindi musaafu. 6Mana omukuhani amuhenjelesie khandi khunyanga yomusaafu, ne naba nalola mbu oluumbe lutiitiihe, ohlumbe tsana nilureemeetile okhulanda khwikhoba ta, kho omukuhani arumbule mbu nomusiiyikhu; nelikamba butswa; kho yoosie tsingubotsie, abe omusiiyikhu. 7Nebutswa likamba niliba nililandile khwikhoba olunyuma Iwokhwiolosilia omukuhani khulwa okhusiiywa, kho yeelolosilie omukuhani khandi. 8Mana omukuhani ahenje, ne lola, likamba niliba nililandile khwikhoba, kho omukuhani arumbule mbu nowobukaali; nibwo obuchele.
9Olwa omundu aba nali noluumbe Iwobuchele, kho aleerwe ewomukuhani; 10naye omukuhani ahenje, ne niliba nililiho lifwimbe lilafu khwikhoba, elilabiye amaswa, inyama yelifwimbe niyikhobooshe, 11kho nobuchele obukhulu mwikhoba liomubilikwe; omukuhani arumbule mbu nowobukaali; aramwikalila ta, okhuba nowobukaali. 12Ne obuchele nibuba niburubukha mwikhoba, obuchele nibuchelehasia likhoba liosi lia oyo ouli noluumbe tsana, okhurula khumurwe okhuula khubilenje, aha omukuhani anyala okhulola, 13kho omukuhani ahenje; ne obuchele nibuba nibuchelehasiye omubilikwe kwosi pe, arumbule mbu nomusiiyikhu, oyo ouli noluumbe; kulabile kwosi pe; nomusiiyikhu. 14Nebutswa naba nalolekha shinga oukhobooshe, abe owobukaali. 15Naye omukuhani ahenjelesie ahakhobooshe tsana, narumbula mbu nowobukaali; ahakhobooshe tsana nahobukaali; nibwo obuchele. 16Ne kata ahakhobooshe nihakalukhana, nihalaba, kho yeetsele omukuhani, 17naye omukuhani amuhenjelesie; ne haluumbe nihaha nihalabile, kho omukuhani arumbule mbu nomusiiyikhu, oyo ouli noluumbe; nomusiiyikhu.
18Ne olwa omubili kuli nelibure khwikhoba, nalio nilihonile, 19ne habundu welibure, lifwhnbe lilafu lilolekha, kata eshitayi eshiranzayi eshilafukhwo, kho omukuhani amanyibwe; 20naye omukuhani ahenje, ne nihaba nihalolekha nihali hasi welikhoba lindi, amaswa kaho nikalabile, kho omukuhani arumbule mbu nowobukaali; noluumbe Iwobuchele, olurubuushe khwibure. 21Ne omukuhani naba nahenjelesia, ne amaswa amalafu kabulakhwo kata niharali hasi welikhoba lindi ta, ne nihatiitiihe, kho omukuhani amwikalile tsindaalo musaafu. 22Nebutswa nihaba nihalandile khwikhoba, kho omukuhani arumbule mbu nowobukaali; nilwo oluumbe tsana. 23Ne eshitayi nishiba nishili butswa shirio, nishiralandile ta, kho neimbala yelibure tsana; omukuhani arumbule mbu nomusiiyikhu.
