Ezekieli 9
9
Okhwirwa khwabamayaanu
1Mana nalanjisia mumarwi kanje nomwoyo omukhongo, ari Site ahambi, inywe abakuumi beshialo, buli mundu neshimanulwashie shiobumululi mumukhono. 2Mana lola, abasaatsa basasaba nibeetsa, nibarula enashilibwa shiemukulu, eshili enotsi, buli mundu nali nende eshimanulwashie shiobwiri mumukhono. Ne yaliho mulala hakari wabwe owali niyeefwalile tsingubo tsieikitani, nali nende eshimuka shiobwino eshiomuhandiichi, nishiboyilwe khukhukunyu. Nabo nibeenjila, nibasinjila hashimalilo shiomukasa. 3Haho ing'oono yoluyali lwaNyasaye waIsiraeli yali niyitikuluushe olchurula khubakerubi ewa yalinji, niyulile hamushingachi kweinzu; mana nalanga omundu tsana owali niyeefwalile tsingubo tsieikitani, owali nende eshimuka shiobwino eshimuhandiichi khukhukunyu. 4OMWAMI namubiila mbu Tsia obire hakari welitookho, mbu hakari waYerusaiemu, norakhwo eshimanyilo khubweni bwabandu abeesia amahumo nibabinda khulwa ebisinyo ebikholekhanga hakari walio. 5Nabandi abo, yababoolela nimbulila, mbu Mubire mwitookho munyumawe, murootse; tsimoni tsieenywe tsileshe okhubeelelela, kata mulabakhwo netsimbabasi ta. 6Mwire bwira abakofu, abasooliili nabakhaana, abaana abahele nabakhasi; nebutswa murasita ahambi khumundu yesi ouli neshimanyilo ta; ne mulachaachila ahatakatifu wanje. Mana nibachaachila khubakofu abali nibali imbeli weinzu. 7Nabasunjila mbu Mwonoonie inzu, nimwitsusia tsinyanyi tsiosi nabeerwa; khatsie. Nibatsia, nibarootsa abomwitookho. 8Ne olwa bali nibarootsanga, nasi nindong'ile sienyene, ndeekhupa hasi mafumama, nikhupa tsimbungu, nisunga mbu E Omwami NYASAYE! Witsa okhutibia omusilealo kwosi kwaIsiraeli, nosundula obululubwo khu Yerusalemu, noho?
9Mana niyasunjila mbu Obumayaanu bweinzu yaIsiraeli naYuda nobunji muno; eshialo shiitsuulemwo amatsayi, litookho nalio liitsuulemwo obukhalachi obushiamu; okhuba basunga mbu OMWAMI wayeebala eshialo; OMWAMI shialolanga ta. 10Nasi siesi, imoni yanje shiyilabeelelela, kata shindalabakhwo nende tsimbabasi ta; ne ndalabayaasia khulwa tsinjila tsiabwe.
11Ne lola, omundu oyo owali niyeefwalile tsingubo tsieikitani, owali neshimuka shiobwino shiomuhandiichi khukhukunyu, yakalusia likhuwa, ari Ekholile aka undachile.
Currently Selected:
Ezekieli 9: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
