Isaya 33
33
OMWAMI alaleera obuhonia
1Woowe, iwe owonooninjia, kata niwarayonoonibwa ta;
noukhobananga,
nibarakhukhobanila iwe ta!
Olwa olaba noleshile okhwonooninjia,
nawe oloonoonibwa;
khandi olwa olaba nomalile okhukhobananga,
balakhukhobanila iwe.
2E OMWAMI, okhukoosieobukoosia; khwakhulindiiliile;
obe iwe omukhono kweefwe mutsuli shiamutsuli,
khandi obuhonia bweefwe mundaalo tsiamatinyu.
3Tsimbia tsiabandu beelushile obuyoka bwokhukukuma;
olwa wichinguula, amahanga kasalaana.
4Khandi ebiyaayo bieenywe bilaliibwa shinga tsisiche olwa tsiliitsanga ebiomumikunda;
shinga obwonya olwa buruuma, nolwa balabiruumila.
5OMWAMI achinguushile; okhuba amenyanga hekulu;
yeetsusiye Sayuni obukhalachi bwatoto nende obulunjishi.
6Ne bulabaho oburalilu mundaalotsio, obuhonia obunji,
nobuchesi nende obumanyi okhuria OMWAMI nikhwo obuyindabwe.
7Lole, abeitswoni babwe balakayila elwanyi;
abarume bomulembe balila obululu.
8Emihanda chiakora,
ababiri bakhalikha;
tsindakano tsilekwa akobuloli kafwolwa,
abandu shibapaarwakhwo ta.
9Eshialo shiikhuula nishitoreelela;
Lebanoni yifwimbwa omurwe, niyifululukha;
Sharoni yifwana shinga eshitsiimi shiomuyeshe;
ne Bashani nende Karameli bibungulusia amasaafu kabio.
10OMWAMI aboola mbu Bulaano ndalabuukha;
bulaano ndaleechinguula; bulaano ndalachinguukha.
11Mulahela omukhuutsi munda; muleebula olububa;
emiuya chieenywe nomulilo okulamulia.
12Ne abandu betsimbia tsiosi balaba shinga abasambwa nibakwa ichokaa,
shinga ebisisia ebiaremwa, ebisambilwe mulilo.
13Inywe abali ehale, muhulile aka ndakholile;
khandi inywe abahambi, mwiyame shinga olwa endi owamaani.
14Aboonooni beSayuni baria;
indenga yisundusiye abo abarariitsanga Nyasaye ta;
bari Niwina mwifwe oulamenya nende omulilo okuliitsanga?
Niwina mwifwe oulamenya nende okhusamba khwobumeli?
15Omwenoyo ouchendanga obulunjikhu, naboola akobukololofu;
omwenoyo owa inganga eyirula mukhumiina yimusinyanga;
oubungulula amakhono kaleshe okhutiila ebiomufuusi;
owikalanga amarwi kaleshe okhuhulila akeshitsayi,
natimba tsimoni tsileshe okhuhenga khububii;
16ye alamenya hekulu;
alalindungwa netsingoba tsietsinyanda;
alaheebungwa ebiliibwabie; amatsike shikaIaakama ta.
17Tsimonitsio tsilalola omuruchi mubung'oonefubwe;
tsilahenga eshialo eshieyaala ehale.
18Omwoyokwo kulayililisia khumariisia;
mbu Ali heena owali nabasinjia,
ali heena owali nachelanga obushuru?
Ali heena owali nabasinjia eminaara?
19Shiolalola abandu abatsaalishi tsana,
oluyia lwabandu abolulimi olutinyu olwa oranyala okhuhulila;
aboluyobo olwa oranyala okhumanyilisia ta.
20Henje Sayuni, litookho liemilukha chieefwe;
tsimonitsio tsilalola Yerusalemu nishili eshimenyo eshinyirilifu, liheema liralilu,
elia ebibambo bialio bireeyikha ta,
kata emikoye chialio okhukhalikha tawe.
21Nebutswa habwenaho OMWAMI alabeetsaneaho nineefwe muluyali,
habundu wemialo emibambalifu nende emichela;
ewa elioro liosi elili nende emiikho shilileenjilamwo,
kata imeli yoluyali okhubirayo ta.
22Okhuba OMWAMI niye omuyaasii weefwe,
OMWAMI niye ouhaananga amaLako,
OMWAMI niye omuruchi weefwe; ye alakhuhonia.
23Emikoyechio chitendeya;
shichiakhanyala okhuralisia eshitakho shiomuringoti;
shichiakhanyala okhubambula litanga tawe.
Habwenaho ebiyaayo biobunuuli bilakabulwa;
kata abo abatiechela babukula ebiyaayo.
24Ne shialiho oumenyangamwo oulaboola mbu Endwala, ta;
abandu abamenyangamwo balaleshelwa obumayaanu bwabwe.
Currently Selected:
Isaya 33: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
