Isaya 7
7
Likhuwa liambeli alia lsaya yamuleerela Ahazi
1Mundaalo tsiaAhazi waYotamu waUzia omuruchi waYuda, Rezini omuruchi waSiria nende Peka waRemalia. Omuruchi waIsiraeli, batikulukha nibatsia eYerusalemu okhubaseera, nibaranyala okhubahula ta. 2Nikaboolelwa abeinzu yaDaudi mbu abaSiria bafuchilisaniye nende abaEfuraimu. Ikholo niyimurimukha, emioyo chiabandube nichireesibwa, shinga emisaala chiomumutsuru olwa chireesibwa nomuyeka.
3Mana OMWAMI namusunjila Isaya ari Rula bulaano buno, iwe nende Sheariyashubu ' omwanawo, omwakaanile Ahazi enashiakamo shiomuferechi kwelitiba liemukulu, khumuhanda kweshianyi shiomwosi wetsingubo, 4omuboolele mbu Wirecheshe, oholeele; oraria ta, kata okhufwa omwoyo, khulwa ebitakho biebichienga bino bibili ebituuma omwosi, khulwa oburima obululu bwaRezini nende Siria nende obwomwana waRemalia. 5Okhuba abaSiria bafuchilisaniye nende Efuraimu, nende omwana waRemalia, okhukhukholela obubii, bari 6Chende khutsie khuseere abaYuda khubariisie, khushihule shibe eshieefwe, khwemesheyo omuruchi hakari wabwe, omwana waTabeeli. 7Omwami Nyasaye aboola mbu
Likhuwa elo shililasinjila kata okhwikhola ta.
8Okhuba omurwe kwaSiria niDamasiko,
khandi omurwe kwaDamasiko niRezini;
ne emiyika nichishili obkhubira amakhumi kasasaba nachiraano,
Efuraimu alaba natonyoolwe ebitonye ebitonye,
naraba lihanga liabandu ta;
9nomurwe kwaEfuraimu niSamaria,
khandi omurwe kwaSamaria nomwana Remalia.
Nimuba nimurasuubila, toto bwene shimula ralila tawe.
Amakhuwa aka Isaya yarumbula khukalmatlueli
10OMWAMI naboolela Ahazi khandi ari 11Saba OMWAMI Nyasayewo eshilolelo; oshisabe kata hasi mulusiba, kata hekulu mwikulu. 12Ne Ahazi nasunga ari Shindalasaba kata okhuteema OMWAMI ta. 13Naboola mbu Hulile, inywe abeinzu yaDaudi; nelikhuwa lituutu khwinywe okhuchoonyia abandu, mbu mwenya okhumuchoonyia Nyasaye wanje yesi? 14Khulwako Omwami omwene alamuheelesia eshilolelo; shieshino, mbu Omukhaana alahela inda, niyeebula omwana omusiani, namukulikha eliira mbu Imanueli. 15Alaliitsanga amafura nende obuushi, olwa alaba namanyile okhuloba amabii nokhulobola amalayi. 16Okhuba olwa alaba nashili okhumanya okhuloba amabii nokhulobola amalayi, eshialo shieneshio eshia abaruchi bashio babili bakhuriisia shilalekhwa likunda. 17OMWAMI alakhuleerela iwe nende khubandubo, nende khubeinzu yaso, tsindaalo etsirashieetsakhwo tawe, okhurula khunyanga olwa Efuraimu yarula muYuda; mbu omuruchi waAshuru.
18Khunyanga eyo OMWAMI alakhupila tsisi etsiliho khushihesi shiemialo chieMisiri eshifwototo, nende khunzushi eyomushibala shiaAshuru. 19Natsio tsileetsa, nitsiyeela mumabanda ketsinjengulukho, nende mumbangatsi etsiomutsinyanda, nende khubisisia biosi, nende mubwayilo bwosi.
20Khunyanga yeneyo Omwami alabeka omurwe nende amaswa kebilenje nende olumwo olukula, oluli mumbali tsieinjelekha wOmwalo, ne nilwo omuruchi waAshuru; khandi lulamala nende eshilefu shiosi.
21Khunyanga yeneyo omundu alaayilanga imoosi omukongo kweitwasi, nende amakondi kabili; 22ne khulwa obunji bwamabeele aka bilashelungwa alaliitsanga tsikubuli; okhuba buli mundu yesi oulaba nasikaale mushibala alaliitsanga tsikubuli nende obuushi.
23Khandi khunyanga yeneyo buli habundu aha chialinjiho emitsabibu eshikhumila echiakhakusibwa tsifeetsa eshikhumila, halaba butswa ahetsisasaari nende ebisisia. 24Omundu outsiayo alatsia nende obuyingo nende emibano chiabwo; okhuba eshibala shiosi shilaba butswa tsisasaari nende ebisisia. 25Nebikulu biosi ebialimungwa nende imbako, shioloolayo ta, khulwa okhuria tsisasaari nende ebisisia; ne halaba ahokhuyila tsing'ombe, nende aha ebiayo biseena.
Currently Selected:
Isaya 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
