Yakobo 3
3
Olulimi
1Baana beefwe, mureenya okhuba abeechesia abanji ta; mumanyile bulayi mbu khulikhalachilwa eshiina eshitinyu. 2Shichila mumakhuwa amanji khwisichiralanga fwesi. Omundu oureesichirala mukhuboolakhwe ta, omwenoyo nomundu omulamba, ounyala okhuhania omubili kwosi. 3Olwa khureetsanga amahana ketsifarasi muminwa chiatsio okhutsihulilisia, khushiukhasinjia khurio emibili chiatsio chiosi. 4Kata lolele khumaaro nako; kata olwa kali amakhongo kario, nikeelusibwa nomuyeka kwamaani, kashiukhasibungwa neshilunjisilio eshituutu muno, aha oyo oukalunjisinjia yeenya. 5Olulimi nalwo lurio, nakhoongo akhatiiti akhomubili, ne nolweisunga muno.
Lole shinga omulilo omutuutu muno olwa kunyala okhuhambia omutsuru omukhongo! 6Olulimi nalwo nomulilo. Olulimi olwa lusinjiile mubiungo bieefwe, nilwo eshialo eshilamba shiobumayaanu; lwonooninjia omubili kwosi, niIuhambia omulilo obuboyongoyi bwoburulanda, olwene niIuhambibwa omulilo kwaGehena. 7Tsisolo namanyonyi bietsimbia tsiosi, kata ebimoolanga hasi nende ebiomunyanza, birukungwa khandi bimalile okhurukwa nabandu; 8nebutswa olulimi, abulaho ouluruka. Nilwo obubii oburahotselekha ta; Iwitsuulemwo obufwisi obwiranga. 9Khwitsoominjia Omwami nende Seefwe ninalwo; khandi khulakanga abandu ebilaka munwa ninalwo, abandu abalongwa khwikondo liaNyasaye. 10Okhurula mumunwa mulala murulangamwo obwitsoomii nende ebilaka munwa. Baana beefwe, amakhuwa ako shikakhoyeele ta. 11Isebele yirusinjia mumoni ndala amatsi amalayi nende amalulu kombi? 12Kata, baana beefwe, omukhuyu kunyala okhwama tsinzeituni, kata omutsabibu okhwama amakhuyu? Kata amatsi amalulu shikanyala okhurusia amalayi tawe.
Obuchesi oburula ikulu
13Ali heena mwinywe ouli wobuchesi nobumanyilisii? Alolosie ebikholebiemubuchesiobuholo munjila yobwichendelesii obulayi. 14Ne nimuba nimuli neimbalikha indulu nobuyingani mumioyo chieenywe mureeyitsoomia kata okhubeeyela obwatoto ta. 15Obwo shibuli obuchesi obwikhanga niburula ikulu ta; ne nobweshinashialo, nobweshinamubili, nobweshinadimoni. 16Shichila aha imbalikha nobuyingani bili, habwenaho haliho obukoyaanu nebikhole biosi biobumayaanu. 17Habula obuchesi oburulanga ikulu, olwambeli nobweleleshe, mana obwomulembe, nobuholo; nobwangu okhuhulila; bwayeetsulamwo eshisa nebiamo ebilayi; bubula eshiela kata obwikaatii. 18Ne ebiamo biobulunjishi biraachilwa mumulembe khulwabo abaleeranga omulembe.
Currently Selected:
Yakobo 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
