Yeremia 25
25
AbaBabeli okhubamulula emiyika amakhumi musaafu
1Likhuwa elieetsela Yeremia khukabandu bosi baYuda, mumuyika kwakhane kwaYehoyakimu waYosia, omuruchi waYuda; ne nikwo omuyika kwambeli kwaNebukhadineza omuruchi waBabeli; 2eliene nilio elia Yeremia omunabii yaboolela abandu bosi baYuda, nende bosi abamenyanga muYerusalemu; ndielino, 3mbu Okhurula khumuyika kwekhumi nakhataru kwaYosia waAmoni omuruchi waYuda, okhuula olwa leelo, mbu emiyika amakhumi kabili nachitaru, likhuwa liOMWAMI linzitsilanga, nasi nimuboolelanga, nimboola khale nilumilila okhuboola; nebutswa shimuhulilanga ta. 4Khandi OMWAMI yamurumila abasumbabe abanabii bosi, nabarumanga khale nalumilila okhubaruma; nebutswa shimuhulilanga kata okhureka amarwi ta; 5nibaboolanga mbu Bulaano kalushe buli mundu okhurula khunjilaye imbii, nokhurula khububii bwebikholebie, mumenye mushialo eshia OMWAMI yamuheelesia inywe nabakuuka beenywe, okhurula khale ne inziayo. 6Muralonda khubanyasaye bandi okhubakhalabanila nokhubeenamila, kata murasinyisia nebikhole biamakhono keenywe; mana isie shindalamukhupia khushibii tawe. 7Nebutswa shimwayambulila ta; nolwa OMWAMI aboola; mbu mana musinyisie nebikhole biamakhono keenywe, nimwichemela amabii.
8Khulwako kano niko aka OMWAMI omwene mahe aboola; mbu Okhuba mwakhaya okhuhulila amakhuwa kanje, 9lole, ndalarumana abetsimbia tsiosi tsiebunotsi, OMWAMI aboola, nende Nebukhadineza omuruchi waBabeli, omusumba wanje, nimbaseesia khushialo shino, nokhubamenyangamwo, nokhumahanga ako kosi akashibotokhana; ndalakatibilia elala, ningakhola kabe akamariisia, akokhunyokhoosibwa, kabe aketsisoni tsindaalo tsiosi. 10Khandi ndalarusilia elala muko omwoyo kwokhwikhoya nomwoyo kwobutsatsahaafu, omwoyo kwomwene shiselelo nomwoyo kwomweha, amayoosi ketsinjina, nobulafu bweitaha. 11Eshialo shino shiosi shilaba likunda, khandi eshiamariisia; amahanga ako nako kalasiobela omuruchi waBabeli emiyika amakhumi musaafu. 12Mana emiyika echio amakhumi musaafu olwa chiliba nichihweele, ndalakuuma omuruchi waBabeli nende lihanga tsana neshialo shiabaKalidayo, OMWAMI aboola, khulwa obumayaanu bwabwe; ne ndalashikwisia likunda ebisoni nebisoni. 13Khandi ndalaleera khushialo tsana amakhuwa kanje kosi aka ndashirumbulila, niko kosi akahandiikwa mushitabu shino, aka Yeremia yarumbulila amahanga ako kosi. 14Okhuba amahanga amanji nabaruchi abakhongo balabakhola abasumba, kata bo abeene; nasi ndalabarunga ebikhole biabwe shinga olwa bili, khandi emilimo chiamakhono kabwe shinga olwa chili.
Eshikombe shioburima obululu khulwa amahanga
15Okhuba kano niko aka OMWAMI, Nyasaye waIsiraeli, yamboolela; mbu Bukula mumukhono kwanje eshikombe shino shieidivai yobululu, nonyweesia amahanga ako kosi aka ekhurumila. 16Nako kalanywa, nikayingoya nikalalukha, khulwa olukanga olwa ndalaruma hakari wabwe.
