Yeremia 28
28
Obulakusi bwobukaatii bwaHanania
1Mumuyika kwenokwo, khukhuchaaka khwoburuchi bwaZedekia omuruchi waYuda, mumuyika kwakhane, nomwesi kwakharaano, Hanania waAzuru, omunabii, owali oweGibeoni, yasungana ninasi munzu yOMWAMI, abakuhani nabandu bosi nibaliho; 2ari Kano niko aka OMWAMI omwene mahe, Nyasaye waIsiraeli, asunga; mbu Efunaache likokolo liomuruchi waBabeli. 3Emiyika nichishili okhuhwa emilamba chibili, ndakhakalusie hano ebimanulwa biosi ebiomunzu yOMWAMI, ebia Nebukhadineza omuruchi waBabeli yayinia hano nabiyila eBabeli. 4Khandi ndakhakalusie hano Yekonia waYehoyakimu omuruchi waYuda, halala nende abaarwa bosi abarula muYuda nibatsia eBabeli; nilwo olwa OMWAMI aboola; okhuba ndakhafunache likokolo liomuruchi waBabeli.
5Mana omunabii Yeremia yasunjila omunabii Hanania, abakuhani bosi nibaliho, nende abandu bosi abali nibasinjiile munzu yOMWAMI; 6omunabii Yeremia nasunga mbu Amina! OMWAMI akhole ario; OMWAMI yoosie amakhuwa aka orumbuule, mbu okhukalusia hano ebimanulwa ebiomunzu yOMWAMI, nende abo bosi abaarwa, okhurula eBabeli. 7Nebutswa bulaano hulila likhuwa lino elia emboola mumarwiko, nomumarwi kabandu bosi; 8mbu Abanabii aba'ranjilila, nabakhuranjilila iwe khale, barumbulanga akokhufukula ebialo ebinji, nakokhufukula oburuchi obukhongo, amakhuwa kelihe, nakeinzala, nakoluumbe. 9Nebutswa omunabii ourumbula akomulembe, olwa amakhuwa komunabii oyo kalaba nikoosiibwe, nilwo olwa omunabii oyo alamanyika, mbu OMWAMI niye owamuruma toto.
10Mana Hanania omunabii nabukula eshisekeyi eshiokhwikosi liomunabii Yeremia, nashifunaka. 11Hanania naboola, abandu bosi nibaliho, ari Kano niko aka OMWAMI aboola; mbu Nindio ndalafunaka likokolo liaNebukhadineza omuruchi waBabeli khwikosi liamahanga kosi, emiyika nichishili okhuhwa emilamba chibili. Naye omunabii Yeremia natsia ewa atsia.
12Mana likhuwa liOMWAMI nilimwitsila Yeremia, olwa Hanania omunabii yali nafunaache eshisekeyi eshiokhwikosi liomunabii Yeremia, liri 13Tsia oboolele Hanania ori Kano niko aka OMWAMI aboola; mbu Ofunaache ebisekeyi biebisaala; ne mushilenje shiabio ndalakhola ebisekeyi bieshibia. 14Okhuba kano niko aka OMWAMI mahe, Nyasaye waIsiraeli, aboola, mbu Ndareele likokolo lieshibia khwikosi liamahanga kano kosi, mbu kamukhalabanile Nebukhadineza omuruchi waBabeli; ne kalamukhalabanila; okhuba ndamuheele kata tsisolo etsiomubulimo tsiosi. 15Mana omunabii Yeremia nasunjila Hanania omunabii ari Hulila bulaano, Hananiashiali OMWAMI owakhuruma ta; ne osuubisinjia abandu bano akobubeeyi. 16Khulwako, kano niko aka OMWAMI aboola; mbu Lola, ndalakhurusia khushialo shino; witsa okhufwa omuyika kuno, shichila waboolile akeinduli khuMWAMI.
17Ne mumuyika kwenokwo, mumwesi kwomusaafu, Hanania omunabii nafwa.
Currently Selected:
Yeremia 28: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
