Yeremia 47
47
Obulakusi khubaFilisiti
1Likhuwa liOMWAMI elieetsela Yeremia omunabii khukabaFilisiti, olwa Farao yali narashiarootsa Gaza ta, ndielino; mbu
2Kano niko aka OMWAMI aboola;
mbu Amatsi karula enotsi nikachinguukha;
kalakwa omwalo okuyemba;
kalayemba nikalia eshialo nende ebilimwo biosi,
litookho nende abamenyangamwo.
Abandu balalakaya,
abamenya mushialo bosi balakhupa tsimbungu.
3Khubuyoka bwemiyindili chietsimbakayu tsietsifarasitsie tsisaatsa,
khukhureesia khwemiyindili chiamakaarike,
khukhuhoola khwemikurutumo chiako,
abasamwana shibakhupa amashemo khubaana babwe ta,
khulwa okhutubukha amakhono,
4khulwa induukho eyo eyiitsanga eyokhumulula abaFilisiti bosi,
nokhukhalaka khuTiro naSidoni buli muhabini ouba natong'ile.
Okhuba OMWAMI amulula abaFilisiti,
omusikalo kwolukuku IweKafitori.
5Olubeko lukwile khuGaza;
Ashekeloni nibutswa;
inywe omusikalo kwabaAnaki,
muleesalakanga okhuula liina?
6Iwe olukanga lwOMWAMI,
olaholeela liina?
Kalukha muluulalwo;
huluukha, onyire.
7Ne lunyala lurie okhuholeela olwa OMWAMI yalulachilisiye?
KhuAshekeloni, nokhulukuku,
niyo ewa yaluchoomia.
Currently Selected:
Yeremia 47: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
