Yeremia 45
45
Amakhuwa kaYeremia khuBarukhu
1Likhuwa elia Yeremia omunabii yasunjila Barukhu waNeria olwa yahandiika amakhuwa kano mushitabu nikarula mumunwa kwaYeremia, mumuyika kwakhane kwaYehoyakimu waYosia, omuruchi waYuda, ndielino; 2mbu Kano niko aka OMWAMI, Nyasaye waIsiraeli, akhusunjila iwe, Barukhu; 3mbu Waboola ori Woowe! Okhuba khukhusaalila khwanje OMWAMI yameeteelekhwo eshibeela! Enjoonyile nokhubinda khwanje, kata shinyoola obuhuluushi bwosi ta. 4Kano niko aka olamusunjila; mbu Kano niko aka OMWAMI aboola, mbu Lola, eshia ndoombakha ndalalikulula, ne eshia ndaraaka ndalasiula; ndalakhola endio mushialo shiosi. 5Wikhaabila omwene amakhuwa amakhongo noho? Orakakhaaba ta; okhuba lola, ndalakhupia abandu bosi khushibii, OMWAMI aboola. Nebutswa obulamubwo ndalakhuheelesia bube eshiyaayo, buli hosi aha olatsiitsanga.
Currently Selected:
Yeremia 45: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
