Yeremia 30
30
Basuubisibwa mbu balalekhuulwa, nibakalukha ingo
1Likhuwa elieetsela Yeremia okhurula khuMWAMI ndielino; mbu 2Kano niko aka OMWAMI, Nyasaye waIsiraeli, asunga; mbu Handiika amakhuwa kosi aka ndakhusunjila mushitabu. 3Okhuba lola, OMWAMI aboola mbu Tsindaalo tsiitsanga olwa ndalakalusia tsikhabi tsiabandu banje Isiraeli nende Yuda, OMWAMI aboola; ne ndalabakalusia mushialo eshia ndaheelesia abakuuka babwe; ne balashilia.
4Amakhuwa aka OMWAMI yaboola khukaIsiraeli nokhukaYuda ngakano; mbu
5Kano niko aka OMWAMI aboola;
mbu Khuhuliile omwoyo kwokhutechela,
okwoburii, okurali okwomulembe ta.
6Reebe bulaano, mulole;
mbu omusaatsa yakhalumwa okhwibula omwana nohomba?
Ne mbushiina nindolanga bulmusaatsa niyeetiila amakhono mushishienje shinga omukhasi oulumwa okhwibula,
buli mundu nasaamuushile mumoni?
7Woowe! Okhuba inyanga eyo neikhongo;
yibulaho eyindi eyilwanana ninayo;
niyo induukho yamasiia khulwa Yakobo;
ne alahonilibwamwo.
8Ne khunyanga eyo, OMWAMI aboola, ndalafunaka likokolo nilirusia mumakosi kabwe, nikhalaka ebibohelo biabwe; kata abasuku shibalabakhalabania khandi ta; 9nebutswa balakhalabanila OMWAMI Nyasaye wabwe, nende Daudi omuruchi wabwe, owa ndalababuusilia.
10Kho OMWAMI aboola mbu Oraria tawe, iwe Yakobo omusumba wanje,
kata orafwa omwoyo ta, iwe Isiraeli;
okhuba lola, okhurula ehale ndalakhuhonia,
nende abolwibulolwo okhurula khushialo shiobubohwi bwabwe;
mana Yakobo alakalukha, abe mubuholeelefu nobwale,
kata abulaho oulamuriisia ta.
11Okhuba endi ninawe, OMWAMI aboola, okhukhuhonia;
ndalaakamilia elala amahanga kosi aka ndakhusalaasiliamwo;
nawe, shindalakhwakamilia elala ta;
habula ndalakhukuuma neshichelo;
shindalakhulekhakhwo oburakhukuuma ta.
12Okhuba kano niko aka OMWAMI aboola;
mbu Okhusaalilakhwo shikhunyala okhuhonibwa ta;
lifumirelio nelibii muno.
13Abulaho oukhuterela;
bubulaho obusilishi;
kubulaho omusaala okukhuhonia.
14Abatiabo bosi bakhwibiliile;
shibakhukhaaba ta;
okhuba ekhufumiire lifumire liomusuku,
nobukuumi bwomusuku oubula tsimbabasi,
khulwa obunji bwobumayaanubwo,
shichila ebionoonobio biameetekha.
15Nishiina eshichila nolakaya khulwa okhusaalilakhwo?
Okhutsuunwakhwo shikhunyala okhuhonibwa ta;
khulwa obunji bwobumayaanubwo,
shichila ebionoonobio biameetekha,
niko akachilile nikhukholela endio.
16Kho bosi abakhulia nabo balaliibwa;
abasukubo bosi, buli mulala khubo, balatsia mububohwi;
abakhuyaaya nabo balakwa eshiyaayo;
nabo abakhuyiima ndalabeebala bakwe eshioluyiitsi.
17Okhuba ndalakhukalusilia obulamu,
nihonia amafumireko,
nilwo olwa OMWAMI aboola;
okhuba bakhulanjile mbu omuboone,
bari, NiSayuni, owa omundu yesi arateebakhwo likhuwa ta.
18Kano niko aka OMWAMI aboola;
mbu Lole, ndalakalusia tsikhabi tsiamaheema kaYakobo,
nende okhubeela ebimenyobie eshisa;
litookho liloombashilwa khushituuli shialio,
inzu ikhulundu nayo niyisinjila aha yalinji.
19Nokhurula mubio mularulamwo tsinyimbo tsiokhuupa orio,
nomwoyo kwa abo abatsatsahala;
ndalabeenjiyia, nibaraba abaleemu ta;
ndalabakhulunduyia, nibaraba abatuutu ta.
20Abaana babwe nabo balaba shinga olwa balinji khale;
omukhung'aano kwabwe kularalisibwa imbeli wanje;
ndalakuuma bosi ababamiina.
21Omukhulundu wabwe alaba owokhubo abeene;
oubaruka alarula mubo;
ndalamusitia ahambi, naye alanzitsila;
okhuba ali heena owakhatsaalikha okhunzitsila?
nilwo olwa OMWAMI aboola.
22Neenyu mulaba abandu banje,
nasi ndalaba Nyasaye weenywe.
23Lole, imbumbuyeka yOMWAMI njieyo!
Obululubwe burulile,
eshiimbalakusi;
bularulishila khumurwe kwomubii.
24Oburima obululu bwOMWAMI shibulashiukhana ta okhuula olwa alaba nakholile,
niyoosiye tsiyemi tsiomwoyokwe.
Mundaalo tsiolunyuma mulatiila khushisina.
Currently Selected:
Yeremia 30: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
