Popular Bible Verses from Abaheburania 8

Share

Okhuba ndalabeela tsimbabasi tsimbii tsiabwe, kata ebionoono biabwe shindalabiitsulilakhwo khandi ta.

Khandi Omwami yaboola mbu Shichila yino niyo indakano eya ndalalakana nende inzu yaIsiraeli olunyuma lwetsindaalo etsio; ndaleenjisia amalako kanje mumayililisio kabwe, kata ndalakahandiika mumioyo chiabwe. Khandi ndalababeela Nyasaye, nabo balambeela abandu banje.

Kata shibaleechesinjia buli mundu owashie, kata buli mundu omwana wabwe, ari Omumanye Omwami, ta; shichila bosi balaba nibamanyile; okhurula khumutuutu okhuula khumukhongo.

Okhuba yalola obuleemu bwabwe, nasunga ari Omwami asunga mbu Lole, tsindaalo tsiitsanga olwa ndalalakana nende inzu yaIsiraeli neinzu yaYuda indakano imbia.

Ne mumakhuwa kano aka khuboolanga, elili likhongo ndielino; mbu khuli nende omukuhani omukhulundu oufwana ario, oweekhala khumukhono musaatsa kweshifumbi; shioburuchi shiObukhulundu obuli mwikulu