Isaya 27
27
AbaIsiraeli okhuhonibwa nokhukhung'aasibwa
1Munduukho eyo OMWAMI alakuuma inzokha eyo inyangu, mbu Lewiatsani, khandi nende Lewiatsani inzokha eyo eyiikotiombola, nende olukangalwe olumemu, olukhongo, olwamaani; khandi aleera nende okuyokha okuli munyanza.
2Munduukho eyo, mbu:
Omukunda kwemitsabibu okutsatsahasinjia,
mukwimbilekhwo.
3Isie OMWAMI engulinda;
engutsushiililanga amatsi khase khase;
engulindanga eshilo nende eshiteere,
mbu omundu yesi areetse okhukhukholela obubii ta.
4Obululu buhumaho mwisie;
shiakhuha tsisasaari nebisisia biayinga mubusoolo!
Ndakhakarulilakhwo,
ndakhakasambila halala.
5Batiile khubuteetsi bwanje nibeesaasania ninasi;
yee, beesaasania ninasi.
6Mundaalo etsiitsanga eshisina shiaYakobo shilahanda;
Isiraeli alamulikha nakanikha;
aleetsusia eshialo shiosi ebiamo.
7Yabakhupile shinga olwa yakhupa abeenabo ababakhupa, noho?
Kata beerwa shinga abeenabo ababeera olwa beerwa?
8Wayingana ninabo neshichelo olwa wabeelusia;
yabarusiyeho nomuyekakwe omululu khunyanga yomuyeka kwebukwe.
9Khulwako obumayaanu bwaYakobo bulatiswa burio,
khandi bino nibio ebiamo biosi biobuyinibwi bwobwonoonibwe;
mbu olwa alakhola amachina keshimalilo kabe shinga akeipala akatubuulwe orutonye orutonye,
mbu mana emiAshera nende ebifwanani bieliuba birabuukha khandi ta.
10Okhuba litaala liolukoba neshisoma,
likunda elileshilwe, shinga eshitsiimi;
habwenaho eshimoosi shilaayanga,
khandi habwenaho shilakonanga, nishilia khumasaka kalio.
11Olwa tsisaka tsialio tsilaba nitsinialile, tsilafunakwa;
abakhasi baleetsayo nibatsiikhoonyela khulwa omulilo;
snichila noluyia lwabandu ababula obumanyilisii;
noko akachila ye owabakhola shialabakholela akeshisa;
owabalonga shialabakoosiakhwo ta.
12Khandi munduukho eyo OMWAMI alahuula imeleye yosi, okhurula khumulaakha kwOmudlo okwo okhuula khumuchela kwaMisiri, ne mularulumwl mulala mulala, inywe abaana baIsiraeii.
13Khandi munduukho eyo olwika olukhongo lulakhupwa, ne baleetsa, abali nibatibila mushialo shiaAshuru, nenie abo abali nibaarwa okhumenya mushialo shiaMisiri; ne balamwinamila OMWAMI mushikulu eshitakatifu eYerusalemu.
Currently Selected:
Isaya 27: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
