Yeremia 44
44
Yeremia yalakulila abaYahudi abali eMisiri
1Likhuwa elieetsela Yeremia khukabaYahudi bosi abamenya mushialo shiaMisiri, abamenya eMigidoli, neTapanahesi, neNofu, nende mushialo shiaPatsarosi, ndielino; 2mbu Kano niko aka OMWAMI omwene mahe, Nyasaye waIsiraeli, aboola; mbu Mwaluutsi obubii bwosi obwa ndaleera khuYerusalemu, nokhumataala kosi kaYuda; ne lole, leelo kali butswa amakunda; abulaho oumenyamwo; 3khulwa obubii bwabwe obwa bakhola nibasinyisia olwa batsia okhusamba amalesi kelibuuliesi nokhukhalabanila abanyasaye bandi aba baramanya ta, kata bo, kata inywe, kata abakuuka beenywe. 4Nebutswa ndamurumila abasumba baulje bosi abanabii, nimbaruma knale nilumilila okhubaruma, okhusunga mbu Bayaye, murakholanga eshisinyo shino eshia engiyanga ta. 5Nebutswa shibahulila, kata okhureka amarwi mbu bashiukhane okhurula khububii bwabwe, oburasambila abanyasaye bandi amalesi kelibuuliesi ta. 6Ne niko akachila nisundula obululu bwanje noburima bwanje, nibwakha mumataala kaYuda nomutsinjila tsieYerusalemu; nako nikakwa amakhaya, amakunda butswa, shinga olwa kali leelo. 7Khulwako, bulaano kano niko aka OMWAMI, Nyasaye omwene mahe, Nyasaye waIsiraeli, aboola; mbu Nishiina eshichila nimwikholela abeene obubii buno obukhongo, okhukhalaka khwinywe abasaatsa nabakhasi, abaana nende abashinuuna, hakari waYuda, nimuratong'a nomundu yesi ta? 8Mbushiina nimusinyisia nebikhole biamakhono keenywe, nimusambila abanyasaye bandi amalesi kelibuuliesi mushialo shiaMisiri ewa mwatsiile okhumenya; mbu mukhalakwe, nimukwa eshilaka munwa nelinyeko mumahanga kosi keshialo? 9Kho mwakhaba nimweebilila obubii bwosi bwabakuuka beenywe, nobubii bwabaruchi baYuda, nobubii bwabakhasi babwe, nobubii bweenywe abeene, nobubii bwabakhasi beenywe, obwa mwakhola mushialo shiaYuda nomunjila tsieYerusalemu, noho? 10Kata okhuula olwa leelo bashili okhwituutuyia, kata okhuria, kata okhuchenda mumeebaalo kanje, kata mumalako kanje aka ndara imbeli weenywe, neimbeli wabakuuka beenywe ta.
11Khulwako kano niko aka OMWAMI omwene mahe, Nyasaye waIsiraeli, aboola; mbu Lole, ndalarakhwo omwoyo okhumufukula nokhumukhupia khushibii, okhusishia Yuda yosi. 12Ne ndalabukula omusikalo kwaYuda, abo abachoomiye tsimoni tsiabwe okhutsia mushialo shiaMisiri okhumenyayo, ne balamalilanwa; mushialo shiaMisiri nimwo omwa balakwa; balamalilanwa nolukanga khandi neinzala; balafwa pe, okhurula khumutuutu okhuula khumukhongo, khulwa olukanga nokhulwa inzala; ne balaba eshilaka munwa, abokhung'ang'aalilwa, nokhunyekwa, nokhuseywa. 13Okhuba ndalakuuma abo abamenya mushialo shiaMisiri, shinga olwa ndakmlma Yerusalemu, nolukanga, neinzala, nende oluumbe; 14mbu mana omundu yesi owomusikalo kwaYuda, abo abatsia mushialo shiaMisiri okhumenyayo, aleshe okhwihonokokha kata okhutong'a mbu yakhakalukha mushialo shiaYuda, ewa baliibungwa amahoofu okhukalukha okhumenyayo; okhuba omundu yesi shialakalukhayo ta, habula abatuutu butswa abakhaba abeelushi.
