Yeremia 23
23
Abomusikalo bakalukha
1Woowe khubaayi abo abatibia nibasalaasia amakondi akomubwayilo bwanje! NiIwo olwa OMWAMI aboola. 2Khulwako, kano niko aka OMWAMI, Nyasaye waIsiraeli, asunga khukabaayi abo abaayanga abandu banje; mbu Musalaasiye lituuli lianje, nimuliilusia, nimuralilinda ta. Lole, ndalamukoonya inywe khulwa ebikhole bieenywe ebibii; nilwo olwa OMWAMI aboola. 3Khandi ndalakhung'aasia omusikalo kwelituuli lianje okhurula mubialo biosi ewa ndabeelusilia, nimbakalusia mukhonje tsiabwe; mana baleebulana nibeenjiha. 4Ndalaraho abaayi khubo abalabaayanga; shibalaria kata okhufwa omwoyo khandi ta; kata oundi yesi khubo shialabulaho tawe; nilwo olwa OMWAMI aboola.
5OMWAMI aboola mbu Lola, tsindaalo tsiitsanga olwa ndalamurombosilia Daudi Omurombo omulunjishi; naye alaruka, shinga olwa ali omuruchi, nakaasa, nakhola obuyaasii nobukhalachi bwatoto mushialo. 6Mundaalotsie Yuda alahonibwa, naye Isiraeli alamenya shisale; ne eliiralie elia alalangungwa ndielino, mbu OMWAMI ouli obulunjishi bweefwe.
7OMWAMI aboola mbu Lola, tsindaalo tsiitsanga olwa shibalasunganga khandi mbu Shinga OMWAMI olwa ali mwoyo owatikulusia abaana baIsiraeli nabarusia mushialo shiaMisiri, ta; 8habula mbu Shinga OMWAMI olwa ali mwoyo, owatikulusia abolwibulo lweinzu yaIsiraeli, nabeemilila injila okhurula mushialo shienotsi nokhurula mubialo biosi ewa yali nabeelusiliye; mana balamenya mushialo shiabwe abeene.
Akokhufukula abanabii bobubeeyi
9Akokhumakhuwa kabanabii ngakano;
mbu omwoyo kwanje mukari mwisie kutubuushe;
amakumba kanje kosi katechela;
endi shinga omundu oumeelile,
shinga omundu owa idivai yihulile,
khulwa OMWAMI,
khandi khulwa amakhuwake amatakatifu.
10Okhuba eshialo shiitsuulemwo abaheyi;
khulwa eshilaamo shiobubii, eshialo shiikhuula;
obwayilo bwomushitsiimi buumile kararara.
Injenda yabwe neimbii;
amaani kabwe shikali habwene ta.
11Okhuba abanabii nabakuhani bosi nabakafwiri;
kata munzu yanje yene ndanyoolile obubii bwabwe;
nilwo olwa OMWAMI aboola.
12Khulwako injila yabwe yilababeela shinga habundu aharelele mushiilima;
baleelusibwakhwo bwilusibwa, nibakwayo;
okhuba ndalabakhupia khushibii,
mbu omuyika kwokhukuumwa khwabwe,
nilwo olwa OMWAMI aboola.
13Mubanabii beSamaria ndaluutsi amakhuwa akarakhoyeele ta;
mbu balakulila Baali,
nibakosia abandu banje Isiraeli.
14Khandi mubanabii beYerusalemu ndaluutsi amakhuwa amabii kamakana;
baheyanga, nibachendela mububeeyi;
batinyisia amakhono kabakholi betsimbii,
mbu omundu yesi areekalukhasia okhurula khububiibwe ta;
bosi bangwiliile shinga Sodomu,
nabamenyangamwo shinga Gomora.
15Khulwako, kano niko aka OMWAMI aboola khumakhuwakabanabii; mbu
Lola, ndalabaheelesia indululusia okhulia,
nimbaheelesia amatsi kobufila okhunywa;
okhuba okhurula khubanabii beYerusalemu nikhwo okhwa obukafwiri burulanga nibutswana mushialo shiosi.
16Kano niko aka OMWAMI wamahe aboola; mbu Murahulila amakhuwa kabanabii abamurumbulilanga amakhuwa ta; bamukaasinjia namakhuwa amakhaya; baboola akobunabii bwomumioyo chiabwe abeene, niburarula mumunwa kwOMWAMI ta. 17Obushia nobushia baboolelanga abo abaleka likhuwa liOMWAMI, bari Mulaba nomulembe; khandi khubuli mundu owichendelesia mubutinyu bwomwoyokwe, bari Libii shililakhukwila ta.
18Okhuba niwina khubo owasinjila mumuse kwOMWAMI okhumanya nokhuhulila likhuwalie?
Niwina owareka amarwi khwikhuwalie nalihulila?
