Abaheburania 12
12
Obukuumi bwOmwami
1Kho neefu, olwa abarumbusi abanji bario bakhubotokhaane shinga lileesi, khure elubeka buli shindu eshikhusitohela, nende obwonooni obwo obukhuhandangakhwo; mana khurekhwo omwoyo okhwilukha mumutiebano okureebwaho imbeli weefwe, 2nikhuumiye tsimoni okhuhenga Yesu, ouli omusimishi wobusuubili bweefwe khandi omumaliilisii wabwo. Ye, khulwa omusangaalo okwareebwa imbeliwe, yeefwila akomusalaba, nachaaya tsisoni tsiakwo; ne bulaano wayeekhala khumukhono musaatsa weshifumbi shiaNyasaye.
3Yililisie khumwenoyo oweefwila amayinje amanji kario kaboononi abamufukula, muleshe okhuluyilila nimuhumbutsana mumioyo. 4Mushili okhukhaya okhuula khukhwebeena amatsayi mubulwani bweenywe bwobwonooni; 5khandi mwibiliile obuchesiyii obwo obumuboolelanga shinga abaana, mbu
Mwana wanje, orachaaya obukuumwi bwOmwami kata okhufwa omwoyo olwa akhuloshela ta,
6okhuba owa Omwami aheelanga, amukuumanga,
namunywekha buli mwana owa afuchiilila.
7Mukeesimilisilie shinga olwa kali akobuchesiyii; Nyasaye amukholelanga kosi, shinga abaanabe; okhuba ali heena omwana owa samwana arakuuma ta? 8Ne nimuba nimubula okhukuumwa, okhwa abaana bosi basanjililangamwo, kho muba abaana be'simba, nimuraba abaana batoto ta. 9Elindi khandi, mbu ifwe khwali nikhuli nende baseefwe bomubili abakhukuumanga, nikhubariitsanga; shikhulashila muno okhwira hasi woburuchi bwOmwibusi wabaroho khube mwoyo? 10Shichila bo bakhukuumanga tsindaalokhwo, shinga olwa balolanga mbu nobulayi; ne ye akholanga ario mbu ifwe khukaase, khusanjilane khubutakatifubwe. 11Olwa khukuumungwa lwosi, khushise shiene shikakhuloleshelanga mbu nakokhwikhoya ta, habula akeshibeela; ne olunyumakhwo kaamanga ebiamo biomulembe khubeenabo abarukwa ninako; nibio ebiamo biobulunjishi. 12Khulwako muchinguule amakhono akayooshile; kololosie amasikamo amateshele; 13Iunjisie tsinjila tsiebilenje bieenywe, mbu eshilenje eshitiechela shileshe okhwibalalila, habula mbu shihonibwe.
Khuleshe okhuloba obukoosia bwaNyasaye
14Khaabenje okhumenya nomulembe nabandu bosi; khandi nende obutakatifu, okhuba omundu oubula ninabwo shialamulolakhwo Omwami ta. 15Mwihenje bulayi, aleshe okhubaho omundu yesi ouchweya okhuula khubukoosia bwaNyasaye; eshisina shiosi shiobululu shileshe okhusebukha nishimunyasia, abanji mana niboonoonibwa; 16kata aleshe okhubaho omundu yesi omusooti, kata omukafwiri, shinga Esau, owakusia obukhulundu bwobwibule obwali obubwe, eshiokhulia shilala. 17Shichila mumanyile mbu kata olwa yeekomba olunyumakhwo okhulaamilwa ikhabi tsana, yalobwa, kata olwa yakhaaba muno nalila amasika; shichila shiyanyoola obwiyangu okhwikalukhasia ta.
18Shimwitsile enamulilo okutiilwakhwo, okwatukhanga, tawe; kata khubumali, neshiilima, neimbumbuyeka, 19noluyoka Iwolwika, nomwoyo kwamakhuwa ta. Abo abakuhulila basaaya mbu barusunjilwa likhuwa lindi liosi ta; 20okhuba bakhaywa okhwifwila ako akalachilisibwa, mbu Kata omuruko namuruko nikuba nikuseenakhwo khushikulu, kulalaswa namachina. 21Akeenako akalolwayo nikaba akokhuriisia muno, okhuula olwa Musa yaboola mbu Eriitsanga okhushila; indengusia yindiilile, nokhutechela.
22Habula inywe mwitsile enashikulu shiaSayuni, khandi khwitookho liaNyasaye oubeetsanga mwoyo, nilio Yerusalemu eliomwikulu; khandi khumahe kabamalaika akarabalikha ta; 23khumukanda omulamba kweikanisa ya abo abeebulwa abambeli, abahandiikwa mwikulu; khandi khuNyasaye ouli omuyaasii wabosi; khandi khutsiroho tsiabalunjishi abakholwa abalamba; 24khandi nende khuYesu ouli wanjila weindakano imbia, khandi khumatsayi akamiitswa, akaboola amalayi okhushila amatsayi kaAbeli.
25Mwirecheshe muleshe okhuloba okhumuhulila oyo ouboola ta. Okhuba abaloba okhumuhulila oyo owabachesiyia mushialo olwa bareehonokokha ta, if we khwakheehonokoshe khurie abamufutarila oyo oukhuchesiyia, nali mwikulu?
26Omwoyokwekwareesiaeshialo; nebulaano wasuubisiye, ari Shikoono ndalatechesia eshialo; ne eshialo shionyene ta, habula nende likulu. 27Ne likhuwa elo, mbu Shikoono, likhumanyia akokhurusibwa khwebio ebireesibwa, nibio ebilonje, mbu mana ebienebio ebirareesibwa ta bisikaleho. 28Khulwako, olwa khunyoola oburuchi oburareesikha ta, khumuupile Nyasaye mbu orio, nikhumwinamila shinga olwa kamukhoyeele, nende obwongoli noburii; 29okhuba Nyasaye weefwe niye omulilo okumululanga.
Currently Selected:
Abaheburania 12: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
