Ezekieli 8
8
Omunabii yabisulilwa akebisinyo ebiomuYerusalemu
1Haho mumuyika kwakhasasaba, mumwesi kwakhasasaba, nikuli kharaano, olwa ndali ninzikhaale munzu yanje, nabo abakofu baYuda nibeekhaale imbeli wanje, habwenaho omukhono kwOmwami NYASAYE kwangwila. 2Mana nindola, mbu ngwokwo, omufwano okwinga shinga okhulolekha khwomundu; okhurula khushialolekha shinga eshishienjeshie nokhutsia hasi, mbu omulilo; nokhurula khushishienjeshie nokhutsia ikulu, shinga okhulolekha khwokhwakha, shinga okhung'inang'ina khwomukasa. 3Nanyiila likondo liomulkhono, niyandiila liswi liokhumurwe kwanje; Roho niyanjinga hakari weshialo nelikulu, niyambila mumabisulo kaNyasaye eYerusalemu, hamuliango kweshilibwa shiolwanyi olwomukari eshihenga enotsi; ebweneyo bwaliho obwikhalo bweshifwanani eshihambinjia imbalikha. 4Ne lola, ing'oono yoluyali lwaNyasaye waIsiraeli yali niyiliho, shinga libisulo elia ndali ninduutsi nindi mumuhololookhwe. 5Mana niyasunjila mbu Mwana womundu, bulaano chinguula tsimoni, ohenje enanotsi. Kho ninjinguula tsimoni nienga enanotsi, ne lola, shieshio, halubeka Iwenotsi Iweshilibwa shieshimalilo, eshifwanani eshihambinjia imbalikha tsana, nishili mubwinjililo. 6Niyasunjila ari Mwana womundu, kho oluutsi eshia bakhola? Mbu ebisinyo ebikhongo ebia abeinzu yaIsiraeli bakholanga hano, okhurusia ehale nahabundu wanje ahatakatifu? Ne witsa okhulola nende ebisinyo bindi ebikhongo.
7Mana niyambila hamuliango kwolwanyi; ne olwa ndahenga, omuluhu ngwokwo mwisiisi. 8Niyasunjila mbu Mwana womundu, bulaano oyabe mwisiisi. Ne olwa ndali niyabile mwisiisi, lola, omuliango ngwokwo. 9Niyasunjila mbu Yinjila, olole ebisinyo ebibii ebia bakholelanga hano. 10Kho ninzinjila nindola; ne lola, mbiebio, mbu ebimoolanga hasi netsisolo tsiemisilo bietsimbia tsiosi, nemindu chiosi echiinamilungwa echieinzu yaIsiraeli, ebifwanani biabio nibing'oolelwa khwisiisi tsimbeka tsiosi. 11Ne abandu amakhumi musaafu abokhubakofu beinzu yaIsiraeli bali nibasinjiile imbeli wabio, ne hakari wabwe Yaazania waShafani nasinjiile; buli mundu nali neshikayeshie skiamalesi kelibuuliesi mumukhono, ne eshiuya shiamalesi tsana nishituumuukha shinga lileesi. 12Mana niyasunjila mbu Mwana womundu, kho oluutsi eshia abakofu beinzu yaIsiraeli bakholelanga mushiilima, buli mundu mushisikashie shiebifwanani? Okhuba baboolanga mbu OMWAMI shiakhulolanga ta; OMWAMI wayeebala eshialo. 13Khandi niyasunjila mbu Ne witsa okhulola nende ebisinyo bindi ebikhongo ebia bakholanga.
14Mana niyambila hamuliango kweshilibwa shieinzu yOMWAMI eshili enanotsi; ne abakhasi mbabo, nibeekhaale nibalilila Tamuzi. 15Mana niyasunjila mbu Oluutsi, iwe omwana womundu? Witsa okhulola nende ebisinyo bindi ebishila ebio. 16Niyambila mulwanyi olwomukari Iweinzu yOMWAMI; ne hamuliango weihekalu yOMWAMI, hakari weshirookoola nende eshimalilo, abandu shinga amakhumi kabili nabaraano mbabo, nibafutariile ihekalu YOMWAMI, nibahenga ebukwe; nibeenamila eliuba enabukwe. 17Mana niyasunjila mbu Kho oluutsi, mwana womundu? Nelikhuwa lituutu khubeinzu yaYuda okhukhola ebisinyo bino ebia bakholile hano noho? Okhuba beetsusiye eshialo amahababa, nibameeta okhusinyisia; kata lola, bareetsanga lisaka khumoolu kabwe. 18Khulwako ndalabakholela akobululu; imoni yanje shiyilabeelelela, kata shindalababeela tsimbabasi ta; ne kata nibalanjisia mumarwi kanje nomwoyo omukhongo, shindalabahulila ta.
Currently Selected:
Ezekieli 8: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