24Ne omubili nikuba nikuli nende habundu ahasambilwe khwikhoba, mana ahasambilwe nihakhobokha mana nihakwa eshitayi, eshiranzayi eshilafukhwo, kata eshilafu, 25kho omukuhani ahenjelesie; ne amaswa akokhushitayi nikaba nikalabile, nihalolekha shinga ahahobooshe mwikhoba, nobuchele, obumbuushe ahasambilwe; kho omukuhani arumbule mbu nowobukaali; noluumbe Iwobuchele. 26Nebutswa omukuhani naba nahenjelesia, ne amaswa amalafu kabula khushitayi, kata nishirali hasi welikhoba ta, habula mbu shitiitihanga, kho omukuhani amwikalile tsindaalo musaafu. 27Mana khunyanga yomusaafu omukuhani amuhenjelesiej ne nishiba nishilandile khwikhoba, kho omukuhani arumbule mbu nowobukaali; noluumbe Iwobuchele 28Ne eshitayi nishiba nishili butswa shirio, nishiralandile khwikhoba ta, ne nishitiitiihe; kho nelifwimbe liahabundu ahasambilwe, naye omukuhani arumbule mbu nomusiiyikhu; okhuba neimbala yahaburdu ahasambilwe.
29Olwa omundu kata omusaatsa kata omukhasi aba nali noluumbe lundi khumurwe, kata khushinwanwa mundefu, 30omukuhani ahenjelesie haluumbe tsana; ne nihaba nihalolekha shinga ahahobooshe mwikhoba, nihalikhwo amaswa amaranzayikhwo, akafwililila, kho omukuhani arumbule mbu nowobukaali; namayaayasi; nobuchele bwomurwe kata obweshileefu. 31Ne omukuhani naba nahenjelesia haluumbe olwo lwamayaayasi, ne niharalolekha shinga ahahobooshe mwikhoba ta, ne nikarabakhwo amaswa amamali ta, kho omukuhani amwikalile tsindaalo musaafu oyo ouli noluumbe lwamayaayasi. 32Mana khunyanga yomusaafu omukuhani ahenjelesie haluumbe tsana; ne amayaayasi nikaba nikaralandile kata nikarabakhwo amaswa amaranzayikhwo, kata amayaayasi nikaralolekha shinga akahobooshe mwikhoba ta, 33kho abeekwe; habula hamayaayasi harabeekwa ta; mana omukuhani amwikalile khandi tsindaalo musaafu oyo ouli namayaayasi. 34Mana khunyanga yomusaafu omukuhani ahenjelesie amayaayasi, ne amayaayasi nikaba nikaralandile khwikhoba ta, nikaralolekha shinga akahobooshe mwikhoba ta, kho omukuhani arumbule mbu nomusiiyikhunaye aloosia tsingubotsie, abe omusiiyikhu. 35Nebutswa amayaayasi nikaba nikalanda khwikhoba olunyuma Iwokhusiiywakhwe, 36kho omukuhani amuhenjelesie; ne amayaayasi nikaba nikalandile khwikhoba, omukuhani aleshe okhukhaaba amaswa amaranzayi ta; ali nobukaali. 37Habula naba nalola amayaayasi nikali butswa kario, amaswa amamali nikamelilekhwo, kho amayaayasi kahonile; nomusiiyikhu; omukuhani arumbule mbu nomusiiyikhu.
38Olwa omundu, kata omusaatsa kata omukhasi, aba nali nebitayi khwikhoba liomubilikwe, mbu ebitayi ebilafu, 39kho omukuhani ahenjelesie; ne ebitayi ebili khwikhoba liomubilikwe nibiba nibili ebilafukhwo butswa, neshikhombamoosi eshirubuushe khwikhoba; nomusiiyikhu.
40Kata liswi liomundu niliba nilikhweyukhanga khumurwekwe, neshiole; ne nomusiiyikhu. 41Kata liswilie niliba nilikhweyukhanga khubweni noweshiahuusa; ne nomusiiyikhu. 42Nebutswa nihaba nihaliho haluumbe aharanzayi ahalafukhwo mushioleshie kata mushiahuusashie, nibwo obuchele oburubukha khushiole kata khushiahuusashie. 43Kho omukuhani amuhenjelesie, ne lifwimbe lioluumbe niliba nilili liranzayi lilafukhwo khushiole kata khushiahuusa, nililolekha shinga obuchele khwikhoba liomubilikwe, 44kho nomundu wobuchele; ali nobukaali; omukuhani arachweya okhurumbula mbu nowobukaali ta; oluumbe luli khumurwekwe.