19Lole, imbumbuyeka yOMWAMI njieyo!
Obululubwe burulile,
eshiimbalakusi;
bularulishila khumurwe kwomubii.
20Oburima bwOMWAMI shibulashiukhana ta okhuula olwa alaba nakholile,
niyoosiye tsiyemi tsiomwoyokwe.
Mundaalo tsiolunyuma mulatiilila elala khushisina.
21Isie shindaruma abanabii abo ta;
nebutswa batsia tsimbilo.
Shindabasunjilakhwo ta,
nebutswa barumbulila muliira lianje.
22Khane nibakhasinjiile mumuse kwanje,
khane bakharumbuliile abandu banje amakhuwa kanje,
nibabashiukhasia barule khunjila tsiabwe tsimbii,
nokhurula khububii bwebikhole biabwe.
23OMWAMI areeba mbu Kho nindi ahambi, endi Nyasaye; ne nindi ehale, shindi Nyasaye ta; noho? 24Aliho ounyala okhwibisa hamabiswi mbu endeshe okhumulola? Nolwa OMWAMI areeba. Shinzitsulanga mwikulu nomushialo pe? Nolwa OMWAMI areeba. 25Ndahuliile aka abanabii baboolanga, abarumbulilanga akobubeeyi muliira lianje, bari Endoorile, endoorile. 26Ne kano kalamenya okhuula liina mumioyo chiabanabii abarumbulanga akobubeeyi, nibo abanabii abobubatsa obwomumioyo chiabwe abeene? 27Abeenabo beenyanga okhwibilisia abandu banje eliira li mje khulwa amalooro kabwe aka buli mundu atoonyelanga owashie, shinga abakuuka babwe olwa beebilila eliira lianje khulwa Baali. 28Omunabii ouli nende lilooro, atoonye akelilooro; ne oyo ouli nende likhuwa lianje, aboole likhuwa lianje mubwisiikwa. Olububa nishiina khungaano? Nolwa OMWAMI aboola. 29Likhuwa lianje shilifwana shinga omulilo? Nolwa OMWAMI aboola; khandi shinga inyoli eyitubula lichina? 30OMWAMI asunga mbu Lola, isie efukula abanabii abo abeebananga amakhuwa kanje. 31OMWAMI asunga mbu Lola, isie efukula abanabii abo abeekhoonyela tsinimi tsiabwe nibasunga mbu OMWAMI aboolile. 32OMWAMI asunga mbu Lola, isie embafukula abo abarumbuIanga akamalooro kobubeeyi, nibakatoonya, nibakosia abandu banje nobubeeyi bwabwe, khandi nende obushilaasii bwabwe; nebutswa isie shindabaruma kata okhubalaka ta; akabwe kabula inganga khubandu bano; nolwa OMWAMI aboola.
33Kho olwa omundu owokhubandu bano, kata omunabii, kata omukuhani, aba nakhureeba mbu Omusiiko omusitohu kwOMWAMI nishiina? Kho olakalusia mbu Ninywe omusiiko; ne ndalamulekha; nolwa OMWAMI aboola. 34Ne khumakhuwa komunabii tsana, nomukuhani, nomundu owokhubandu bano, oulasunga mbu Omusiiko kwOMWAMI, okhukuuma ndalakuuma omundu oyo nabeinzuye. 35Kano niko aka mulasungananga, buli mundu nowashie, nabuli mundu nomwana wabwe, mbu Aka OMWAMI akalusiye kali karie? Kata mbu Aka OMWAMI aboolile kali karie? 36Nebutswa omusiiko omusitohu kwOMWAMI, shimulakuralakhwo khandi ta; okhuba likhuwa liomundu yesi lilaba omusiiko kukwe; okhuba mwashiamiye amakhuwa kaNyasaye oubeetsangaho mwoyo, akOMWAMI omwene mahe ouli Nyasaye weefwe. 37Kano niko aka olareeba omunabii; mbu OMWAMI akhukalusiye arie? Kata mbu OMWAMI aboolile arie? 38Nebutswa nimuba nimusunga mbu Omusiiko kwOMWAMI; kho kano niko aka OMWAMI aboola; mbu Okhuba musunjile likhuwa elo, mbu Omusiiko kwOMWAMI, ne isie ndamukhupila omunwa mbu Murasungakhwo Omusiiko kwOMWAMI tawe; 39lole, niko akachila ndalamuchinga, nimurulaka hasi, halala nelitookho elo elia ndamuheelesia inywe nabakuuka beenywe, mbu murulekhwo. 40Ndalaleera khwinywe okhuseeywa okhurahwaho ta, tsisoni etsilabeetsangaho obushia nobushia, nitsireebililwa tawe.
Currently Selected:
Yeremia 23: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
