Abaheburania 8
8
Omukuhani omukhulundu zueIndakano Imbia
1Ne mumakhuwa kano aka khuboolanga, elili likhongo ndielino; mbu khuli nende omukuhani omukhulundu oufwana ario, oweekhala khumukhono musaatsa kweshifumbi; shioburuchi shiObukhulundu obuli mwikulu; 2nomukhalabani wahabandu ahatakatifu, khandi oweliheema liatoto elo elia Omwami yakhoma, nomundu ta. 3Shichila buli mukuhani omukhulundu areebwaho mbu ahaanenje ebihaanwa nokhumala emisango; ne niko akachila nikakhoyeele mbu uno yesi abe nende eshia ahaana. 4Ne alaba nali mushialo, shiyakhabeele omukuhani nahatuutu ta, okhuba baliho abahaananga ebihaanwa ebio amalako shinga olwa kalaka; 5nibo abakhalabanilanga eshio eshili butswa eshifwanani kata eshiinini shiakeenako akeshineekulushinga Musa, olwa yali nali okhusinjisia liheema, olwa yachesiyibwa, ari Wirecheshe mbu okhole kosi habwene, omufwano shinga olwa kuli okwa wamanyiibwe mushikulu. 6Nebutswa bulaano wanyoola obukhalabani obushila obwabwe, shinga indakano eya ali wanjila khuyo olwa yishila, nibusinjisibwa khulwa amalako khumuse kwobusuubisie obushila bulia.
7Shichila indakano yambeli niyiba niyabula eshikha, obwiyangu shibwakhakhaabilwe bwokhuraho eyindi yakhabili ta. 8Okhuba yalola obuleemu bwabwe, nasunga ari
Omwami asunga mbu Lole, tsindaalo tsiitsanga
olwa ndalalakana nende inzu yaIsiraeli neinzu yaYuda indakano imbia.
9Shindalakhola shinga indakano eya ndalakana nende abakuuka babwe olwa yali ta,
khunyanga eyo olwa ndabatiila omukhono okhubeemilila nimbarusia mushibala shiaMisiri;
shichila shibalumilila mundakano yanje ta,
nasi nimbalekha; niIwo olwa Omwami yaboola.
10Khandi Omwami yaboola mbu
Shichila yino niyo indakano eya ndalalakana nende inzu yaIsiraeli olunyuma lwetsindaalo etsio;
ndaleenjisia amalako kanje mumayililisio kabwe,
kata ndalakahandiika mumioyo chiabwe.
Khandi ndalababeela Nyasaye,
nabo balambeela abandu banje.
11Kata shibaleechesinjia buli mundu owashie,
kata buli mundu omwana wabwe, ari Omumanye Omwami, ta;
shichila bosi balaba nibamanyile;
okhurula khumutuutu okhuula khumukhongo.
12Okhuba ndalabeela tsimbabasi tsimbii tsiabwe,
kata ebionoono biabwe shindalabiitsulilakhwo khandi ta.
13Olwa asunga mbu indakano imbia, aba nakholile eyambeli mbu neikhulu. Ne eyo eyikofuIanga niyikwa ikhulu yili ahambi okhuhwaho.
Currently Selected:
Abaheburania 8: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
