Yeremia 24
24
Eliechesio liamakhuyu amalayi nende amabii
1Olwa Nebukhadineza omuruchi waBabeli yali namalile okhuyila Yekonia waYehoyakimu omuruchi waYuda mubuhambe, halala nende abakhulundu baYuda, nabandu abasitsa, nabeeraanyi, nabarusiye eYerusalemu, nabayila eBabeli, OMWAMI yamanyia kano; mbu lola, tsindubi tsibili tsiamakhuyu nzietsio, nitsirenjeekhwe imbeli weihekalu yOMWAMI. 2Indubi ndala yalimwo amakhuyu amalayi muno, shinga amakhuyu akaranjilila okhwenga; ne indubi yindi yalimwo amakhuyu amabii muno, akaranyala okhwilia ta shichila kabiiyila elala. 3OMWAMI niyareeba mbu Eshia oluutsi nishiina, Yeremia? Nisunga mbu Amakhuyu; mbu amakhuyu amalayi akali amalayi muno; namabii akali amabii muno, akaranyala okhwilia ta, shichila kabiiyila elala.
4Mana likhuwa liOMWAMI nilinzitsila, liri 5Kano niko aka OMWAMI, Nyasaye waIsiraeli, aboola; mbu Shinga olwa amakhuyu kano amalayi kali, nindio ndalachela abahambe baYuda, aba ndarusia habundu hano nimbaruma mushialo shiabaKalidayo, mbu nabalayi. 6Shichila ndalachoomia tsimoni tsianje khubo khulwa amalayi, nimbakalusia khandi mushialo shino. Ndalaboombakha, shindalabalikulula ta; ndalabaraaka, shindalabasiula ta. 7Ndalabaheelesia omwoyo okunyala okhumanya shinga olwa endi OMWAMI; nabo balabn abandu banje, nasi ndalaba Nyasaye wabwe; okhuba balangalushila nende omwoyo kwabwe kwosi.
8Khandi kano niko aka OMWAMI aboola; mbu Shinga akamakhuyu amabii olwa kali, akaranyala okhwilia ta, shichila kabiiyila elala, nindio ndalakholela Zedekia omuruchi waYuda nabakhulundube nomusikalo kwaYerusalemu, abo abashitong'a mushialo shino nende abo abamenya mushialo shiaMisiri. 9Ndalabahaana mbu babe eshiriisio mubwami bwosi bweshialo mbu babe linyeko noluchelo, liseeyo neshilaka munwa, buli handu hosi aha ndalabeelusilia. 10Khandi ndalaruma olukanga, neinzala, noluumbe hakari wabo, okhuula okva balaba nibasisiibwe okhurula mushialo eshia ndabaheelesia bo nabakuuka babwe.
Currently Selected:
Yeremia 24: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
