Yeremia 5
5
Ebionoono bia Yerusalemu nende Yuda
1Yilushe mulambuule tsinjila tsieYerusalemu;
henje mulole!
Khaabe munyanyi tsiosi naba naliho omundu yesi oukholanga akali habwene,
niyeenya akobwatoto, mbu emuleshele.
2Kata olwa baboolanga mbu Shinga OMWAMI olwa ali mwoyo,
khane okhwitsuba khwabwe nokhwobubeeyi.
3E OMWAMI, tsimonitsio shitsikhaabanga akobwatoto?
Wabakhupa ne shibatsuunwa ta;
wabamulula, ne baloba okhuchesiha;
boomia tsimoni tsiabwe shielichina;
baloba pe okhwikalukhasia.
4Mana nisunga mbu Bano nibo abamanani mushialo;
babula amachesi;
okhuba shibamanya iniila yOMWAMI kata amalako kaNyasaye wabwe ta.
5Lekha enzie khubali abakhongo,
embasunjilekhwo;
okhuba bo bamanya injila yOMWAMI namalako kaNyasaye wabwe.
Nebutswa bosi bario bali nibafunaache likokolo nibakhalaka ebibohelo.
6Khulwako italanyi yilarula mumutsuru niyibeera;
eshisuutse shilarula mushitsiimi nishibamalilana;
ingwe yiyichila amataala kabwe;
buli mundu ourulamwo alamaanywa natonywa ebitonye;
okhuba obukhayi bwabwe nobunji,
obushiukhani hwahwe nabwo bumeeteeshe.
7Ndakhanyala endie okhumuleshela?
Abaana beenywe bandekha,
nibeetsuba khubeenabo abarali Nyasaye watoto ta;
olwa ndabeekusia ebiliibwa bakhola obuheyi,
nibahweela munzu tsiabakhasi abatamba.
8Netsifarasi tsisaatsa etsili nomwayo,
buli mulala niyaanila omukhasi wowashie.
9Kho OMWAMI areeba mbu Shindalabakuuma khulwa amakhuwa ako?
Shindalamala eshikwoli khwihanga elifwana lirio?
10Bire munyali tsiemitsabibu, mumulule,
ne murachionoonilia elala ta;
yinieho amasaka kalio,
shichila shikali akOMWAMI tawe.
11Okhuba abeinzu yaIsiraeli nende inzu yaYuda bakholeele akobukaatii muno,
nilwo olwa OMWAMI aboola.
12Bamwikaanile OMWAMI,
nibaboola mbu Kata shialakhola eshindu ta;
kata amabii shikalakhukwila kata shikhulalola tsinganga kata inzala ta.
13Abanabii balakwa butswa omuyeka;
likhuwa liene libula mubo.
Bakholelwe bario!
14Khulwako, kano niko aka OMWAMI, Nyasaye omwene mahe, aboola mbu Okhuba baboolile likhuwa elo,
lola, ekhole amakhuwa kanje akali mumunwakwo kabe omulilo,
nikhola abandu bano babe tsikhwi;
ne omulilo okwo kulabamulula kutu.
15Lola, eleera khwiwe lihznga elirula ehaie,
inywe abeinzu yaIsiraeli;
nilwo olwa OMWAMI aboola.
Nalio nelihanga elirahweetsangaho ta,
lihanga likhulu,
lihanga elia muramanyile olulimi lwalio,
kata okhuhulila aka baboola ta.
16Imotia yabwe yiingana ing'ani inzalame;
bosi nabasaatsa abalulu.
17Balalia ebichesebio nebiliibwabio kutu;
balalia abaanabo abasiani nabakhaana bosi;
balalia tsing'ombetsio nende ebiayobio;
balalia emitsabibuchio nende emikhuyuchio;
ne amataalako aketsingoba, aka wisiikanga,
balakamulula nende tsinganga.
18Nebutswa kata mundaalo etsio shindalamumalilana pe ta; nilwo olwa OMWAMI aboola. 19Ne olwa abandubo balakhureeba mbu OMWAMI Nyasaye weefwe wakhukholeele ako kosi mbushiina? Kho olabakalusiamwo ori Shinga olwa mwandekha nimukhalabanila abanyasaye abacheni mushialo shieenywe, nolwa mulakhalaba-nila abandu abacheni mushialo eshirali eshieenywe ta.
20Murumbule kano mubeinzu yaYakobo,
mukhupe omulome muYuda,
21muri Hulile kano, inywe abasilu ababula oburechelefu,
abali netsimoni, ne nimuralola ta;
abali namarwi, ne nimurahulila ta.
22OMWAMI areeba mbu Khane shimuriitsanga ta?
Shimurenga imbeli wanje ta?
Isie owaraho omuyeshe kube olwakho Iweinyanza,
kube omushingachi kwobumeli mbu yileshe okhukusiilakhwo?
Kata amarunda kayo olwa keerunda, shikanyala ta;
kata nikahoola, shikanyala okhusiilakhwo tawe.
23Nebutswa abandu bano bali nomwoyo kweinumba, okweinduli;
bakholile induli nibahwaho.
24Kata shibaboola mumioyo chiabwe bari Khumuriitsenje OMWAMI Nyasaye weefwe,
oyo oukwisinjia ifula munduukho tsiayo,
mbu ifula yeirootso neyeshirumbi;
oukhubiishilanga amahonga keinduukho yelichesa, ta.
25Obumayaanu bweenywe bushiukhasiye ako kosi,
ebionoono bieenywe nabio bishinjile amalayi kaleshe okhumuulakhwo.
26Okhuba abandu ababii banyoolekhanga mubandu banje;
bayichilanga, shinga abarechi bamanyonyi olwa bareka ebikoye;
batiilanga abandu.
27Shinga olutayiilo olwa Iwitsulangamwo amanyonyi,
nolwa tsinzu tsiabwe tsiitsulangamwo obukaatii;
ne niko a'kachila nibakhongoha nende okhuyindihala.
28Bakwile abakhomefu, abarelele;
toto mwene, ebikhole biabwe ebibii bishilaanile;
shibayaasinjia eshiina nobwatoto khulwa abaana ababisandu, mbu shikaase,
kata shibakhalachilanga abatakha eshiina shiahabwene ta.
29Kho OMWAMI areeba mbu Shindalabakuuma khulwa amakhuwa ako?
Shindalamala eshikwoli khwihanga elifwana lirio?
30Likhuwa liamakana eliamariisia liikholile mushialo;
31mbu abanabii barumbulanga akobubeeyi,
nabo abakuhani barukanga shinga abo olwa balaka,
ne abandu banje bachama bario;
nebutswa mulakhola murie khubumaliilishi?
Currently Selected:
Yeremia 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
