Genesis 47
47
1Mana Yusufu niyeenjila omwaFarao namuboolela ari Papa nende abaana beefwe barulile mushibala shiaKanaani, halala nende ebiayo biabwe nende tsing'ombe tsiabwe nende biosi ebia bali ninabio; ne lola, baliho mushialo shiaGosheni. 2Ne yabukula abandu baraano mubasiani babwe nabalolesia ewaFarao. 3Naye Farao nabasunjila abasiani babwe mbu Emilimo chieenywe echia mukholanga nemilimo shiina? Nabo nibaboolela Farao mbu Abasumbabo khubeetsanga abaayi, ifwe khandi nende abakuuka beefwe. 4Khandi baboolela Farao bari Khwitsile okhumenyakhwo mushialo shino, shichila obwayilo bubulayo khulwa ebiayo biabasumbabo; okhuba inzala yino neikhongo mushialo shiaKanaani; kho bulaano khukhusaaya mbu ofuchiilile ifwe abasumbabo khumenye mushibala shiaGosheni. 5Farao naye nasunjila Yusufu ar So nende abaana beenywe bakhwitsiile 6eshialo shiaMisiri shili imbeliwo; obamenyie so nende abaana beenywe habundu ahashila obulayi mushialo; bamenye mushialo shiaGosheni; ne khandi noba nomanyile abandi mubo abali abamaani, kho obeemeshe baruchenje tsing'ombe tsianje. 7Mana Yusufu niyeenjisia Yakobo samwana namura imbeli waFarao; Yakobo naye nasabila Farao ikhabi. 8Farao nareeba Yakobo mbu Tsindaalo tsiemiyikachio tsili tsinga? 9Yakobo naboolela Farao mbu Tsindaalo tsiemiyika chietsinjendo tsianje bulaano tsihela emiyika eshikhumi nende amakhumi kataru; tsindaalo tsiemiyika chianje netsinduutu khandi netsimbii; ne shitsinyala okhuula khubunji bwetsindaalo tsiemiyika chiabakuuka banje, etsietsinjendo tsiabwe, ta. 10Yakobo namusabila Farao ikhabi, mana narula imbeli waFarao. 11Kho Yusufu namenyia samwana nende abaana babwe, nabaheelesia obwikhalo mushialo shiaMisiri bube obwabwe, habundu ahashila obulayi, mushialo shiaRamesesi, shinL a Farao olwa yali nalachile. 12Yusufu naliisia samwana nende abaana babwe nende bosi abomwitaala liasamwana ebiokhulia, obunji bwabaana babwe abatiiti shinga olwa bwali.
Oburuchi bwa Yusufu munzala
13Ne ebiliibwa biabulaho mushibala shiosi; okhuba inzala yali ikhongo muno; okhuula abomushibala shiaMisiri nende abomushibala shiaKanaani oiwa bafwa omwoyo khulwa inzala. 14Ne Yusufu nabunjelesia amapeesa kosi akanyoolekha mushialo shiaMisiri, nende mushialo shiaKanaani, khulwa imele eya bakulanga; mana Yusufu yaleeranga amapeesa ako munzu waFarao. 15Ne amapeesa olwa kali nikahweele mushialo shiaMisiri, nende mushialo shiaKanaani, abaMisiri bosi nibatsia khuYusufu, nibasunga bari Khuheelesie ebiokhulia; mbushiina khufwila imbeliwo? Okhuba amapeesa keefwe kahwa. 16Mana Yusufu nababoolela mbu Yinie emiruko chieenywe. Nimuba nimubula amapeesa, nasi ndalamukulasilia emiruko chieenywe ebiliibwa. 17Mana nibaleera emiruko chiabwe ewaYusufu; naye Yusufu nakusia ebiliibwa tsifarasi, nende ebiayo, nende tsing'ombe, nende tsisishili; nabaliisia ebiliibwa nakulaasia emiruko chiabwe omuyika okwo kwosi. 18Mana omuyika okwo olwa kwahwa nibeetsa khuye omuyil a kwakhabili, nibamusunjila mbu Omwami, shikhulakhubisakhwo tawe shinga amapeesa keefwe kosi olwa kahweele; nemiruko nechiomwami weefwe, shishiatong'aho eshindu shiosi imbeli womwami weefwe ta, habula emikongo chieefwe nende liloba lieefwe; 19mbushiina khufwe imbeliwo, if we nende liloba lieefwe? Okhukule ifwe nende liloba lieefwe ebiliibwa, mana if we nende liloba lieefwe khulaba abasumba baFarao; nawe okhuheelesie imwo, khube abalamu nikhurafwa ta, liloba nalio lileshe okhuba likhaya.
20Kho Yusufu nakulila Farao liloba liosi liaMisiri; okhuba abaMisiri bakusia shia omundu omukundakwe, shichila inzala yali ikhongo mubo; mana eshialo shiosi nishiba shiaFarao. 21Nabandu, yabakhola abasumba okhurula khundulo tsiosi tsiaMisiri. 22Habula liloba liabeesaaliisi shiyalikula ta; okhuba abeesaaliisi bali nende omukabo kwabwe okwarulanga ewaFarao, nibaliitsanga omukabo kwabwe okwa Farao yabakabilanga; ne khulwako shibakusia liloba liabwe tawe. 23Yusufu naboolela abandu mbu Lole, emukulile inywe leelo nende liloba lieenywe, libe liaFarao; kho imwo njieyino, muraache emikunda. 24Ne kaliba mbu mundaalo tsiokhuchesa, nimukhung'aasia, mulamuheelesia Farao eshitonye shiakharaano, nebitonye bine bilabeetsanga ebieenywe, khulwa imwo yemikunda nende khulwa ebiliibwa biabaana beenywe abatiiti. 25Nabo nibaboola mbu Okhuhoniye; khunyoole obukoosia mumoni tsiomwami weefwe, nikhuba abasumba baFarao. 26Yusufu nakhola likhuwa elo libe lilako khwiloba liaMisiri okhuula bulaano, mbu Farao anyoolenje eshitonye shiakharaano; habula liloba liabeesaaliisi lionyene nilio elirali eliaFarao lawe.
Obulaami bwaYakobo
27Isiraeli naye yamenya mushialo shiaMisiri, mushialo shiaGosheni, nibeenyoolelamwo emiandu, nibeebulana, nibeenjiha muno. 28Yakobo namenya mushialo shiaMisiri emiyika ekhumi namusaafu, kho tsindaalo tsiaYakobo, emiyika chiobuyindifubwe, chiahela emiyika eshikhumi nende amakhumi kane namusaafu.
29Mana induukho niyula ahambi yokhufwa khwaIsiraeli; nalanga omwanawe Yusufu, namusunjila ari Shinga olwa enyoolile obukoosia imbeliwo, chama orekhwo omukhonokwo khwirango lianje, ukholele akeshisa nende akatoto; ekhusaaya mbu orayabila muMisiri tawe; 30ne olwa nembe ningona nilonda khubakuuka banje, unjinje niurusia eMisiri, uyabile mubilindwa biabwe. Naye nasunga mbu Ndaakhola endio shinga olwa oboolile. 31Naye nasunga mbu Unditsubile; naye namwitsubila, Isiraeli niyeenama khumurwe weshitali.
Currently Selected:
Genesis 47: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
