Yakobo 4
4
Okhuhamba eshialo obwitsa
1Obusoolo nobukhupani obuli mwinywe buruIanga heena? Mbula, shiburulanga mumienya chieenywe, echisoolananga mubiungo bieenywe? 2Mwikombanga, nimuranyoola ta; mwiranga, nimukhalishilwa, nimukhaywa okhunyoola; mukhupananga nimusoolana. Shimubeetsanga ninabio ta, shichila shimusabanga tawe. 3Musabanga nimuranyoola ta, shichila musabanga bubii, mbu mubimalile khumienya chieenywe. 4Inywe ababula obwisiikwa, shimumanyile mbu okhuhamba eshialo obwitsa nikhwo okhuhamba Nyasaye obusuku? Kho owenya okhuba omwitsa weshialo, yeekhola ario omusuku waNyasaye. 5Kata mukaala mbu amahandiiko kaboolanga shikhaya nikasunga kari Roho owa yamenyia mwifwe akhwikombela amakhuwa shinga oukhutiiliilwe imbalikha? 6Nebutswa akhushilaasilinjia obukoosia. Niko akachila nikasunga mbu
Nyasaye afukulanga abeisunga,
nabakoosia obukoosia abali abaholo.
7Mumuhulilenje Nyasaye; ne mumufukule Setani, naye alamwilukha. 8Sitenje ahambi khuNyasaye, naye alamusitilanga ahambi. Labie amakhono keenywe, inywe aboonooni; siiye emioyo chieenywe, inywe abeshikhabili. 9Mubeelele, nimwikhuula, nimulila; okhutsekha khweenywe khukwe tsinzikhuulu, obusangaali bweenywe nabwo bukwe eshibeela. 10Mwituutuyie imbeli wOmwami, naye alamuchinguula.
Khuleshe okhumoonyananga
11Baana beefwe, muramoonyananga ta. Oumoonyanga omwana wabwe, kata ouyaasia omwana wabwe eshiina, afukula amalako, khandi ayaasia amalako. Ne noba noyaasia amalako, shioba omukholi wamalako ta, habula omuyaasii wayo. 12Aliho mulala yenyene ouli omuhani wamalako khandi omuyaasii; ne niye ounyala okhuhonia kata okhumulala. Ne niwe wina, ouyaasia owashio?
Oreeyitsialila akamukamba
13Mukhali murie, inywe ababoolanga muri Leelo luno, kata mbu Mukamba, nakhutsie mwitookho nabulebe, nikhumalayo omuyika, nikhukhola akobukhala, nikhunyoola amameeto; 14nebutswa shimumanyilekhwo akeetsa okhubaho mukamba ta. Obulamu bweenywe bukhali burie? Shichila muli butswa linang'ong'we, elilolekhangakhwo eshise, mana likhamuulukha. 15Mwakhabeele nimukhoyile okhuboola mbu Omwami naba nachama, nakhube mwoyo, nikhukhola likhuwa lino, kata elo. 16Nebutswa bulaano mwiyitsialila obwichinjimisii bweenywe; ne obwiyitsiali bwosi obufwana burio nobubii. 17Kho oumanyile okhukhola amalayi ne narakakhola ta, khuye nobwonooni.
Currently Selected:
Yakobo 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
