Genesis 44
44
Eshikombe eshiekora
1Yusufu namulaka omusinjilili weinzuye, namusunjila ari Yitsusia amakunia kabandu bano ebiliibwa ebinji ebibahelile okhuchinga, ore nende amapeesa kabuli mundu mumunwa kwelikunialie. 2Mana ore eshikombe shianje, eshikombe shieifeetsa eshio, mumunwa kwelikunia liomushe, halala nende amapeesake akeimele. Naye nakhola ario shinga olwa Yusufu yali namubooleele. 3Kho olwa bwashia mutsuli abandu abo nibaseebulwa, halala nende tsishili tsiabwe. 4Ne olwa bali nibarulile mwitookho, nibashili okhutsia ehale ta, Yusufu yamuboolela omusinjilili weinzuye mbu Rula obalondachilile abandu abo; nolwa nobanyoole obareebe mbu Mbushiina nimurunga amabii khumalayi? 5Shino shinishio eshia omwami wanje anyweelangamwo, kata nende okhulakulila? Mukholile obubii muno nimukhola murio.
6Mana nabalondachilila, nabanyoola, nababoolela amakhuwa ako. 7Nibamusunjila mbu Mbushiina omwami wanje naboola amakhuwa akafwana kari nanwa? Shilinyalikha ta, ifwe abasumbabo okhukhola khurio. 8Lola, amapeesa aka khwanyoola muminwa chiamakunia keefwe khwamalile nikhukhukalusilia okhurula mushialo shiaKanaani; kho khwakhanyala khurie ifwe okhwiba munzu yomwamiwo ifeetsa kata itsahaabu? 9Owanonyooleshe nali ninashio khubasumbabo, afwe, neefu khube abasumba bomwami wanje. 10Naye naboola mbu Kho kabe kario shinga olwa musunjile; owanonyooleshe nali ninashio abe omusumba weefwe; neenyu shimulabakhwo nende eshiina tawe. 11Nibakhola bwangu nibaruula buli mundu likunialie, nende okhuboholola buli mundu likunialie. 12Naye nakhaaba, nachaachila khumukhulundu, okhumalilishila khumushe; eshikombe nashio nishinyoolekha mwikunia liaBenyamini. 13Mana nibarandula tsingubo tsiabwe, nibatuukha shia omundu isishiliye nibakalukha mwitookho.
14Yuda nende abaana babwe niboola enanzu waYusufu; naye omwene yali nashilimwo; nibakwa hasi imbeliwe. 15Yusufu nabasunjila mbu Neshikhole shiina shino eshia mukholile? Shimumanyile mbu omundu shinga isie enyala okhulakula? 16Yuda naboola mbu Nakhumusunjile khurie omwami wanje? Khuboole khurie? Kata nakhulolosie khurie obulunjishi bweefwe? Nyasaye yaluutsi obwonooni bwabasumbabo; lola, khuli abasumba bomwami wanje, halala nende omwenoyo owa eshikombe shinyooleeshe mumukhonokwe. 17Naye nasunga mbu Shikanyalikha tawe, mbu ekhole endio; ne omundu owa eshikombe shinyooleeshe mumukhonokwe, ye abe omusumba weefwe; neenyu, murole nomulembe mutsie ewaseenywe.
Yuda yasaaya khulwa Benyamini
18Mana Yuda nasita aha yali, naboola mbu Omwami, ekhusaaya mbu ofuchiilile omusumbawo asunjekhwo likhuwa mumarwi komwami wanje, oburimabwo nabwo buleshe okhulula khumusumbawo; okhuba iwe oli shinga Farao. 19Omwami wanje yareeba ifwe abasumbabe ari Seenywe ashiliho, kata omusiani weenywe? 20Nikhumukalusia omwami wanje mbu Seefwe aliho, ne nomukofu, nende omwana wobukofubwe, nomutiiti; ne omusiani owomwabwe yafwa, ne niye yenyene owatong'a munzu yanyina, naye samwana wamuheela. 21Nokhuboolela ifwe abasumbabo mbu Mumuleere ewanje, mbu emurekhwo tsimoni. 22Nikhuboolela omwami wanje khuri Omuyia oyo shianyala okhulekha samwana ta; shichila naba namulekha samwana, samwana yakhafwa. 23Nawe waboolela ifwe abasumbabo mbu Nimureetsa nende omwana weenywe oyo omushe, kho shimulindolakhwo mumoni khandi tawe. 24Nikaba mbu olwa khwoola ewomusumbawo papa, nikhumuboolela amakhuwa komwami wanje. 25Mana seefwe nakhusunjila mbu Kalusheyo, mukhukulilekhwo ebiliibwa. 26Nikhuboola mbu Shikhunyala okhutsia ta; nikhuli nende omwana weefwe omushe, kho khulakholomokhayo; okhuba shikhufuchiililwa okhumulola omusaatsa oyo mumoni, nikhurali nende omwana weefwe omushe ta. 27Mana omusumbawo papa nakhuboolela ari Mumanyile shinga omukhaye wanje olwa yanzibulila abaana abasiani babili; 28mulala yarulakhwo, nimboola mbu Toto mwene, yatonyoolwe ebitonye; ne shimulolangakhwo khandi tawe; 29ne nimuba nimumbukulakhwo uno yesi, naye amabii nikamukwila, mwakheesia tsimbutsi tsianje eMakombe namasila. 30Kho bulaano, olwa emba ninzula ewomusumbawo papa, nomuyia uno nikhurali ninaye ta, olwa omwoyokwe kwahambana muno nende omwoyo kwomuyia uno, 31nakabe mbu olwa nalole mbu omuyia shiali nineefwe ta, kho nafwe; kho abasumbabo nabeesie tsimbutsi tsiomusumbawo seefwe eMakombe namasila. 32Okhuba isie omusumbawo ndeekhola omusingo kwomuyia uno khupapa, nisunga mbu Nimba nindamukalusia khwiwe ta, kho eshiina shibe khwisie imbeli wapapa tsindaalo tsiosi. 33Kho bulaano ekhusaaya mbu of uchiilile isie omusumbawo endong'e mushilenje shiomuyia uno, embe omusumba womwami wanje; nomuyia uno, omuleshe atsie halala nende abaana babwe. 34Ndakhamutsiila papa endie nindali nende omuyia ta? Endeshe okhulola amabii akalamukwila papa.
Currently Selected:
Genesis 44: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
