Ezekieli 10
10
Ing'oono yoluyali lwaNyasaye Ewarula khuhekalu
1Mana nihenga, ne lola, ikulu weshilama tsana eshiali ikulu wemirwe chiabakerubi. Mwalolekhamwo, ikulu wabwe, eshindu eshifwana shinga lichina lieisapiri, shinga okhulolekha khwomufwano kweshifumbi shiobwami. 2Naye naboolela omundu tsana owali niyeefwalile tsingubo tsieikitani ari Tsia haleari wetsingarangarani hasi wabakerubi, ofumbare amaanda komulilo akarula hakari wabakerubi namakhono kombi, okahaanye khwitookho.
Naye niyeenjila, nindola. 3Ne olwa omundu tsana yeenjila, abakerubi tsana bali nibasinjiile khulubeka Iwomukhono musaatsa Iweinzu; ne lileesi lieetsula mulwanyi olwomukari. 4Nayo ing'oono yoluyali Iw niyikulukcha okhurula Ichubakerubi, niyula khumushingachi kweinzu; inzu yene niyiitsulamwo lileesi, olwanyi nilwitsula okhwakha khwoluyali lwOMWAMI. 5Amayoosi ketsimbaha tsiabakerubi nikahuliilishila kata mulwanyi Iwelwanyi, shinga omwoyo kwaNyasaye Ounyalabiosi naboola.
6Mana olwa yalaka omundu tsana owali niyeefwalile etsieikitani, ari Bukula omulilo hakari wetsingarangarani, hakari wabakerubi, kho yeenjilamwo nasinjila hamukurutumu. 7Omukerubi nanyiila omukhono ewa yali hakari wabakerubi, khumulilo okwali hakari wabakerubi, nabukulakhwo, nakura mumakhono ka oyo owali niyeefwalile etsieikitani; naye nakubukula, narulamwo. 8Ne likondo liomukhono kwomundu nililoleshela mubakerubi, hasi wetsimbaha tsiabwe.
9Nihenga, ne emikurutumu chine njiechio, ahambi nende abakerubi, mbu omukurutumu mulala hamukerubi mulala, nomukurutumu kundi hamukerubi undi; ne okhulolekha khwemikurutumu khwengana likondo lielichina lieitarashishi. 10Nokhulolekha khwachio, echio chine chiali nokhufwana khulala, shinga okhwomukurutumu hakari womukurutumu kundi. 11Olwa chiatsia, chiatsiitsanga khulubeka olwomumbeka tsiachio tsine. Shibashiukhana nibatsia ta; nebutswa ewa omurwe kwahenjela, neyo ewa balonda; shibashiukhana nibatsia ta. 12Emibili chiabwe chiosi, nemikongo chiabwe, namakhono kabwe, netsimbaha tsiabwe, nemikurutumu tsana, bieetsulamwo tsimoni tsimbeka tsiosi, nichio emikurutumu echia abo bane bali ninachio. 13Nachio emikurutumu chiene, ndahulila nichilangwa mbu tsingarangarani etsiboyongoya. 14Buli mulala yali nende mumoni eshikhane; mumoni mwambeli mwali mumoni mwomukerubi mwene; mumoni mwakhabili nimumoni mwomundu, mumoni mwakhataru nimumoni mweitalanyi, ne mumoni mwakhane nimumoni mweinditsu.
15Abakerubi nibakulukha; ne nibo ebilimwoyo tsana ebia ndalolela hamwalo kwaKhebari. 16Olwa abakerubi abo batsia, emikurutumu nachio nichitsia halala ninabo. Olwa abakerubi bachinguula tsimbaha okhukulukha okhurula khwiloba, emikurutumu shichiashiukhana okhubarulakhwo ta. 17Olwa beema, chilia nachio nichiema; khandi olwa bakulukha, chilia nachio nichikulukha halala ninabo; shichila roho yeshilimwoyo tsana yali muchio.
18Mana img'oono yoluyali lwOMWAMI niyirula ewa yali ikulu womushingachi kweinzu, niyisinjila ikulu wabakerubi. 19Nabo abakerubi nibachinguula tsimbaha tsiabwe, nibakulukha nibarula khushialo nindola nibarula, nemikurutumu halala ninabo; nibasinjila hamuliango kweshilibwa shiebukwe shieinzu yOMWAMI; ing'oono yoluyali lwaNyasaye waIsiraeli niyiba ikulu wabwe.
20Ebio nibio ebili-mwoyo tsana ebia ndalola hasi waNyasaye waIsiraeli hamwalo kwaKhebari; nimanya mbu nabakerubi. 21Buli mulala yali nende mumoni eshikhane, nabuli mulala tsimbaha tsine; ne okhufwana khwamakhono komundu khwali nikhuli hasi wetsimbaha tsiabwe. 22Ne okhufwana khwomumoni mwabwe mwali mumoni mwenomwo omwa ndali ninduutsi hamwalo kwaKhebari, okhulolekha khwamwo okhwene; nibatsia imbeli, buli mulala shilunji.
Currently Selected:
Ezekieli 10: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
