Yeremia 46
46
Obulakusi khuMisiri
1Likhuwa liOMWAMI elieetsela Yeremia omunabii khuknmahanga ndielino.
2KhukaMisiri; khukelihe liaFarao Neko omuruchi waMisiri, eliali hamwalo kwaEufurate eKarikhemishi, elia Nebukhadineza omuruchi waBabeli yarootsa mumuyika kwakhane kwaYehoyakimu waYosia, omuruchi waYuda; mbu
3Mukasie ingabo neshikhumba,
musitile lihe ahambi!
4Manule tsifarasi;
niine, inywe abachendela khutsio!
Mwiyanze nimwirunjile tsikuutwa;
ruute amafumo, mwibohe ebitsengwa.
5Mbushiina ningaluutsi ako?
Mbu bafwa omwoyo;
bakalukha inyuma;
abalulu babwe bakhupwa hasi,
beelukha tsimbilo,
oburakhupa amashemo ta;
oburii buliho tsimbeka tsiosi;
nilwo olwa OMWAMI aboola.
6Owetsimbilo shianyala okhwilukha,
kata omululu okhwihonokokha ta.
Enotsi hamwalo kwaEufurate beesichiraale nibakwa.
7Niwina uno ouchinguukha shinga omwalo kwaNaili,
shinga emialo echia amatsi kachio keerunda?
8Misiri achinguukha shinga Omwalo,
shinga emialo echia amatsi kachio keerunda;
kwaboola mbu Ndalachinguukha, niyemba khushialo;
ndalamulula amatookho nende abamenyangamwo.
9Tsie, inywe tsifarasi!
Luliilile, inywe amakaari!
Abalulu barule,
abaEtiopia nabaPutu, abebikhumba
nabaLudi, abamanya okhufumba obuyingo.
10Induukho eyo niyo induukho yOmwami,
NYASAYE omwene mahe,
induukho yeshikwoli,
eyokhumala eshikwoli khubasukube.
Olukanga lulalia nilwikura;
lulanywa amabanga kabwe nilunyalikha.
Okhuba Omwami NYASAYE, omwene mahe,
ali nomusango mushialo shienotsi, hamwalo kwaEufurate.
11Tikulukha otsie eGileadi, obukule indesi yeshiuya,
iwe omukhaana omushisila waMisiri.
Emisaala echia wikhoonyela nechiabutswa;
bubulaho obuhonii khwiwe.
12Amahanga kahuliile aketsisonitsio,
eshialo shiitsuule tsimbungutsio;
okhuba omululu akoyaana niyeetiya khumululu washie,
nibakwila halala bosi.
13Likhuwa elia OMWAMI yasunjila Yeremia omunabii, shinga Nebukhadineza omuruchi waBabeli olwa yakheetsa narootsa eshialo shia Misiri, ndielino; mbu
14Rumbule muMisiri, nimukhupa omulomemuMigidoli;
khupe omulome muNofu nomuTapanahesi;
boole mbu Mwirecheshe, nimwikasia;
okhuba olukanga lulalia tsimbeka tsiosi.
15Owamaaniwo yeeluushe mbushi?
Olwashiina isurusi eya mwinamilanga niyirasimbiila ta?
Okhuba OMWAMI yamusindikha hasi.
16Obunji bwabandu beesichirala nibakwa,
nibasunga bari Buushe, khukalushe mubandu beefwe,
khushialo shiobwibule bweefwe,
khurule khulukanga lwa oyo oukhumiina.
17Mukulishe Farao omuruchi waMisiri mbu Owobuyoka oulekha induukho yibire.
18Omuruchi owa eliiralie niOMWAMI omwene mahe aboola mbu Isie uno!
Oundi aleetsa toto, shinga Tabori mubikulu bindi,
shinga Karameli eshili hanyanza.
19Inywe abeMisiri, abeene shialo,
bohe ebindu bieenywe okhutsia mubwarwi;
okhuba Nofu lilakwa likunda, amayiila,
akabula oumenyamwo.
20Misiri neimoosi indayine;
butswa libuko elirulile enotsi lichiitsiile.
21Abasikaribe abomushaara abali hakariwe beengana ebimoosi ebinulu;
bashiukhaane nibeelukha, bosi halala;
shibasimbiila ta;
okhuba inyanga yamasila kabwe yibanyoolelesiye,
mbu eshise shiokhukoonywa khwabwe.
22Ahuliilikha shinga inzokha eyitsia;
okhuba bachendela halala shinga lihe nibeetsa khuye netsihaywa,
shinga abaremi bemisaala.
23Balarema omutsurukwe, OMWAMI aboola,
kata olwa emisaala chirabalikha ta;
bashila tsisiche obunji;
kata obunji bwabwe shibumanyikha ta.
24Omukhaana waMisiri alahambibwa tsisoni;
alahaanwa mumakhono kabandu benotsi.
25OMWAMI omwene mahe, Nyasaye walsiraeli, aboola mbu Lole, ndalakuuma Amoni oweNo, naFarao, naMisiri, halala nabanyasayebe nabaruchibe, mbu Farao nende abo bosi abamwisiikanga. 26Ndalabahaana mumakhono ka abo abayiima obulamu bwabwe, mumukhono kwaNebukhadineza omuruchi waBabeli nomumakhono kabasumbabe. Olunyumakhwo eshialo shiaMisiri shilimenywamwo, shinga olwa shiali mundaalo tsiakhale; niIwo olwa OMWAMI aboola.
27Ne iwe, Yakobo omusumba wanje, oraria ta;
iwe Isiraeli, orafwa omwoyo ta.
Okhuba lola, okhurula khushialo shiehale ndalakhuhonia;
nende abolwibulolwo okhurula khushialo shiobubohwi bwabwe.
Naye Yakobo alakalukha, abe mubuholeelefu nobwale,
kata alabulaho oumuriisia.
28OMWAMI aboola mbu Iwe Yakobo omusumba wanje, oraria ta;
okhuba endi ninawe halala.
Ndalaakamilia elala amahanga ako kosi aka ndakhwilusiliamwo,
ne shindalakhwakamilia elala iwe ta,
habula ndalakhukuuma neshichelo;
shindalakhulekhakhwo oburakhukuuma tawe.
Currently Selected:
Yeremia 46: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