45Owobuchele mwene ouli noluumbe tsana, arandule inguboye, naboholola liswi, niyeefuunikha omunwa, nalanjilisinjia ari Owobukaali! Owobukaali! 46Tsindaalo tsiosi etsia aba nashili noluumbe tsana abe mwibilu; nowobukaali; amenyenje yenyene; eshimenyoshie shibe elwanyi weikambi.
47Khandi ingubo yosi niyilimwo oluumbe lwobuchele, kata niyili ingubo yobwoya bwamakondi, kata ingubo yeikitani; 48kata niluli mubuusi bwobulunji kata mubuusi bwobuchiikha bwobwoya bwamakondi kata obweikitani; kata niluli mwiseelo, kata mushindu shiosi eshiakholelwa liseelo; 49haluumbe tsana nihaba hobukondo bweisuutsa kata aharanzayikhwo mungubo eyo, kata mwiseelo, kata mubuusi bwobulunji kata mubwobuchiikha kata mushindu shiosi shieliseelo, nilwo oluumbe lwobuchele; lumanyibwe omukuhani. 50Naye omukuhhani ahenjelesie haluumbe, niyeekalila shieneshio eshilikhwo oluumbe tsana tsindaalo musaafu; 51mana khunyanga yomusaafu ahenjelesie haluumbe; ne haluumbe nihaba nihalandile mungubo, mubuusi bwobulmlji kata mubwobuchiikha, kata mwiseelo eliikhoonyelwa khumulimo kwosi kwosi; kho oluumbe olwo nobuchele obunyanya; nomusilo. 52Mana asambe ingubo eyo, kata oluumbe niluli mubuusi bwobulunji kata obwobuchiikha, bwobwoya bwamakondi kata obweikitani, kata eshindu shiosi shieliseelo, eshia oluumbe tsana lulimwo; oknuba nobuchele obunyanya; shisambilwe mumulilo.
53Ne omukuhani naba nahenga, ne haluumbe shihalandilekhwo mungubo eyo, kata mubuusi bwobulunji kata mubwobuchiikha, kata mushindu eshiakholelwa liseelo ta, 54kho omukuhani abalache okhwosia eshindu shieneshio eshia oluumbe lulimwo, nashiikalila tsindaalo tsindi musaafu. 55Mana eshindu shioluumbe nishimalile okhwosibwa, omukuhani ashihenje; ne haluumbe niharakalukhaane obukondo, kata olwa haluumbe niharalandile ta, neshiomusilo; oshisambile mumulilo; nelinyanyukho, kata niliba imbeli kata emukongo.
56Ne omukuhani naba nahenga, ne haluumbe nihaba nihatiitiihe olunyuma Iwokhwosibwa, kho aranduleho ashiyinie mungubo, kata mwiseelo, kata mubuusi bwobulunji kata mubwobuchiikha. 57Ne niluba nilushilolekha khandi mungubo tsana, kata mubuusi bwobulunji kata mubwobuchiikha, kata mushindu shiosi shieliseelo, kho burubuushe; osambe shieneshio eshia oluumbe lulimwo nomulilo. 58Nayo ingubo tsana, kata nibuli obuusi bwobulunji kata obwobuchiikhn, kata nishiba eshindu shiosi shieliseelo, eshia oluumbe lurulilemwo niwosiye, kho shiosibwe olwakhabili, mana shilaba eshisiiye.
59Kano niko amalako khukoluumbe Iwobuchele oluba niluli mungubo yobwoya bwamakondi kata eyeikitani, mubuusi bwobulunji kaba mubwobuchiikha, kata mushindu shiosi shieliseelo, okhurumbula mbu neshisiiyikhu kata mbu neshiomusilo.
Currently Selected:
Abalawi 13: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
