Yeremia 39
39
Okhukwa khwaYerusalemu
(2 Abaru. 24.20—25.21; 2 Akets. 36.17-21; Yer. 52.3-30)
1Mumuyika kwashienda kwaZedekia omuruchi waYuda, mumwesi kwekhumi, Nebukhadineza omuruchi waBabeli nelihelie liosi nibeetsa okhuseera Yerusalemu, nibaliikalila; 2ne mumuyika kwekhumi nalulala kwaZedekia, mumwesi kwakhane nikuli shienda, bakhupa eshibanga mulukoba. 3Ne olwa Yerusalemu yali niyibukuulwe, abakhulundu bosi bomuruchi waBabeli nibeenjila, nibeekhala hashilibwa shiahakari; mbabano, mbu Neribali-sharezeri Samugari-nebo, Sarisekhumu omurabusarisi, naNerigalisharezeri omurabumagi, halala na-bandi bosi abokhubakhulundu bomuruchi waBabeli. 4Ne olwa Zedekia omuruchi waYuda nende abaseeri bosi babalola, kho beelukha, nibarula mwitookho mushilo, nibalonda khunjila yomukunda kwomuruchi, mushilibwa eshiali hakari wetsingoba tsibili; narula natsia enaAraba. 5Nebutswa lihe liabaKalidayo liabalondachilila, nilimunyoolelesia Zedekia mumihololookhwe chieYeriko; nolwa bali nibamuhambile, bamutikulusia nibamuyila ewaNebukhadineza omuruchi waBabeli eRibila, mushialo shiaHamatsi; naye namukhalachila eshiina. 6Mana omuruchi waBabeli niyeera abaana baZedekia imbeli wetsimonitsie; khandi omuruchi waBabeli niyeera abamakuru bosi baYuda. 7Khandi yamufutula Zedekia tsimoni, namuboha nebitiili okhumuyila eBabeli. 8AbaKalidayo nibasamba inzu yomuruchi netsinzu tsiabandu nomulilo, nibalikulula olukoba lwosi IweYerusalemu. 9Mana Nebuzaradani omwimilisi wabasikari abalindi yaara omusikalo kwabandu okwali nikushitong'a mwitookho nabayila eBabeli, halala nabahunzushi abahunzukha nibeeyunga khuye, nomusikalo kwabandu okwali nikushitong'a. 10Habula Nebuzaradani omwimilisi wabasikari abalindi yalekhayo abandi abokhubamanani mushialo shiaYuda, abo ababula eshindu, nabaheelesia emikunda chiemitsabibu nemikunda chindi mundaalo etsio.
Nebukhadineza yalinda Yeremia namukholela amalayi
11Haho Nebukhadineza omuruchi waBabeli yalachilisia Nebuzaradani omwimilisi wabasikari abalindi khumakhuwa kaYeremia, ari 12Omubukule, omulinde bulayi, ne oramukholela libii liosi ta; habula mbu omukholelenje shinga omwene olwa alakhusunjilanga. 13Kho Nebuzaradani omwimilisi wabasikari abalindi naNebushazibani omurabusarisi, naNerigalisharezeri omurabumagi, nabakofu abakhulundu bomuruchi waBabeli, 14baruma abandu niba-yinia Yeremia mulwanyi lwabasikari abalindi, nibamuhaana mumukhono kwaGedalia waAhikamu waShafani, mbu amuyile ewuwe. Kho yamenya ario mubandu abo.
Ebedi-melekhiyasuubisibwa mbu alalindwa shisale
15Haho likhuwa liOMWAMI liamwitsila Yeremia olwa yali niyeekalilwa mulwanyi lwabasikari abalindi, liri 16Tsia osunjile Ebedimelekhu omuEtiopia ori Kano niko aka OMWAMI omwene mahe, Nyasaye waIsiraeli, aboola, mbu Lola, ndaloosia amakhuwa kanje khwitookho lino okhubakhupia khushibii, ne okhuleera amalayi ta; ne kaloosibwa imbeliwo khunduukho eyo. 17Ne ndalakhuhonia iwe khunduukho eyo, OMWAMI aboola; kata shiolahaanwa mumakhono kabandu abo aba oriitsanga ta. 18Okhuba okhuhonia ndalakhuhonia, kata shiolakwa khulwa olukanga ta; ne obulamubwo bulaba eshiyaayoshio; shichila wayandisiichilenje; nilwo olwa OMWAMI ahoola.
Currently Selected:
Yeremia 39: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