15Mana abasaatsa bosi abamanya mbu abakhasi babwe basambilanga abanyasaye bandi amalesi kelibuuliesi, halala nabakhasi bosi abali nibasinjiileho, omukanda omukhongo, mbu abandu bosi abali nibamenyanga mushialo shiaMisiri ePatsarosi, nibakahlsia Yeremia, bari 16Khwikhuwa lino elia okhubooleele muliira liOMWAMI, shikhulakhuhulilakhwo ta. 17Ne okhukhola khulakhola buli likhuwa elirula muminwa chieefwe, mbu okhusambila omuruchi weshikhasi owelikulu amalesi kelibuuliesi, nokhumutsushiilila emisango echiokhutsushila, shinga olwa khwakholanga, ifwe nabakuuka beefwe, abaruchi beefwe nabakhulundu beefwe, mumataala kaYuda nonutsinjila tsieYerusalemu; okhuba mundaalo etsio khwali neinzikura, nikhuli bulayi, nikhuralola libii liosi ta. 18Nebutswa okhurula olwa khwalekha okhusambila omuruchi weshikhasi owelikulu amalesi kelibuuliesi nokhumutsushiilila emisango echiokhutsushila, khutambanga ebindu biosi, nikhumalilanwa nolukanga nende inzala. 19Abakhasi nibameeta nibasunga mbu Olwa khwamusambilanga omuruchi weshikhasi owelikulu amalesi kelibuuliesi, nikhumutsushiililanga emisango echiokhutsushila; kho khwamuteeshelanga emikaate echilikhwo eshifwananishie nikhumutsushiilila emisango echiokhutsushila aharali abasaatsa beefwe ta, nohomba?
20Mana Yeremia nasunjila abandu bosi, abasaatsa nabakhasi, abandu abo bosi abali nibamukalusiye likalusio elo, ari 21Amalesi kelibuuliesi ako, aka mwasambila mumataala kaYuda nomuisinjila tsieYerusalemu, inywe nabakuuka beenywe, abaruchi beenywe nabakhulundu beenywe nabandu beshialo shino, OMWAMI shiyakeetsulila? Shikayeenjila mumapaaroke? 22OMWAMI yakhaywa okhutsiililila nashiisimilisilia obubii bwebikhole bieenywe nebisinyo ebia mukholanga; ne niko akachila eshialo shieenywe nishikwile likunda, eshiokhung'ang'aalilwa, eshilaka munwa, aharali oumenyamwo, shinga olwa shili leelo. 23Shichila mwasamba amalesi kelibuuliesi khandi shichila mwamwonoonela OMWAMI, nimurahulila amakhuwa kOMWAMI, kata okhuchenda mumeebaaloke kata mumalakoke kata muburumbusibwe ta; nishio eshichila amabii kano nikamukwiliile, shinga olwa kali leelo.
24Yeremia nameeta nasunjila abandu abo bosi, halala nabakhasi bosi, ari Hulile likhuwa liOMWAMI, inywe abaYuda mwesi abali mushialo shiaMisiri; 25mbu Kano niko aka OMWAMI omwene mahe, Nyasaye waIsiraeli, aboola; mbu Inywe nabakhasi beenywe mwaboolile neminwa chieenywe, nimukoosia namakhono keenywe, muri Okhukhola khulakhola akebiitsubo bieefwe ebia khweetsuba, mbu okhusambila omuruchi weshikhasi owelikulu amalesi kelibuuliesi nokhumutsushiilila emisango echiokhutsushila; kho ralisie ebiitsubo bieenywe, nimukhola akebiitsubo bieenywe. 26Ne khulwako, hulile likhuwa liOMWAMI, inywe abaYuda mwesi abamenya mushialo shiaMisiri; mbu Lole, ndeetsuba khuliira lianje likhongo, OMWAMI aboola, mbu eliira lianje shililarumbulwa khandi nomunwa kwomundu yesi waYuda mushialo shiosi shiaMisiri, mbu Shinga Omwami NYASAYE olwa abeetsanga mwoyo, tawe. 27Lole, ndalabahenganga okhubakhupla khushibii, ne okhuleera obulayi ta; nabo abandu bosi baYuda abali mushialo shiaMisiri balama, ilanwa nolukanga nende inzala, okhuula oiwa balaba nibahweele pe. 28Ne abo abalaba nibeehonokooshe khulukanga balarula mushialo shiaMisiri nibakalukha mushialo shiaYuda, abarali abanii ta; nabo bosi abomusikalo kwaYuda abatsia mushialo shiaMisiri okhumenyayo, balamanya mbu niwina owa likhuwalie lilasinjila, mbu elianje nohomba eliabwe. 29OMWAMI asunga mbu Lino lilamubeela eshilolelo mbu ndalamukuuma habundu hano, mumanye tieeli shinga amakhuwa kanje olwa kalasiniila okhumufukula nokhumukhupia khushibii; 30mbu Kano niko aka OMWAMI aboola; mbu Lole, ndalahaana Farao Hofura omuruchi waMisiri mumakhono kabasukube, nomumakhono ka abo abayiima obulamubwe; shinga olwa ndahaana Zedekia omuruchi waYuda mumukhono kwaNebukhadineza omuruchi waBabeli, omusukuwe, owayiimanga obulamubwe.
Currently Selected:
Yeremia 44: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
