Isaya 8
8
Eliira liomwana womunabii
1Omwami niyamboolela ari Winyoolele olubaho olukhongo, ohandiichekhwo nolukalamu shinga olwa abandu bahandiikanga, ori Khulwa Maheri-shalali-hashibazi; 2niunyoolela abaloli abasuubilwa, nibo Uria omukuhani nende Zakaria waYeberekhia. 3Nasi ndamutsiila omunabii oweshikhasi; naye nahela inda, niyeebula omwana omusiani. Mana OMWAMI niyasunjila mbu Omukulishe eliira mbu Maherishalali-hashi-bazi. 4Okhuba omwana olwa alaba nashili okhumanya okhulanga mbu Papa, nende Mama, obuyinda bwaDamasiko nende ebiyaaywa biaSamaria bilayilwa imbeli womuruchi waAshuru.
5OMWAMI niyasunjila khandi, ari
6Olwa abandu bano balobile amatsi kaShiloa, akabiranga kahala,
nibarenga imbeli waResini nende omwana waRemalia;
7kho bulaano, lola, Omwami abaleerela amatsi kOmwalo, akali namaani, khandi amanji muno,
niko omuruchi waAshuru nende oluyalilwe lwosi;
kalaniina nikabira khumiombe chiakwo chiosi,
nikayemba khunguku tsiakwo tsiosi;
8kaleeyuula muYuda; kalahaanya nikabiramwo;
kaloola kata mwikosi;
nokhubambukha khwetsimbaha tsiako khulamala obubambalifu bweshialoshio,
e Imanueli.
9Manye lino, inywe tsimbia tsiabandu,
nimufwa omwoyo;
reche amarwi, inywe ebialo biehale;
mwibohe mubishienje, nebutswa mulafwa omwoyo;
mwibohe mubishienje, nebutswa mulafwa omwoyo.
10Loosie amakhuwa, nako kalaba akabutswa;
sunje likhuwa, nalio shililasinjila ta;
okhuba Nyasaye aliho halala nineefwe.
OMWAMI abe ye owa muriitsanga.
11Okhuba OMWAMI yamboolela ario nende omukhono kwamaani, niyanzibaalila mbu endeshe okhuchendela khunjila yabandu bano, naboola mbu 12Murarumbula muri Obukhobani mbwobwo, khubuli likhuwa elia abandu bano barumbulangakhwo bari Obukhobani mbwobwo tawe; kata muraria eshia bo baria, kata okhutechela ta. 13OMWAMI omwene mahe, abe ye owa mulanga mbu Omutakatifu; abe ye owa muriitsanga, abe ye owa mutechelelanga. 14Naye alaba habundu ahatakatifu; habula neli-china eliisichirasia, khandi olwanda lwameesiralo khutsinzu tsiombi tsiabaIsiraeli, khandi omubero nende obuliba khubamenyanga eYerusalemu. 15Nabanji baleesichiralakhwo, nibakwa, nibafinikha, nibahambwa, nibatiilwa.
16Boha oburumbusi buno,
niwikala ameebaalo butinyu hakari wabeechi banje.
17Nasi ndalalindiilila OMWAMI,
oubisile abeinzu yaYakobo obwenibwe,
khandi ndalamuhenjeelela.
18Lole, isie nende abaana bano aba OMWAMI yambeelesiye khuli ebilolelo khandi ebiamakana muIsiraeli,
ebirula ewOMWAMI omwene mahe,
oumenyanga mushikulu shiaSayuni.
19Nolwa balamusunjila mbu Mureebelesie khubafumu, nende khubebitsoyelo,
abeebootsanga nibahwehwela;
mbula, abandu shibakhoyile okhureebelesia khuNyasaye wabwe?
Bakhoyile okhureebelesilia abalamu amakhuwa ewabafwa noho?
20Habula tsie khubwibaali nende oburumbusi!
Nibaba nibasunga akafwana kario,
toto bwene shibulabashiela khandi ta.
21Balabiramwo nibatiywa nibali inzala;
ne olwa inzala yilabaluma, balatiilwa oburima,
nibaleka omuruchi wabwe nende Nyasaye wabwe,
nibahenjia tsimoni tsiabwe hekulu;
22balahenga eshialo,
ne lola, amatinyu nende eshiilima bionyene,
lifumbi liamasila;
ne baleelusibwa mbu batsie mushiilima ti.
Currently Selected:
Isaya 8: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
