Genesis 41
41
Yusufu yabuula eshisina shielilooro liaFarao
1Kho emiyika olwa chiali nichihweele chibili emilamba, Farao naloora lilooro; ne lola, yali nasinjiile ahambi nende Omwalo. 2Ne lola, tsing'ombe tsitwasi musaafu nitsitikulukha nitsirula mumwalo, tsikhomefu tsindayi, nitsiaya mwikuku. 3Khandi lola, tsing'ombe tsitwasi tsindi musaafu nitsitikulikha inyuma watsio okhurula mumwalo, tsing'ahu tsimbii; nitsisinjila halala nende tsing'ombe tsindi etsio khulukuku Iwomwalo. 4Mana tsing'ombe etsio tsing'ahu tsimbii nitsilia tsing'ombe etsio tsikhomefu tsindayi. Mana Farao nasisimukha. 5Khandi tsindoolo nitsimuyila, naloora khandi lilooro liakhabili; ne lola, emirwe musaafu nichimela khulukhanza lulala, emikhomefu emilayi. 6Khandi lola, emirwe chindi musaafu echiakwa amatere, echioonoonibwa nende omuyeka okurula ebukwe, nichimela munyuma wachio. 7Nachio emirwe echiakwa amatere nichimila emirwe emikhomefu emilayi musaafu echio. Mana Farao nasisimukha, khane kali amalooro. 8Kho olwa bwashia mutsuli, yeeyiniakana mumwoyokwe; narumana okhulanga abafumu bosi beMisiri nende abandu abobuchesi bosi abaliho; mana Farao nabatoonyela amalooroke; ne shiyaliho omundu owanyala okhumubuulilakhwo Farao tawe.
9Mana omunyweesii omukhulundu namusunjila Farao ari Enzitsuliile ebionoono bianje leelo; 10mbu Farao yali nabasinyishiile abasumbabe, niyara mundindi munzu yomwimilisi wabasikari, isie nende omuteeshi wemikaate omukhulundu; 11nikhuloora amalooro mushilo shilala, isie ninaye; khwaloora buli mundu shinga eshisina shieliloorolie olwa shiali. 12Ne yalimwo omusooliili undi halala nineefwe, omuHeburania, nomukholi womwimilisi wabasikari; nikhumutoonyela, naye nakhubuulila ebisina biamalooro keefwe; buli mundu shinga liloorolie olwa liali, nolwa yakhubuulila. 13Ne shinga olwa yakhubuulila, nolwa kamala nikeekhola; isie ndakalusibwa khumilimo chianje, naye ulia nahanikhwa.
14Mana Farao narumana namulanga Yusufu, nibamurusia mumbohe matetekhana; naye niyeebeka, niyeekalula tsingubo, niyeenjila ewaFarao. 15Farao namusunjila Yusufu mbu Endoorile amalooro; ne abulileho ounyala okhumbuulila eshisina ta; ne embuliile amakhuwa khwiwe, mbu nohuliile lilooro omanyanga okhubuula eshisina. 16Yusufu namukalusia Farao namuboolela mbu Shikali khwisie ta; ne Nyasaye alakalusia Farao likalusio liomulembe. 17Mana Farao naboolela Yusufu mbu Mwilooro lianje, lola, embeele nisinjiile khulukuku IwOmwalo kwaNaili; 18mana tsing'ombe tsitwasi musaafu nitsitikulukha okhurula mumwalo, tsikhomefu tsindayi, nitsiaya mwikuku. 19Khandi tsing'ombe tsindi musaafu nitsitikulukha inyuma watsio, tsing'ahu, tsimbii muno, etsibula amaani; mushibala shiosi shiaMisiri ndashialolakhwo etsibula amaani shinga etsio. 20Mana tsing'ombe etsio tsing'ahu tsimbii nitsilia tsing'ombe etsio musaafu etsiambeli, tsikhomefu; 21ne kata olwa tsibeele nitsimalile okhutsilia, shitsimanyiishekhwo mbu tsiliile tsilia tawe; habula tsibeele nitsishili butswa tsimbii tsirio. Mana nisisimukha. 22Khandi mwilooro lianje nindola emirwe musaafu nichimela khulukhanza lulala, echiakhomela, emilayi; 23khandi emirwe musaafu echiafululukha echiakwa amatere, echioonoonibwa nende omuyeka okurula ebukwe, nichimela munyuma wachio; 24nachio emirwe echiakwa amatere nichimila emirwe echio musaafu emilayi; nasi embooleele abafumu; ne shialiho ounyalile okhu'manyia tawe.
25Yusufu naboolela Farao ari Lilooro liaFarao nelala; eshia Nyasaye ali okhukhola, amufwimbuliile Farao. 26Tsing'ombe etsio musaafu tsindayi nemiyika musaafu; khandi emirwe echio musaafu emilayi nemiyika musaafu; lilooro nelala 27Khandi tsing'ombe etsio tsing'ahu tsimbii musaafu etsitikuluushe inyuma watsio nemiyika musaafu, khandi emirwe echio musaafu emikhaya echioonoonibwa nende omuyeka okurula ebukwe, echio chiliba emiyika musaafu chieinzala.
