Yeremia 13
13
Eliechesio liomushiipi ohwonoonibwa
1Kano niko aka OMWAMI yamboolela; mbu Tsia okule omushiipi kweikitani, okwibohe mushishienje, ne orakwina mumatsi ta. 2Kho ndakula omushiipi shinga likhuwa liOMWAMI olwa liali, ningwiboha mushishienje. 3Mana likhuwa liOMWAMI nilinzitsila olwakhabili, liri 4Bukula omushiipi tsana okwa okulile, okwa wiboyile mushishienje; mana rula otsie khumwalo kwaEufurate, okubiseyo mubwina obwomulwanda. 5Kho ninzia, ningubisayo ahambi khuEufurate, shinga OMWAMI olwa yandaka. 6Mana olunyuma lwetsindaalo tsinyinji OMWAMI niyamboolela mbu Rula otsie khuEufurate, oyinieyo omushiipi tsana okwa ndakhulaka okhubisayo. 7Nasi ninzia khuEufurate, niyaba, nimbinia omushiipi habundu yaho aha ndakubisa; ne lola, omushiipi kwali nikwonooneeshe, nikurakaasila eshindu shiosi ta.
8Mana likhuwa; liOMWAMI nilinzitsila, niyasunjila mbu 9Nilwo olwa ndaloonoonia obwichinjimisii bwaYuda, nobwichinjimisii obukhongo bwaYerusalemu. 10Abandu bano ababii, abakhaya okhuhulila amakhuwa kanje, abachendanga mubutinyu bwemioyo chiabwe, nibalonda khubanyasaye bandi okhubakhalabanila nokhubeenamila, balaba shinga omushiipi kuno, okurakaasila eshindu shiosi ta. 11Okhuba shinga omushiipi olwa kuhanda mushishienje shiomundu, nolwa ndahandia inzu yosi yaIsiraeli neinzu yosi yaYuda khwisie, mbu bambeele oluyia lwa-bandu, neliira, neifuma, neing'oono; nebutswa bakhaya okhuhulila; nilwo olwa OMWAMI aboola.
Eliechesto lietsisiongo etsieetsusibwa idivai
12Khulwako, obaboolele likhuwa lino; mbu Kano niko aka OMWAMI, Nyasaye waIsiraeli, aboola; mbu Buli siongo yileetsusibwa idivai; nabo balakhusunjila mbu Ne shikhumanyile mbu buli siongo yileetsusibwa idivai? 13Mana olabasunjila mbu Kano niko aka OMWAMI aboola; mbu Lole, ndaleetsusia bosi abamenyanga mushialo shino obumeesi; mbu abaruchi abeekhala khushifumbi shiaDaudi, nabakuhani, nabanabii, nabosi abamenyanga muYerusalemu. 14Ne ndalabatiyania buli mundu khuwashie, mbu abasiani nabasamwana halala; nilwo olwa OMWAMI aboola. Shindalababeela tsimbabasi, kata okhubasaalilila, kata okhubatiililwa eshisa, mbu endeshe okhubatibia, ta.
Basiomelwa mbu baleyilwe mubuhembe khulwe obureekelukhesie bweYude
15Hulile, mureche amarwi; muleechinjimisia ta;
okhuba OMWAMI uboolile.
16Heelesie OMWAMI Nyasaye weenywe oluyali,
narashialeera eshiilima,
ebilenje bieenywe nibirashieesichirala khubikulu bieshiisiisie ta;
ne nimushikhaaba obulafu,
abukalula eshiinikha eshimali,
eshiilima eshimali ti.
17Ne nimuba nimukhaya okhuhulila,
omwoyo kwanje kulalilila obwichinjimisii bweenywe masilisi,
tsimoni tsianje tsilalila amasika, nikaroonya hasi,
shichila eshiayo shiOMWAMI shihambilwe imbambe.
18Osunjile omuruchi nende nyina muruchi,
mbu Mwikhale mubwikhalo obutuutu;
okhuba olusimbi Iweenywe olung'oonefu Iwisiibwe okhurula khumirwe chieenywe.
19Amataala keNegebu keekaalwe;
abulaho oukeekula;
abaYuda baarwa mushialo shiabwe bosi;
bosi baarilwa elala.
20Chinguule tsimoni, mulole abo abarula enotsi;
shili heena eshiayo eshia waheebwa,
eshiayoshio eshing'oonefu?
21Olasunga orie, olwa alara abandu hekuluwo okhuba omurwe,
aba iwe omwene weechesia okhuba abeetsabo?
Amasila shikalakhuhamba shinga akomukhasi oulumwa okhwibula?
22Ne noba nosunga mumwoyokwo mbu Kano kangwiliile mbushiina?
Nibwo obunji bwobumayaanubwo obuchila tsingubotsio nitsichinguulwa,
nawe nokholelwa akamahababa.
23OmwEtiopia yakhanyala okhukalukhasia likhobalie,
kata ingwe, amakolikondo kayo, noho?
Kho murio mivakhakhola amalayi,
inywe abayinyanga okhukhola amabii.
24Niko akachila ndalamusalaasia shinga olububa oluyilwa nomuyeka okurula mushitsiimi.
25OMWAMI aboola mbu Yino niyo ikhayo,
eshitonye eshia ndakhuebelela;
shichila wanzibilila,
niwisiika obubeeyi.
26Niko akachila isie ndalachinguula tsingubotsio okhufwimba mumonimwo,
mana tsisonitsio tsilalolekha.
27Ndaluutsi ebisinyobio,
mbu obuheyibwo, netsingalakalatsio,
nobwilaasi bwobutambabwo khubikulu ebulafu.
Woowe, iwe Yerusalemu!
Tsilaba tsindaalo tsinga norashialabibwa ta?
Currently Selected:
Yeremia 13: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
