Yeremia 33
33
Tsikhabi tsiaYerusalemu okhukalusibwa
1Khandi likhuwa liOMWAMI nilimwitsila Yeremia olwakhabili, olwa yali nashiikalwa mulwanyi lwabalindi; liri 2Kano niko aka OMWAMI aboola, oyo owalonga eshialo, OMWAMI owashikasia nashiralisia; OMWAMI nilio eliiralie; 3ari Uhaabile, nasi ndalakhukalusiamwo, nikhumanyia amakhuwa amakhongo, akamabiswi, aka oramanyilekhwo ta. 4Okhuba kano niko aka OMWAMI, Nyasaye waIsiraeli, aboola khuketsinzu tsiomwitookho lino, nokhuketsinzu tsiabaruchi baYuda, etsialikululwa okhusinjisia omushinji imbeli webituuli ebia abeekalili babunjikha, nokhushinga abetsinganga; 5mbu abaKalidayo beetsanga okhuseera, nokhwitsusiamwo emilambo chiabafu abo aba enzitsa okhwira muburima bwanje nomubululu bwanje, aba obubii bwabwe bwosi bwachilile nimbisila litookho lino tsimoni tsianje. 6Lola, ndalalileerela obulamu nobuhonii, nimbahonia, nimbabisulila obunji bwomulembe nende okhuba shisale. 7Ne ndalakalusia tsikhabi tsiaYuda netsikhabi tsiaIsiraeli, nimboombakha shinga olwa bali olwambeli. 8Ndalabasiiya mubumavaanu bwabwe bwosi obwachila nibanzonoonela; khandi ndalabaleshela obumayaanu bwabwe bwosi obwachila nibanzonoonela, nobwachila nibakhaya. 9Mana litookho lino lilambeela eliira liobusangaafu, eliobwitsoomii nelioluyali imbeli wamahanga kosi keshialo, akalahulila akamalayi kosi aka enzitsa okhubakholela, nikaria nikatechelela amalayi kosi nomulembe kwosi ebia enzitsa okhulinyoolela.
10Kano niko aka OMWAMI aboola; mbu Habundu hano, aha musungangakhwo mbu nelikunda, aharali abandu kata emiruko ta, kata mumataala kaYuda nomutsinjila tsieYerusalemu, ahali likunda, aharali abandu, aharali abamenyamwo, aharali emiruko ta, kulahuliilishilamwo khandi 11omwoyo kwobusangaafu nomwoyo kwobutsatsahaafu, omwoyo kwomwene shiselelo nomwoyo kwomweha, nemioyo chia abo abeemba mbu
Mukhupile OMWAMI omwene mahe orio,
okhuba OMWAMI nomulayi;
khandi obuheelibwe oburalilu nobwobumeli.
Olwa balamalanga emisango chiokhuupa orio munzu yOMWAMI. Okhuba ndalakalusia tsikhabi tsieshialo, tsibe shinga olwa tsialinji olwambeli; nilwo olwa OMWAMI aboola.
12Kano niko aka OMWAMI omwene mahe aboola; mbu Shikoono habundu hano, ahali butswa likunda, aharali abandu naharali emiruko ta, namataala kaho kosi, halabamwo ebimenyo biabaayi abahuluusia ebiayo biabwe. 13Mumataala keshialo shiebikulu, nomumataala keShefela, nomumataala kaNegebu, nomushialo shiaBenyamini, nomumbali tsieYerusalemu, nomumataala kaYuda, ebiayo bilabira khandi hasi womukhono kwa oyo oubibasia; nilwo olwa OMWAMI aboola.
14OMWAMI aboola mbu Lola, tsindaalo tsiitsanga olwa ndiliusia obusuubisii obwa ndasuubisia inzu yaIsiraeli nende inzu yaYuda. 15Mundaalo tsienetsio, khandi khushise eshio, ndalaromboosilia Daudi Omurombo omulunjishi; naye alakhola obuyaasii bwatoto nobulunjishi mushialo. 16Mundaalo etsio Yuda shilahonibwa, ne Yerusalemu lilamenya shisale; ne eliira elia lilakulikhwa ndielino, mbu OMWAMI ouli obulunjishi bweefwe.
17Okhuba kano niko aka OMWAMI aboola; mbu Daudi shialatamba omundu okhwikhala khushifumbi shieinzu yaIsiraeli, 18kata abakuhani abaLawi shibalatamba omundu imbeli wanje okhumala emisango emisambe, nokhusamba emisango chieimele, nokhumalanga emisango chiosi obushia nobushia ta.
19Likhuwa liOMWAMI nilimwitsila Yeremia, liri 20Kano niko aka OMWAMI aboola; mbu Nimuba nimwakhanyala okhusasia indakano yanje yeshiteere neindakano yanje yeshilo, mbu mana eshiteere neshilo bileshenje okhubaho munduukho tsiabio, 21khO indakano yanje nayo yakhanyala okhusasibwa, eya ndalakana nende Daudi omusumba wanje, aleshe okhuba nomwana ouruka khushifumbishie ta; kata nende eyo eya ndalakana nabaLawi abakuhani, abakhalabani banje. 22Shinga amahe akelikulu olwa karabalikha, kata omuyeshe kweinyanza okhuchelekha ta, nolwa ndaleenjiyia abeetsukhulu baDaudi omusumba wanje, nende abaLawi abakhalabanilanga.
23Likhuwa liOMWAMI nilimwitsila Yeremia, liri 24Shioyililisinjia khuka abandu bano baboolile, mbu Tsinzu tsibili etsio etsia OMWAMI yalobola, kho wayeebalile? Nindio balekanga abandu banje, mbu shibalaba lihanga imbeli wabwe khandi ta. 25Kano niko aka OMWAMI aboolambu Nikakhaba mbu shindalakana indakano yeshiteere neshilo, kata okhuraho obwanzilo bwosi bwelikulu neshialo, ta, 26kho ndaleebala abetsinzibulo tsiaYakobo netsiaDaudi omusumba wanje, oburabukulanga abokhubetsinzibulotsie okhuruka abetsinzibulo tsiaAburahamu, naIsaka, naYakobo ta. Okhuba ndalakalusia tsikhabi tsiabwe, nimbabeela tsimbabasi.
Currently Selected:
Yeremia 33: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
