Isaya 5
5
Oluchelo lwomukunda kwemitsabibu
1Emwimbile omuheelwa wanje olwimbo Iwobuheeli khumakhuwa komukunda kwemitsabibu.
Omuheelwa wanje yali nende omukunda kwemitsabibu khushikulu eshinulu muno;
2nakulima, nakubusa,
natola amachina kamwo,
naraakamwo omutsabibu omulobole,
niyoombakhamwo omunaara hakari wakwo,
nayabamwo ingulu yeidivai;
nasuubila mbu kwitsa okhwama tsinzabibu,
nakwo nikwama tsinzabibu tsinabulimo.
3Kho bulnano, inywe abeYerusalemu,
neenyu abandu baYuda,
emusaaya mbu mukabukhasie hakari wanje nomukunda kwanje kwemitsabibu.
4Nishiina shindi eshia ndakhakhoyile okhukhola mumukunda kwanje kwemitsabibu,
eshia ndarakholilemwo ta?
Olwa ndasuubiliile mbu kwitsa okhwama tsinzabibu,
nishiina eshichilile nikwama tsinzabibu tsinabulimo?
5Bulaano leshe, emuboolele aka enzitsa okhukholela omukunda kwanje kwemitsabibu;
ndalayiniaho olukaka lwakwo nalwo lulasambwa pe;
ndalalibulula olukoba lwakwo,
ne lulatubanjililwa;
6khandi ndalakukhola likunda;
emitsabibu shichilakhalilungwa kata okhulimwa ta;
ne kulamesia tsisasaari nende ebisisia;
khandi ndalalaka olucheka luleshe okhukwisiakhwo ifula.
7Okhuba omukunda kwemitsabibu kwOMw omwene mahe niyo inzu yaIsiraeli,
abandu baYuda nibo oburaachebwe obwokhumuchamisia;
naye yasuubila okhunyoola obukhalachi,
khane nobuhachibwi;
nokhunyoola obuhulili bwamalako,
khane yahulila amalakayo.
Woowe khubabii!
8Woowe khubeenabo abameetanga inzu khunzu yindi;
abatasanga omukunda khumukunda kundi,
okhuula olwa obwiyango buhumaho,
inywe nimumenyibwa eshisoma hakari weshibala.
9OMWAMI omwene mahe asunganga mumarwi kanje,
mbu Toto mwene tsinzu tsinyinji tsilakwa amakunda,
kata tsingali tsingaasu, nitsirali noumenyamwo ta.
10Okhuba omukunda kwemitsabibu okuchelwa tsieka ikhumi kulacheswa amatepe kabili;
khandi imwo eyichelwa amakunia amakhumi kabili yilacheswa amatepe kabili konyene.
11Woowe khubeenabo abahuunanga mumabwibwi mbu balondachilile obunywi;
abatsiilililanga okhuula mushilo hakari,
okhuula olwa idivai yibaashia shinga omulilo.
12Nobukhana nende litungu,
netsisukuti nende lilele,
nende idivai, bili mumasabo kabwe;
ne shibeetsulilanga emilimo chiOMWAMI,
kata shibayililisinjia khubikhole biamakhonoke ta.
13Niko akachila abandu banje bahambilwe mubuhambe,
khulwa okhubula obumanyi;
abandu babwe boluyali nabo bafwitsanga inzala,
obunji bwabwe obuloho nibubalia.
14Niko akachila Makombe yiimeetile okhulakhama,
niyaasama omunwa harali eshiakamo ta;
naboluyali babwe, nende obunji bwabandu, ende obuyoka bwabwe,
halala nende oyo owikhoyanga mubo,
biosi biikhamwo.
15Abandu beenamibwa, abakhongo nabo nibeesibwa hasi;
khandi tsimoni tsiabeechinjimisii natsio nitsiisibwa hasi;
16habula OMWAMI omwene mahe niye ouchinguushile mubukhalachi bwatoto,
khandi Nyasaye oubeetsangaho Omutakatifu alolosia obutakatifubwe mubulunjishi.
17Habwenaho nilwo olwa ebimeeme bilaaya shinga olwa biayanga mubwayilo bwabio,
ebinulu nebimeeme biomumbusi nibiaya mumalikulukho.
18Woowe khubeenabo abeekhweselanga obumayaanu nemikoye chiobubeeyi,
khandi obwonooni bario shinga abakhwesa nomukoye kwomutindi;
19nibasunga bari Leshe akhole bwangu,
yanguyilisie emilimochie,
khulole;
khandi leshe tsiyemi tsiOmutakatifu waIsiraeli tsisite ahambi,
khutsimanye!
20Woowe; hubeenabo abakulikhanga obubii mbu nobulayi,
khandi obulayi mbu nobubii;
abaleeranga eshiilima mushilenje shiobulafu,
khandi obulafu mushilenje shieshiilima;
abaleeranga obululu mushilenje shiobumilamili,
khandi obumilamili mushilenje shiobululu!
21Woowe khubeenabo abali abachesi mumoni tsiabwe abeene,
khandi abeetembelesii imbeli wabwe abeene!
22Woowe khubeenabo abali abalulu okhunywa idivai,
khandi abahalaba okhutsokasia tsimbia tsiamalwa;
23abalekhuulanga omumayaanu khulwa okhunyoola eshiomufuusi,
nibamunuula omulunjishi obulunjishibwe!
24Khulwako, shinga olumemu Iwomulilo olwa lumululanga olububa,
khandi shinga obunyasi obuumu olwa buyeelanga mumemu,
nolwa eshisina shiabwe shilaba shinga obubolo,
ebimuli biabwe nabio bilatuumuukha shinga olufu;
okhuba balobile amalako kOMWAMI omwene mahe,
nibaleka likhuwa liOmwenoyo Omutakatifu waIsiraeli.
25Niko akachila oburima bwOMWAMI buhambiibwe khubandube,
naye akololosiye omukhonokwe okhubayinga,
nabakhupa, ebikulu nabio nibirenga;
emilambo chiabwe nichiba butswa shinga amakokha khunjila.
Khulwako kosi oburimabwe shibuhutsuluushe ta,
nebutswa omukhonokwe ashikukoloole ario.
26Khandi alachinguulila lihanga liehale eshilolelo,
nalikhupila eshifwototo okhurula khundulo weshialo;
ne lole, lileetsa tsimbilo nilianguha.
27Shialaba mubo ouluha kata owisichirala ta shialabamwo ourenjeetsa kata okhukona tsindoolo ta;
lata olukhoba lwomubishienje biabwe shilulatendeya,
kata olutsaha lwebilaaro biabwe okhukhalikha, tawe.
28Ebisele biabwe nebimemu, nobuyingo bwabwe bwosi burecheekhwe pe;
tsimbakayu tsietsifarasi tsiabwe tsifwana shinga likhwabuye,
emikurutumu chiabwe nachio shinga eshiimbalakusi;
29okhubulula khwabwe khufwana shinga italanyi;
babulula shinga tsitalanyi tsimbuukha;
toto, bahoola nibatiila eshioluyitsi, nibashiyila,
kata abulaho oureesia.
30Balashihoolelakhwo khunyanga eyo shinga inyanza olwa yihoolanga;
omundu nahenga eshialo, ne lola, eshiilima shionyene nende amatinyu;
obulafu nabwo nibukholwa eshiiiima mulucheka lwabwo.
Currently Selected:
Isaya 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
