Isaya 34
34
Oburima bwOMWAMI khumahanga, khandi khuEdomu
1Site ahambi, inywe amahanga, muhulile;
murechelesie, inywe tsimbia tsiabandu;
eshialo shiosi shihulile, nende omwitsulu kwashio;
eshibala shiosi, nende biosi ebirulangamwo.
2Okhuba OMWAMI yasinyishiile amahanga kosi nalulila amahe kako kosi;
yakamalilaniile elala, nakahaana khukhwirwa.
3Abeerwa bako nabo balasukunwa,
obubolo bwemilambo chiabwe bulatuumuukha;
ebikulu nabio nibing'uulwa namabanga kabwe.
4Ne lihe liosi liomwikulu lilakundulukha,
likulu nalio nilikanywa shinga likanya liamahandiiko;
ne lihe lialio liosi lilabungulukha,
shinga amasaafu akabungulukha khumukhuyu.
5Okhuba olukanga lwanje lwanyweele nilwikura mwikulu;
lole, luleeshila eEdomu, khandi khubandu aba ndasila,
okhubakhalaka eshiina.
6Olukanga lwOMWAMI lwikuure amabanga,
lunyaliishe amasinya,
namalasile kemisie chiamakondi nende tsimbusi,
namasinya ketsifiko tsiamamiiku;
okhuba OMWAMI ali nomusango eBozora,
khandi omusinzo omukhongo mushialo shiaEdomu.
7Ne tsimboko tsilakholomoshela halala ninabio,
khandi tsiheyi halala nende tsisurusi;
eshialo shiabwe shilameela amabanga,
olufu lwabwe nalwo nilunyalikha amasinya.
8Shichila niyo induukho yeshikwoli shiOMWAMI,
omuyika kwoburunji mubuyingani khuSayuni.
9Ne emichela chiayo chilakalulwa ilamu,
khandi olufu lwayo eshibiriti,
eshialo shiayo nashio nishikwa ilamu eyiyiitsanga.
10Shiyilasimibwa ta, eshilo kata eshiteere;
omwosi kwayo kulatuumuukhanga obushia nobushia;
eshialo shilabeetsanga likunda ebisoni nebisoni;
omundu yesi shialibirakhwomwo ta, obushia nobushia.
11Ne shilakwa eshialo shianamulobi nende namungulu;
khandi liyichichi nende likhookho kalamenyamwo;
naye alakhwesa hekulu washio omukoye kwobukoyaani,
nende ipulambu yobukhaya.
12Omuruchi yesi shialarumbulwayo ta;
kata abakhulundube bosi, nibutswa.
13Ne ebisisia bilamela munzu tsikhongo tsiashio,
khandi tsisambakhulu nende amarakalu mungoba tsiashio;
nashio shilaba eshimenyo shiamabwe,
olwanyi lwamahuto.
14Ne tsisolo etsiomushitsiimi tsilabukaana nende tsifisi;
khandi eshinanyenze shilalangananga nende eshiashio;
yee, omulosi alamenyayo,
nanyoolelayo obuhuluushilo.
15Habwenaho ingulushi yilakholayo eshitsu shiayo, niyireera amabuyu,
niyalula, niyikhung'aasia abaana bayo mushiinikha shiayo;
yee, habwenaho tsingosia tsilakhung'aanilaho,
buli ndala nende eyashie.
16Murunilisie mushitabu shiOMWAMI, musoome;
khubino shishilachweya okhubaho kata shilala khubio ta;
shihumaho eshilatamba eshiashie;
okhuba omunwa kwOMWAMI nikwo okwalachile,
khandi Roho wuwe niye owabikhung'aasiye.
17Khandi yabikhupiile ikha,
omukhonokwe nakwo kubikabuliile eshialo nende eshichelo;
shilaba eshiabio obushia nobushia;
bilamenyangamwo ebisoni nebisoni.
Currently Selected:
Isaya 34: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
