Abalawi 12
12
Okhusiiywa khoomukhasi niyeebuule
1OMWAMI yaboolela Musa ari 2Boolela abaana baIsiraeli mbu Omukhasi naba nahela inda, niyeebula omwana omusiani, abe mwibilu tsindaalo musaafu; shinga olwa abeetsanga mundaalo tsiobukaali olwa aba nali mumwesi, abe mwibilu ario. 3Mana khunyanga yomunaane omwana ashebwe likhoba lielirungalie. 4Naye omukhasi amenya ario tsindaalo amakhumi kataru natsitaru mumatsayi kokhusiiywakhwe; aratiilakhwo khushindu shiosi eshitakatifu, kata okhwinjila habundu ahatakatifu ta, okhuula olwa tsindaalo tsiokhusiywakhwe tsiba nitsiusiibwe. 5Ne naba niyeebula omwana omukhaana, abe mwibilu amanonga kabili, shinga olwa abeetsanga mubukaalibwe; mana amenye ario tsindaalo amakhumi ieasasaba natsisasaba mumatsayi kokhusiiywakhwe.
6Mana olwa tsindaalo tsiokhusiiywakhwe tsilaba nitsiusiibwe, kata khulwa omwana omusiani kata khulwa omukhaana, yeetse nende likondi lieshimwamwane liomusango omusambe, nomusosole kwelikuuku kata lihuusi liomusango kwobwonooni, hamuliango weliheema liokhwakaana ewomukuhani; 7naye ashileere imbeli wOMWAMI, namutisa omukhasi tsana; kho aiasiiywa khumatsayike akaraatsa. Kano niko amalako khukomukhasi owibula, kata omwana nali omusiani kata nali omukhaana. 8Ne naba nali omumanani ouranyala likondi ta, abukule amahuusi kabili kata emisosole chibili chiamakuuku; elala libe liomusango omusambe, nelindi liomusango kwobwonooni; omuleuhani namutisa, mana alaba omusiiye.
Currently Selected:
Abalawi 12: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
