2 Abakorinzo 13
13
Obuchesiyii obuhelelesia, nakokhuseebulana
1Luno lukhola khataru nimwitsilanga. Khuminwa chiabaloli babili bataru buli iikhuwa lilatinyisibwa. 2Ndaboola katong'ane, khandi bulaano emboola katong'ane; shinga olwa ndaboola olwa ndaliho olwakhabili lulia, nikvo olwa emboola bulaano nihumaho; emboolela abo aboonoona khale, nende abandi bosi. Mbu nimba ninzitsa khandi, shimulimbonal ta, 3okhuba mukhaabanga eshimanyilo shiaKristo ouboola mwisie; khwinywe shiabula amaani ta, ne nowobunyali mwinywe mukari; 4shichila yabambwa khumusalaba khulwa okhubula amaani, ne abeetsanga mwoyo mubunyali bwaNyasaye. Nineefwe fwesi khurio khubula amaani muye; ne khulabeetsanga mwoyo ninaye halala, khulwa obunyali bwaNyasaye obuli khulweenywe.
5Mwiteeme abeene, mumanye nimuba nimuli mubusuubili nohombamwichele abeene. Nohomba shimumanyile khubweenywe shinga Yesu Kristo olwa ali mwinywe ta? Habula nikakhaba mbu mwalobwa toto. 6Ne esuubila mbu mumanyile shinga ifwe olwa khurali abalobwa ta. 7Bulaano khumusaaya Nyasaye mbu murakhole libii liosi ta; shikali mbu ifwe khuloleshe shinea abachamwa ta, habula mbu inywe mukhole akali habwene, kata ifwe nikhufwana shinga abalobwa. 8Okhuba shikhunyala okhukhola likhuwa liosi elifukula obwatoto ta, habula akachooma khubwatoto. 9Shichila khwikhoya olwa khubula amaani, inywe nimuli abamaani; khandi elia khusaba ndielino, mbu inywe okhuusibwa khubuiamba. 10Ne niko akachila nihandiika amakhuwa kano nihumaho, mbu olwa ndakhabe nindiho endeshe okhwikhoonyela obululu, obunyali obwa Omwami yambeelesia shinga olwa buli obwokhuumbakha, niburali obwokhulikulula ta.
11Elihelelesia ndielino, baana beefwe, mbu mulindwe. Mukaase; mulemibwe emioyo; mube namapaaro malala; menyenje mumulembe; naye Nyasaye omwene buheeli nomulembe alabeetsangaho nineenywe. 12Mushiesanie nende okhutsunzuunana okhutakatifu.
13Abatakatifu bosi bamushiesiye.
14Obukoosia bwOmwami Yesu Kristo, nobuheeli bwaNyasaye, nobusanjilani bwaRoho Omutakatifu, bubeetsenje nineenywe mwesi.
Currently Selected:
2 Abakorinzo 13: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