17Kho ndabukula eshikombe tsana mumukhono kwOMWAMI, ninyweesia amahanga ako kosi aka OMWAMI yarumakhwo; 18mbu Yerusalemu, namatookho kaYuda, nabaruchi balio nabakhulundu balio, okhubakhola likunda, amariisia, akokhunyokhoosibwa, khandi eshilaka munwa, shinga olwa kali leelo; 19nabo Farao omuruchi waMisiri, nabasumbabe, nabakhulundube, nabandube bosi; 20nabarende bosi abatsokana mubo; nabaruchi bosi beshialo shiaUzi, nabaruchi bosi beshialo shiabaFilisiti nabaAshekeloni, naGaza, naEkeroni, nomusikalo kwaAshidodi; 21Edomu, naMoabu, nabaana baAmoni; 22nabaruchi bosi baTiro, nabaruchi bosi baSidoni, nabaruchi bolukuku oluli injelekha weinyanza; 23Dedani, naTema, naBuzi, nabosi abeebekanga lituma; 24nabaruchi bosi bebuArabu, nabaruchi betsimbia etsitsokatsokaane abamenyanga mushitsiimi; 25nabaruchi bosi baZimiri, nabaruchi bosi baElamu, nabaruchi bosi bebuMedi; 26nabaruchi bosi bebunotsi, abehale nabahambi, nibalondana mulala mulala; naboburuchi bwosi bwebialo biosi, ebiliho khushialo eshilamba; mana omuruchi waBabeli alanywa inyuma wa abo.
27Mana olabasunjila mbu Kano niko aka OMWAMI omwene mahe, Nyasaye waIsiraeli, aboola; mbu Nywe, nimumeela, nimusala, nimukwa, nimurabuukha khandi ta, khulwa olukanga olwa ndalaruma hakari mwinywe.
28Ne nibaba nibaloba okhubukula eshikombe eshili mumukhonokwo, nokhunywa, kho olabasunjila mbu Kano niko aka OMWAMI omwene mahe aboola, mbu Okhuula munywe. 29Okhuba lole, enjaaka okhukhola libii heetookho elikulishilwa khuliira lianje; neenyu mwakhachweya okhukuumwa noho? Mbula, shimulachweya okhukuumwa ta; okhuba ndalaIanjisia mbu olukanga lwitse khubamenyanga mushialo eshilamba, bosi pe; niIwo olwa OMWAMI omwene mahe aboola.
30Kho rumbula amakhuwa kano khubo, nobasunjila mbu
OMWAMI alahoola okhurula ikulu,
omwoyokwe kularumbukha okhurula khushimenyoshie eshitakatifu;
alahoola namaani khukhonjeye;
alachinga olukhu shinga abaswala tsinzabibu,
okhufukula abamenya mushialo bosi.
31Obuyoka buloola kata khushihesi shieshialo;
okhuba OMWAMI ali neshifunaane namahanga;
aleenesanal nende abandu bosi,
nababii, alabahaana khulukanga;
niIwo olwa OMWAMI aboola.
32Kano niko aka OMWAMI omwene mahe aboola; mbu
Lola, obubii burulanga,
okhurula khwihanga okhuula khwihanga lindi;
imbumbuyeka ikhongo yibuusiibwe okhurula khundulo weshialo.
33Abeerwa nOMWAMI khunyanga eyo balahela okhurula khushihesi shieshialo eyi okhuula khushihesi shieshialo eyi; shibaleekhuulwa, kata shibalakhung'aasibwa kata okhuyabilwa ta; balaba imbolela butswa khwiloba.
34Khupe tsimbungu, inywe abaayi, nimulakaya;
mwikalakasie mwikoshe, inywe abaami abomwituuli;
shichila tsindaalo tsiokhwirwa khweenywe nokhusalaasibwa khweenywe tsimalile okhuula;
mulakwisibwa shinga amamiiku amalobole.
35Obwilushilo shibulatong'ela abaayi,
kata obuhonelo khulwa abaami abomwituuli ta.
36Oluyoka Iwokhulakaya khwabaayi,
nokhwetsimbungu tsiabaami abelituuli!
Okhuba OMWAMI yoonoonia obwayilo bwabwe.
37Tsikhonje tsiomulembe tsiakamibwa,
khulwa oburima obululu bwOMWAMI.
38Aleshile libisilolie, shinga italanyi;
okhuba eshialo shiabwe shikwile eshitsiimi khulwa obululu bwolukanga Iwobusandii,
khandi khulwa oburimabwe obululu.
Currently Selected:
Yeremia 25: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
