Yeremia 12
12
Okhubutsuluula khwaYeremia, nende likalusio liaNyasaye
1E OMWAMI, oli omulunjishi olwa eyingana ninawe;
nebutswa enzenya okhufunaana ninawe akeshiina shianje.
Nishiina eshichilanga injila yababii niyikaasa?
Nishiina eshichilanga nibamenya shisale abakholanga obukaatii muno?
2Obaraaka, emisi chiabwe nichihanda;
bakhula, nibaama ebiamo;
obeetsanga ahambi nomunwa kwabwe,
habula ehale nomwoyo kwabwe.
3Nebutswa, OMWAMI, wayamanya;
undolanga, noteema omwoyo kwan e shinga olwa kuli khwiwe.
Bakhwese, obarusiemwo shinga amakondi akatsia okhwirwa,
nobaahulila inyanga yokhwirwa.
4Eshialo shiliikhuula okhuula liina,
emiani echiomushialo shiosi nichiilulukha?
Khulwa obubii bwa abo abamenyangamwo tsisolo namanyonyi biyuulwa pe;
okhuba basunga mbu Shialalola obumaliilishi bweefwe ta.
5Noba niweelukhana nabandu abachenda nebilenje, nibakhuchoonyia,
wakhanyala orie okhuyingana netsifarasi?
Ne noba noramenya eshisiche mulembe mushialo shiomulembe ta,
wakhaba orie mumitsuru chieYorodani?
6Okhuba kata abaana beenywe, nabeinzu yaso,
kata bo bakhukholeele akobukaatii;
kata bo balanjisia munyumawo;
ne orabasuubila ta,
kata olwa bakhusunjila amalayi.
7Ndaleshile inzu yanje;
ndayeebalile obulaame bwanje;
ndahaanile oyo owa omwoyo kwanje kuheela mumukhono kwabasukube.
8Obulaame bwanje bungwiliile shia italanyi mumutsuru;
achinguule omwoyokwe okhufukula,
ne khulwako emukiya.
9Kho obulaame bwanje bungwiliile shia ingosia yamakondokondo?
Tsingosia tsibufumbiile tsimbeka tsiosi noho?
Tsie mukhung'aasie tsisolo tsinabulimo tsiosi;
mwitse ninatsio, tsilie.
10Abaayi abanji boonooniye omukunda kwanje kwemitsabibu;
batubanjiile omukabo kwanje nebilenje biabwe;
bakwisiye omukabo kwanje omukaasu eshitsiimi shiamakunda.
11Bakukwisiye likunda;
kundikhuulila, nikuli likunda;
eshialo shiosi shikwisibwa likunda,
nebutswa abulaho outeeba likhuwa ta.
12Khubutenje obukhaya bwebikulu biosi ebili mushitsiimi aboonooninjia beetsilekhwo;
okhuba olukanga lwOMWAMI luliitsanga okhurula khushihesi shieshialo eundi okhuula khushihesi shieshialo eundi;
abandu bosi babula omulembe.
13Baraaka ingano, nibachesa amarakalu;
beeluyilisiye, ne nakabutswa;
balafwimbilwa ebichese biabwe omurwe,
khulwa oburima obululu bwOMWAMI.
14Kano niko aka OMWAMI asunga khukabamenyani banje ababii bosi, abatiilakhwo khubulaame tsana obwa ndaliisia abandu banje Isiraeli; mbu Lola, ndalabasiula okhurula mwiloba liabwe, nisiula inzu yaYuda hakari wabwe. 15Mana olwa ndalaba nimalile okhubasiula, ndalakalukha nimbabeela eshisa; nimbakalusia buli mundu khubulaamebwe, nabuli mundu khushialoshie. 16Mana kalaba mbu nibaba nibafuchiilila okhweka obutinyu tsinjila tsiabandu banje, okhwitsuba khuliira lianje, mbu Shinga OMWAMI olwa ali mwoyo; shinga olwa beechesia abandu banje okhwitsuba khuBaali; kho baloombakhwa hakari wabandu banje. 17Ne nibaba nibakhaya okhuhulila, kho okhusiula ndalasiula lihanga elo nilimululila elala; nilwo olwa OMWAMI aboola.
Currently Selected:
Yeremia 12: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
