Yeremia 41
41
1Haho mumwesi kwomusaafu Ishimaeli waNetsania waElishama, owali oweinzu yomuruchi, nali owokhubakali bomuruchi, yeetsa nende abandu ekhumi ewaGedalia waAhikamu eMizipa, nibaliayo ebiliibwa halala eMizipa. 2Mana Ishimaeli waNetsania nabandu abo ekhumi aba yali ninabo nibabuukha, nibarema Gedalia waAhikamu waShafani nolukanga nibamwira, oyo owa omuruchi waBabeli yali niyayeemeeshe abe kafuna weshialo. 3Ishimaeli niyeera nende abaYahudi bosi aba yali ninabo, mbu aba Gedalia yali ninabo, eMizipa, khandi nende abaKalidayo abanyoolekhayo, nibo abaseeri tsana.
4Mana khunyanga yakhabili, eyalonda khunyanga olwa yali niyeerile Gedalia, abandu nibarashiamanyakhwo ta, 5abandu bandi barula eShekhemu, nende eShiilo, nende eSamaria, abandu amakhumi munaane, nibeebechile ebileefu, nibaranduule tsingubo tsiabwe, nibeesalaache tsisalache; ne bali nebihaanwa bieimele nobubaane mumakhono, okhubiyila munzu yOMWAMI. 6Mana Ishimaeli waNetsania narula eMizipa okhubaakaanila, nalila amasika nachenda; ne olwa yaakaana ninabo yabasunjila mbu Chende khutsie ewaGedalia waAhikamu. 7Ne olwa boola mwitookho hakari Ishimaeli waNetsania nabandu aba yali ninabo nibabeera, nibabasukuna mubwina bundi. 8Nebutswa abandi ekhumi abali khubo nibasunjila Ishimaeli bari Orakhwira ta; okhuba khuli nemibiikho chieingaano neishayiri namafura nende obuushi, echia khubisile mumikunda. Kho nabalekha ario, narabeera halala nabashiabwe ta.
9Ne obwina obwa Ishimaeli yasukunamwo emilambo chiosi chiabandu abo aba yali niyeerile bwali obwina obukhongo tsana obwa omuruchi Asa yakhola khulwa okhuria Baasha omuruchi waIsiraeli. Ishimaeli waNetsania nabwitsusia abeerwa abo. 10Mana Ishimaeli yabahamba imbambe omusikalo kwosi kwabandu abali nibali muMizipa nabayila; mbu abakhaana beinzu yomuruchi nabandu bosi abali nibasikaale muMizipa, aba Nebuzaradani omwimilisi wabasikari abalindi yali nahaanile mumukhono kwaGedalia waAhikamu; Ishimaeli waNetsania yabahamba nabayila, niyeenyokha niyaambukha okhutsia khubaana baAmoni.
11Nebutswa olwa Yohanani waKarea nabaseesia bosi bamahe abo aba yali ninabo bahulila akobubii obwo bwosi obwa Ishimaeli waNetsania yali nakholile, 12babukula abandu babwe bosi, nibatsia okhuseera Ishimaeli waNetsania, nibamunyoolelesia heetiba likhongo elili muGibeoni. 13Ne olwa abandu bosi aba Ishimaeli yali ninabo balola Yohanani waKarea nende abaseesia bamahe abo bosi aba yali ninabo, nibatsatsahala 14Kho abandu abo bosi aba Ishimaeli yali nahambile imbambe nabarusia eMizipa, nibashiukhana nibakalukha nibatsia ewaYohanani waKarea. 15Ne Ishimaeli waNetsania yeehonokokha khuYohanani, nabandu munaane halala ninaye, nibatsia khubaana baAmoni. 16Mana Yohanani waKarea nabaseesia bamahe abo bosi aba yali ninabo, babukula omusikalo kwosi kwabandu aba yali nahoniye mumukhono kwaIshimaeli waNetsania, owabarusia eMizipa namalile okhwira Gedalia waAhikamu, nibo abaseeri, nabakhasi, nabaana, nabasumba abalate, aba Yohanani yakalusia okhurula eGibeoni. 17Nibatsia nibamenya eGerutsi Khimuhamu, eyili ahambi nende Betselehemu, nibeenya okhutsia eMisiri, 18khulwa amakhuwa kabaKalidayo; okhuba babariitsanga, shichila Ishimaeli waNetsania yali niyeerile Gedalia waAhikamu, owa omuruchi waBabeli yali niyayeemeeshe abe kafuna weshialo.
Currently Selected:
Yeremia 41: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
