Genesis 36

Tsinzibulo tsiaEsau

(1 Akets. 1.34-36)

1Ne tsino nitsio tsinzibulo tsiaEsau, niye Edomu. 2Esau yateeshia abakhasibe mubakhaana baKanaani; mbabano, mbu Ada omukhaana waEloni omuHiti, nende Oholibama omukhaana waAna omukhaana waZibeoni omuHiwi; 3nende Basematsi omukhaana waIshimaeli, mbootsonyene Nebayotsi. 4Naye Ada niyeebula Elifasi; naye Basematsi niyeebula Reueli; 5Oholibama niyeebula Yeushi, nende Yalamu, nende Kora; bano nibo abaana baEsau, aba yeebula mushialo shiaKanaani.

6Naye Esau nabukula nbakhasibe, nende abaanabe abasiani, nende abaanabe abakhaana, nende abandu bosi abelitaalalie, nende tsing'ombetsie, nende emirukochie chiosi, nende emianduchie chiosi, echia yali niyanyoola mushialo shiaKanaani; natsia mushibala eshiali ehale nende Yakobo omusiani wabwe. 7Okuba emiandu chiabwe chiali eminji, echiachila nibakhaywa okhumenya halala; kata eshibala eshia balimwo abacheni shishiabahela tawe, khulwa emiruko chiabwe. 8Naye Esau namenya mushialo shiebikulu shiaSeiri; Esau niye Edomu.

9Tsino nitsio tsinzibulo tsiaEsau, omwibuli wabaEdomu mushialo shiebikulu shiaSeiri; 10kano niko ameera kabaana baEsau; mbu Elifazi omwana waAda mukha Esau, Reueli omwana waBasematsi mukha Esau. 11Nabaana baElifazi mbabano, mbu Temani, Omari, Zefo, nende Gatamu, nende Kenazi. 12Ne Timina yali omusuria waElifazi waEsau; niyeebula Amaleki. Abo nibo abaana baAda mukha Esau. 13Nabaana baReueli mbabano; Nahatsi, naZera, naShama, nende Miza; bano bali abaana baBasematsi mukha Esau. 14Nabaana baOholibama omukhaana waAna, omukhaana waZibeoni, mukha Esau; naye niyeebula Yeushi, naYalamu, naKora.

15Abamakuru babaana baEsau mbabano; abaana baElifazi omwana wambeli waEsau; owelikuru Temani, owelikuru Omari, owelikuru Zefo, owelikuru Kenazi, 16owelikuru Kora, owelikuru Gatamu, owelikuru Amaleki; bano nibo abamakuru abarula muElifazi mushialo shiaEdomu; bano nibo abaana baAda. 17Khandi abaana baReueli omwana waEsau mbabano; owelikuru Nahatsi, owelikuru Zera, owelikuru Shama, owelikuru Miza; bano nibo abamakuru abarula muReueli mushialo shiaEdomu; bano nibo abaana baBasematsi mukha Esau. 18Khandi abaana baOholibama mukha Esau mbabano; owelikuru Yeushi, owelikuru Yalamu, owelikuru Kora; bano nibo abamakuru abarula muOholibama omukhaana waAna, mukha Esau. 19Bano nibo abaana baEsau, khandi bano nibo abamakuru babwe; naye Esau niye Edomu.

Tsinzibulo tsiaSeiri

(1 Akets. 1.38-42)

20Abaana baSeiri omuHori, abeene shialo, mbabano; Lotani naShobali naZibeoni naAna, 21naDishoni naEzeri naDishani; bano nibo abamakuru abarula mubaHori, abaana baSeiri, mushialo shiaEdomu. 22Nabaana baLotani bali Hori nende Hemamu; naye mbootsonyene Lotani yali Timina. 23Nabaana baShobali mbabano; Alawani naManahatsi naEbali, Shefo nende Onamu. 24Nabaana baZibeoni mbabano; Aya nende Ana; Ana omwenoyo niye owanyoola tsisebele tsiamatsi amayiu mushitsiimi, olwa yali niyaayanga tsisishili tsiaZibeoni samwana. 25Nabaana baAna mbabano; Dishoni nende Oholibama omukhaana waAna. 26Nabaana baDishoni mbabano; Hemedani naEshebani naItsirani naKherani. 27Abaana baEzeri mbabano; Bilihani naZaawani naAkani. 28Abaana baDishani mbabano; Uzi nende Arani. 29Abamakuru abarula mubaHori mbabano; owelikuru Lotani, owelikuru Shobali, owelikuru Zibeoni, owelikuru Ana, 30owelikuru Dishoni, owelikuru Ezeri, owelikuru Dishani; bano nibo abamakuru abarula mubaHori, okhulondana khubamakuru babwe mushibala shiaSeiri.

Abaruchi baEdomu

(1 Akets. 1.43-54)

31Ne bano nibo abaruchi abaruka mushibala shieEdomu imbeli womuruchi yesi narashiaruka mubaana baIsiraeli ta. 32Naye Bela omwana waBeori yaruka muEdomu; neliira lielitookholie liali Dinihaba. 33Naye Bela nafwa, ne Yobabu waZera oweBozora naruka mushilenjeshie. 34Naye Yobabu nafwa, ne Hushamu oweshialo shiabaTemani naruka mushilenjeshie. 35Naye Hushamu nafwa, ne Hadadi waBedadi, owakhupa Midiani mushitsiimi shieMoabu, naruka mushilenjeshie; neliira lielitookholie liali Awitsi. 36Naye Hadadi nafwa, ne Samula oweMasareka naruka mushilenjeshie. 37Naye Samula nafwa ne Shauli oweRehobotsi khuMuchela naruka mushilenjeshie. 38Naye Shauli nafwa, ne Baali-hanani waAkhabori naruka mushilenjeshie. 39Naye Baali-hanani waAkhabori nafwa, ne Hedari naruka mushilenjeshie; neliira lielitookholie liali Pau; neliira liomukhasiwe liali Mehetabeli, omukhaana waMataredi, omukhaana waMe-zahabu.

40Ne kano niko ameera kabamakuru abarula muEsau, okhulonda khubilibwa biabwe, nende habundu wabwe, khumeera kabwe; mbu owelikuru Timina, owelikuru Alawa, owelikuru Yetsetsi; 41owelikuru Oholibama, owelikura Ela, owelikuru Pinoni; 42owelikuru Kenazi, owelikuru Temani, owelikuru Mibizari; 43owelikuru Magadieli, owelikuru Iramu; bano nibo abamakuru baEdomu, okhulonda obwikhalo bwabwe mushialo shiabwe abeene. Uno niye Esau omwibuli wabaEdomu.

Currently Selected:

Genesis 36: OUV

Highlight

Copy