Isaya 6
6
Libisulo khulsaye, nende omulangokwe
1Mumuyika okwa omuruchi Uzia yafwilamwo, ndalola Omwami niyeekhaale ikhushifumbi shiobwami, hekulu aheechinOu, emikhanda chiebiifwalobie nichiitsula muhekalu. 2Abaserafi basinjila hekuluwe; shia mulala yali nende tsimbaha tsisasaba; tsibili yeefuunikha mumoni, tsibili yeefuunikha ebilenie, natsibili yapulushila.
3Nabo niboongulilananga bari Omutakatifu, omutakatifu, omutakatifu, niye OMWAMI omwene mahe;
omwitsulo omulamba kweshialo shiosi nikwo oluyalilwe.
4Nakwo omuse kwemiliango nikutechesibwa khulwa omwoyo kwa oyo owalanga, inzu yosi niyiitsulamwo omwosi. 5Mana ndasunga mbu Woowe! Kho isie embweelel shichila endi omundu womunwa kweshifwabwi, khandi emenyanga hakari wabandu beminwa chieshirwabwi; okhuba tsimoni tsianje tsiluutsi Omuruchi, OMWAMI omwene mahe. 6Mana mulala khubaserafi abo yapulukha niyanzitsila, nali nende elianda eliang'alaale mumukhono, elia yali nayiniye khushimalilo nende lihana; 7nalitsiina khumunwa kwanje, naboola mbu Lola, lino litsiinilwe khumunwakwo; obumayaanubwo buyiniibwe, obwonoonibwo nabwo butisilwe.
8Mana ndahulila omwoyo kwOmwami, nikureeba mbu Niwina owa nerume, khandi niwina ounokhutsiile? Mana nisunga mbu Endiho! Urume isie. 9Naye nasunga ari
Tsia, nobaboolela abandu bano mbu Okhuhulila mulahulilanga, nimuratiila khushisina ta;
nokhuhenga mulahenganga; nimuralola ta.
10Siluhasia emioyo chiabandu belihanga lino,
wikasie amarwi kabwe,
obatimbie tsimoni;
baleshe okhulola nende tsimoni tsiabwe,
nokhuhulila nende amarwi kabwe,
nokhutiila khushisina nende emioyo chiabwe,
nokhushiukhana, nokhuhonibwa.
11Mana nireeba mbu Omwami, okhuula liina?
naye nakalusia ari Okhuula amataala olwa kalakwa amakunda,
nikabula abandu abamenyamwo,
tsinzu natsio nitsibula abandu,
liloba nalio niliba likhaya butswa,
12OMWAMI olwa alaba nahuyiye abandu batsie ehale,
amakunda nikaba amanji hakari mushialo.
13Ne nishiba nishishitong'aho eshitonye shilala mwikhumi,
nashio shilatibibwa;
shinga omuruba khandi shinga omwaloni,
echia ebisina biachio bitong'angaho olwa chibeetsanga nichiakharemwa.
Olwibulo olutakatifu nilwo eshisina shielihanga.
Currently Selected:
Isaya 6: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