28Kali butswa shinga olwa embooleele Farao; mbu elia Nyasaye ali okhukhola, yafwimbuliile Farao. 29Lola, emiyika musaafu chiitsanga chieinzikura mushialo shiosi shiaMisiri; 30ne inyuma wachio chilibaho emiyika musaafu chieinzala; mana obunji bweinzikura buliibililwa pe mushialo shiaMisiri; inzala nayo yilimala eshialo; 31kata inzikura eyo shiyilimanyikha mushibala ta khulwa inzala eyo eyililondakhwo; shichila yiiiba inzala ikhongo muno. 32Ne lilooro olwa liitsiile Farao khabili, likhuwa elo litinyisiibwe nende Nyasaye, khandi Nyasaye yeetsa okhulikhola. 33Kho bulaano Farao arunilisie omundu omurecherefu khandi omuchesi, amwemeshe mushialo shiaMisiri. 34Farao akhole ari nanwa, mbu areho abasinjilili khushialo, aroosinjie eshitonye shiakharaano shiebiomushialo shiaMisiri mumiyika musaafu echio chieinzikura. 35Nabo bakhung'aasinjie ebiliibwa biosi biemiyika chino emilayi echiitsanga, nibabunjikha imele yibe mumukhono kwaFarao khulwa ebiokhulia mumataala, nibabilinda. 36Nebiliibwa ebio bibeetsenje eshirende shieshibala mumiyika musaafu chieinzala eyilibaho mushibala shiaMisiri; mbu mana eshibala shileshe okhusikha khulwa inzala.
Yusufu yeemekhwa khuburuchi muMisiri
37Likhuwa elo niliba lilayi imbeli waFarao, Ichandi imbeli wabasumbabe bosi. 38Farao nasungana nende abasumbabe, mbu Kwakhanyoola heena oundi shinga uno, omundu owa roho waNyasaye ali muye? 39Kho Farao naboolela Yusufu mbu Olwa Nyasaye akhumanyiye Ieano kosi, shialiho emundu omurecherefu khandi omuchesi shinga iwe ta; 40ndalakhwemekha munzu yanje, khandi shinga olwa likhuwalio lili, nolwa abandu banje balarukwa; habula khushifumbi shiobwami shionyene ndalakhushila. 41Farao nasunjila Yusufu ari Lola, ekhwemeeshe mushibala shiosi shiaMisiri. 42Farao narusia ingaka yeshibalikhoshie khulwala, nachira khulwala lwaYusufu, namufwalakhwo ebiifwalo bieikitani indorotoro, namufwala omunyolo kweitsahaabu mwikosilie; 43namuheelesia likaarilie liakhabili okhuchendelangamwo; abandu nibeemila imbeliwe nibachinga olukhu, bari Sikame! Nolwa yamwemekha mushialo shiosi shiaMisiri. 44Mana Famo namusunjila Yusufu mbu Nisie Farao; ne nikararulila khwiwe ta, omundu yesi aleshe kata okhuchinguula omukhono kata eshilenje mushialo shiosi shiaMisiri. 45Farao nakulikha Yusuru eliira mbu Zafenatsi-panea, namukhweesia omukhasi mbu Asenatsi, omukhaana waPotifera omwisaaliisi waOni. Naye Yusufu nalambuula eshialo shiosi shiaMisiri.
46Ne Yusufu yali owemiyika amakhumi kataru olwa yasinjila imbeli waFarao omumchi waMisiri. Yusufu narula imbeli waFarao, nalambuula eshialo shiosi shiaMisiri. 47Ne mumiyika echio musaafu chieinzikura eshialo shiarusia ebiliibwa namakhono amasiro. 48Nakhung'aasia ebiliibwa biosi biemiyika musaafu echio mushialo shiaMisiri nabibunjikha mumatookho; ebiliibwa biemikunda echiali nichibotokhana buli litookho, nabibunjikha mubwenomwo. 49Yusufu nabunjikha imele shinga omuyeshe kwomunyanza, inyinji muno, okhuula olwa yalekha okhuchela; shichila yali eyiranyala okhuchelwa ta.
50Ne Yusufu niyeebula abaana abasiani babili, emiyika chieinzala nichishili okhuula, aba Asenatsi omukhaana waPotifera omwisaaliisi waOni yeebula. 51Yusufu nakulikha omwana wambeli eliira mbu Manase; ari Okhuba Nyasaye yanzibilisiye amanyakhano kanje kosi, nende akeweefwe kosi. 52Nowakhabili namukulikha eliira mbu Efuraimu; ari Nyasaye yambeelesiye olwibulo mushialo eshia ndasandilibwamwo.
53Mana emiyika echio musaafu chieinzikura eyaliho mushialo shiaMisiri nichihwa, 54nachio emiyika echio musaafu chieinzala nichichaaka okhubaho, shinga Yusufu olwa yali niyaboola; niyibaho inzala mubialo biosi; habula mushialo shiaMisiri ebiokhulia nibibamwo. 55Mana olwa inzala yeenjila mushialo shiosi shiaMisiri, abandu balilila Farao mbu abaheelesie ebiokhulia; naye Farao nasunjila abaMisiri bosi ari Mutsie ewaYusufu; eiia namuboolele liosi, mulikhole. 56Inzala eyo niyiba khushibala shiosi pe; ne Yusufu niyeekula ebirende, nabakusia abaMisiri ebiokhulia; inzala nayo niyilula mushibala shiaMisiri. 57Nabebialo biosi nibeetsa eMisiri ewaYusufu okhurunda imele; okhuba inzala eyo yali ikhongo mushialo shiosi.
Currently Selected:
Genesis 41: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
