Genesis 48
48
Yakobo yasabila Efuraimu naManase ikhabi
1Mana olunyuma lwamakhuwa ako oundi yamuboolela Yusufu mbu Lola, so nomulwale; naye nabukula abaalabe abo babili, Manase nende Efuraimu, natsia ninabo. 2Oundi namuboolela Yakobo ari Lola, omwanawo Yusufu yeetsa khumubiliwo; naye Isiraeli niyeetinyilisia niyeekhala khushitali. 3Yakobo namuboolela Yusufu mbu Nyasaye Ounyalabiosi yandoleshela eLuzu mushialo shiaIianaani, niyambeelesia ikhabi, 4niyasunjila mbu Lola, ndalakhunyalila okhwibulana muno, nikhwinjiyia, nikhukhola obe omukhung'aano kwetsimbia tsiabandu; khandi eshialo shino eheelesia olwibulolwo munyumawo, shibe eshiabwe okhuula khubisoni nebisoni; 5ne bulaano abaanabo babili aba weebulila mushibala shiaMisiri, isie olwa ndali nishili okhukhwitsila eMisiri, blaab abaanaa banje; Efuraimu nende Manase balaba abanje shinga Reubeni nende Simeoni. 6Ne olwibulolwo olwa witsa okhwibula inyuma wabano, bo baliba abobo; mubilibwa biabaana babwe balikulishilwa mubulaame bwabwe. 7Nasi, olwa ndali nirula ePadani, Raheli ya'fwila nikhushili khunjila mushialo shiaKanaani, nilushisikala oluchendokhwo okhuula eEferati; nasi nimuyabilayo khunjila yeEfarati, nilio Betelehemu.
8Mana Isiraeli nalola abaana baYusufu, nareeba mbu Nibeena bano? 9Yusufu namuboolela samwana mbu Nibo abaana banje aba Nyasaye yambeelesia hano. Naye naboola ari Obaleere hano aha endi, nasi ndalabasabila ikhabi 10Ne tsimoni tsiaIsiraeli tsiali nitsieelima khulwa obukofu, kata shiyanyala okhulola ta. Nabasitia ahambi ninaye; naye nabatsunzuuna, nabafumbeelela. 11Isiraeli namusunjila Yusufu ari Shindapaaranga mbu ndilikhulolakhwo mumonimwo ta; ne lola, Nyasaye yandolesiye nende olwibulolwo khandi. 12Mana Yusufu nabarusia mumakuluke; niyeenamia obwenibwe hasi. 13Yusufu nababukula bombi, Efuraimu mumukhonokwe musaatsa, okhuhengana nende omukhono mukhasi kwaIsiraeli, naye Manase mumukhonokwe mukhasi, okhuhengana nende omukhono musaatsa kwaIsiraeli, nabasitia ahambi ninaye. 14Naye Isiraeli yanyiila omukhonokwe musaatsa nara khumurwe kwaEfuraimu, owali omushe, ne omukhonokwe mukhasi nara khumurwe kwaManase, nabisania amakhono nalola; okhuba Manase niye owali omukhulundu. 15Namusabila Yusufu ikhabi, naboola mbu Nyasaye watsana owa abeebuli banje Aburahamu nende Isaka beechendelesinjia imbeliwe, Nyasaye watsana owandiisia tsindaalo tsianje tsiosi okhuula leelo, 16malaika watsana owa'nunula mububii bwosi, abaheelesie ikhabi abayia bano; bakulishilwe mushilibwa shianje, nende mushilibwa shiabeebuli banje, Aburahamu nende Isaka; mana beenjihe muno, bashilane hakari weshialo.
17Nolwa Yusufu yalola samwana nareele omukhonokwe musaatsa khumurwe kwaEfuraimu, nibuba obubii mumonitsie; nakuunula omukhono kwasamwana mbu akurusie khumurwe kwaEfuraimu nakura khumurwe kwaManase. 18Yusufu namusunjila samwana ari Tawe, papa; okhuba uno niye omukhulundu; ra omukhonokwo musaatsa khumurwe kukwe. 19Samwana nakaana, naboola mbu Emanyile, omwana wanje, emanyile; naye yesi aliba oluyia, khandi yesi aliba omukhulundu; habula omwana wabwe omushe alimushila obukhulundu, nolwibulolwe nalwo luliba amahanga amanji. 20Nabasabila ikhabi inyanga eyo, naboola mbu Mwinywe nimwo omwa abaIsiraeli balisabilanga ikhabi, nibasunga bari Nyasaye akhukhole shinga Efuraimu khandi shinga Manase; namura Efuraimu imbeli waManase. 21Isiraeli namusunjila Yusufu ari Lola, isie efwa, ne Nyasaye alabeetsanga halala nineenywe, naye alimukalusia mushialo shiabakuuka beenywe. 22Nasi ekhuheelesiye omukabo mulala okhushila abaana beenywe, okwa ndanuula mumukhono kwabaAmori nende olukanga lwanje khandi nende obuyingo bwanje.
Currently Selected:
Genesis 48: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
