Abagalatia 1
1
Amashiesio
1Eyirula khuPaulo, omurume; ne shibuli oburume oburula khubandu, kata obweetsa khulwa omundu yesi ta, habula khulwa Yesu Kristo, nende Nyasaye Samwana, owamulamusia mukhufwa, 2nende khubaana beefwe bosi aba endi ninabo; yule khutsikanisa tsieGalatia.
3Obukoosia bube khwinywe, nende omulembe, ebirula khuNyasaye Seefwe nende khuMwami weefwe Yesu Kristo, 4omwenoyo oweehaana omwene khulwa ebionoono bieefwe, mbu akhuhonie mushise shino eshibii eshia khulimwo, okhwenya khwaNyasaye weefwe, khandi niye Seefwe, shinga olwa khuli. 5Omwenoyo abe noluyali ebisoni nebisoni. Amina.
Yibulaho Injiili yindi lukano.
6Ehuchile muno shinga olwa musimukha bwangu murio okhurula khumwenoyo owamulanjila mubukoosia bwaKristo, nimushiukhanila injiili yindi lukano; 7ne shineyindi ta; habula mbu baliho abamunyasinjia nibeenya okhushiamia injiili yaKristo. 8Nebutswa nikakhaba mbu ifwe, kata malaika ourula mwikulu, niyakhamwilwatsila injiili yindi yosi, eyirali yeneyo eya khwamwilwatsila, amanyishe mbu ali mushilaamo shiobubii. 9Shinga olwa khwamuboolela khale. Nindio emuboolela khandi bulaano, mbu omundu yesi naba namwilwatsila injiili yindi yosi, eyirali yeneyo eya mwafuchiilila, amanyishe mbu ali mushilaamo shiobubii.
10Kho bulaano ehombelesia abandu, nohomba Nyasaye? Enzenyanga okhuchamisia abandu noho? Mbula, nimba nishichamisinjia abandu, shindakhaba nindi omusumba waKristo ta.
Shinga Paulo olwa yakholwa Omurume.
11Okhuba, baana beefwe, halubeka Iweinjiili eya ndamwilwatsila, emumanyia mbu shiyili yeimela yomundu ta. 12Shichila shindachiheebwa nomundu yesi, kata shindachiechesibwa ta; habula ndafwimbulilwa nende Yesu Kristo. 13Okhuba mwahulila akokhuchenda khwanje mundaalo etsiabira mudini yabaYahudi; shinga olwa ndasandinjia ikanisa yaNyasaye okhushila muno nindeema okhuchihesia; 14kata ndatsiililila mudini yabaYahudi okhuyomba abanji abali abolubaka lwanje muboluyia Iweefwe, nimba omulumilifu muno muka ndeechesibwa nabakuuka. 15Ne Nyasaye, owanzahula okhurula munda yamama, niyananga khulwa obukoosiabwe, olwa yachama 16okhufwimbulila Omwanawe mwisie, mbu enzilwatsenje amakhuwake mubamahanga, habwenaho shindasungana nende abandu nabandu butswa ta; 17kata shindatikulukha okhutsia eYerusalemu ewa abo aba'ranjilila okhuba abarume, tawe; ne ndarula ninzia ebuArabu; olunyumakhwo ningalukha eDamasiko.
18Olunyuma Iwemiyika chitaru ndamala enzie eYerusalemu okhulolana nende Kefa, nimenyakhwoyo ninaye tsindaalo ekhumi natsiraano. 19Ne abandi abokhubarume abo shindabalola ta, habula Yakobo omusiani wabwe Omwami. 20Ne khumakhuwa kano aka emuhandiichila, lole, imbeli waNyasaye shimbeeha ta.
21Mana ninzula mumbali tsieSiria naKilikia. 22Ne ndali nishili okhulolekha obweni bwanje mubetsikanisa tsiebuYahudi etsiali nitsili muKristo; 23habula mbu bali nibahuliile, bari Oyo owa ekulo wakhusandinjia, bulaano yeelwatsanga akobusuubili bwenobwo obwa yalinji nateema okhumalilana; 24kho nibamuheelesia Nyasaye oluyali khulwanje.
Currently Selected:
Abagalatia 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
