Yeremia 8
8
1OMWAMI aboola mbu Mundaalo etsio balayinia amakumba kabaruchi baYuda, namakumba kabakhulundu bayo, namakumba kabakuhani, namakumba kabanabii, namakumba kabamenyanga muYerusalemu, mubilindwa biabwe; 2ne balakabakala imbeli weliuba nomwesi, nelihe liosi eliomwikulu, ebia baheela nebia bakhalabanila, ebia balondakhwo, nebia beenya, nebia beenamilashikalakhung'aasibwa kata okhuyabilwa ta; ne kalaba shinga imbolela khwiloba. 3Okhufwa khulachamwa okhushila obulamu nabomusikalo okulasikala khubeinzu yino imbii, abalasikala habundu hosi ewa emba nimbeelusiliye; nilwo olwa OMWAMI omwene mahe aboola.
Obwonooni, nende obuyaasii
4Olabasunjila mbu Kano niko aka OMWAMI aboola;
mbu Olwa abandu bakwa, shibamalanga babuukha ta?
Omundu naba nashiukhana okhutsia inyuma,
shialakalukha ta?
5Ne mbushiina abandu bano beYerusalemu nibashiukhaane okhutsia inyuma nobushiukhani oburaakama ta?
Bahandanga khubukaatii;
balobile okhukalukha.
6Erechile amarwi, nimbulila,
ne shibaboolile habwene ta.
Abulaho owikalukhasia okhulekha obubiibwe,
nareeba mbu Ekholile endie?
Buli mundu akalushila injila yiye omwene,
shinga ifarasi eyiiyula mwihe.
7Kata likuyi eliomwikulu limanyile tsinduukho tsialio;
lihuusi neiminyi neliwang'i bimanyile eshise shiabio eshiokhwitsa;
nebutswa abandu banje shibamanyile obukhalachi bwOMWAMI tawe.
8Muboolanga murie mbu Khuli abachesi,
amalako kOMWAMI khuli ninako?
Ne lole, olukalamu olukaatii lwabahandiichi luchikwisiye obubeeyi.
9Abandu abachesi bafwimbwa omurwe,
balafwa omwoyo, nibahambwa imbambe;
lole, balobile likhuwa liOMWAMI;
kho namachesi shiina Akali mubo?
10Niko akachila ndalaheelesia abandi abakhasi babwe,
nemikunda chiabwe khubo ababahula;
okhuba buli mundu okhurula khubashila obutuutu okhuula khubashila obukhongo alangushilanga inganga yobunuuli;
okhurula khumunabii okhuula khumukuhani buli mundu akholanga akobukaatii.
11Bahoniye amafumire kabandu banje ikulu butswa,
nibaboola mbu Mulembe, mulembe; ne omulembe nikubulaho.
12Batiilwa tsisoni olwa bakhola akebisinyo noho?
Tawe, shibalolakhwo tsisoni,
kata shibanyala okhufwimbwa omurwe ta.
Niko akachila balakwa mubakwitsanga,
ne khushise shiobukuumwi bwabwe balakwisibwa;
nilwo olwa OMWAMI aboola.
13OMWAMI aboola mbu Olwa emba ninzenya okhunoka,
khumitsabibu chibulangakhwo tsinzabibu,
ne khumikhuyu chibulangakhwo amakhuyu,
kau amasaafu keene kaba nikanialile;
ne ebia ndabaheelesia bibirile nibibarulakhwo.
14Mbushiina nikhwikhaale butswa?
Khukhung'aane khwinjile mumataala ketsingoba,
khusishilemwo.
Okhuba OMWAMI Nyasaye weefwe wakhusisiye nakhuheelesia amatsi akalimwo obufila mbu khunywe,
okhuba khwamwonoonela OMWAMI.
15Khwalindiilila omulembe, ne lilayi liosi nilireetsa ta;
mbu eshise shiobuhonia, ne lola, okhufwa omwoyo khwonyene!
16Amang'orwi ketsifarasitsie kahuliiliishe okhurula eDani;
khuluyoka lwokhwana kwetsifarasitsie tsisaatsa eshialo shiosi shitechela;
okhuba tsiitsile okhulia eshialo nende biosi ebilimwo,
litookho nende abamenyangamwo.
17Okhuba lole, eruma hakari weenywe tsinzokha,
ebiyilikoma, ebiranyala okhurukwa ta;
nabio bilamurema;
nilwo olwa OMWAMI aboola.
Olwikhuulu khuYuda nende Yerusalemu
18Eshibeela shianje shishihootselekha ta;
omwoyo kwanje kutorile mukari mwisie.
19Hulile, okhuhaaba khwomukhaana wabandu banje khurula ehale muno;
ari OMWAMI shialiho eSayuni?
Omuruchiwe shiali muye?
Ne mbushiina nibasinyisiye nebifwanani biabwe ebibaatse nebindu biabwe ebiabutswa ebicheni?
20Lichesa lihweele, tsindaalo tsiomubasu omululu tsibirile,
ne shikhuhonile ta.
21Khulwa amafumire komukhaana wabandu banje omwoyo kwanje nakwo kufumiirwe;
esamuushile; ling'ang'a lindiilile.
22Shiyiliho indesi yeshiuya muGileadi?
Shialiyo omusilishi yesi?
Kho nishiina eshichilanga obulamu bwomukhaana wabandu banje niburakalusibwa habwene ta?
Currently Selected:
Yeremia 8: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
