Ezekieli 47
47
Amatsi akarula hahekalu kaleera obuhoni
1Mana niyangalusia hamuliango kweihekalu; ne lola, amatsi ngako, karulanga mulwalo wobwelu tsana obwomushilibwa shieihekalu enabukwe, okhuba ihekalu yahenga ebukwe; amatsi ako nikarula hasi yaho, nikakholomokha khumukhono musaatsa kweihekalu, elubeka Iwesautsi Iweshimalilo. 2Mana niyarusia, nimbirila mushilibwa shienotsi, niyanzimilila okhubotokhana elwanyi okhuula khushilibwa shielwanyi eshihenga ebukwe; ne amatsi ngako, karula khumukhono musaatsa.
3Olwa omundu tsana yarula natsia ebukwe, nali nomukoye kwokhuchela mumukhono, yachela amakhono eshikhumila, niyambisia mumatsi, nako nikoola mukhong'oosi. 4Khandi nachela eshikhumila, niyambisia mumatsi, nako nikoola mumasikamo. Khandi nachela eshikhumila, niyambisiamwo, nako nikoola mushishienje. 5Mana khandi nachela eshikhumila; nikuba omwalo okwa ndakhaywa okhubira, okhuba amatsi kali nikameeteeshe, mbu amatsi akokhwelamilamwo, omwalo okurabirwamwo ta. 6Niyareeba mbu Mwana womundu, oluutsi?
Mana niyanzimilila niyangalusia khulukuku lwomwalo. 7Ne olwa ndali ningaluushe, ndalola khulukuku Iwomwalo emisaala eminji, khulubeka eyi nende eyi. 8Mana niyasunjila mbu Amatsi kano karulanga nikachoomile ebukwe; kalakholomokha nikoola muAraba; mana kalatsia enanyanza; kano akarusibwa hano kaloola munyanza eya amatsi kayo kaborama, amatsi mana nikakwa amalayi. 9Ne ebili mwoyo biosi ebiselasela buli hosi ewa emialo chiulanga bilaba mwoyo; natsio tsinyeeni tsilabamwo tsinyinji muno; okhuba amatsi kano kalaba nikoolilemwo, nako amatsi keinyanza kalaba nikakwa amalayi; ne buli shindu shilaba mwoyo, hosi hosi aha omwalo kuulanga. 10Nabo abanaabi balasinjilaho khulukuku; okhurula eEni-gadi okhuula eEni-egelaimu halaba habundu ahokhwala tsikhanda; tsinyeeni tsilabaho tsinyinji etsietsimbia tsindi lukano lukano, shinga tsinyeeni etsiomunyanza ikhongo, tsinyinji muno. 11Nebutswa habutoyi, kata halutende, shikalakholwa amalayi ta; yaho halalekhwa habe ahomuunyu. 12Hamwalo, khulukuku lwakwo, elubeka eyi nende eyi, emisaala chietsimbia tsiosi chiebiokhulia chilamela; amasaafu kachio shikalaniala, kata ebiamo biachio okhwakama ta; chilaamanga ebiamo ebiyia omwesi buli mwesi, shichila amatsi kachio karulanga habundu ahatakatifu; ebiamo biachio bilaba khulwa ebiokhulia, namasaafu kachio khulwa obuhonii.
Tsinzakho, nende obtlkabulwi bweshialo
13Kano niko aka Omwami NYASAYE aboola; mbu Tsino tsilabe tsinzakho etsia mulakabulila eshialo obulaame bwetsimbia ekhumi natsibili etsiaIsiraeli. Yusmu alabe nemikabo chibili. 14Mulachikabule ebitonye ebihelana; okhuba nishio eshia ndachinguula omukhono ninditsuba okhuheelesia abakuuka beenywe; eshialo shino shilamukwila shibe eshiobblaame.
15Olwakho Iweshialo lulabe luri; mbu khulubeka Iwenotsi, okhurula khuNyanza Ikhongo nokhubirila eHetsiloni, okhuula khubwinjililo bweHamatsi, okhuula eZedadi, 16neBerotsa, neSiburaimu, elili hakari wetsinzakho tsiaDamasiko neHamatsi, okhuula eHazeri-hatikoni, elili khulwakho IweHaurani. 17Olwakho lularule khunyanza, luule eHazarienoni khulwakho IweDamasiko, olwakho IweHamatsi niluba enotsi. Olwakho Iwenotsi ndwolwo.
18Elubeka Iwebukwe, Yorodani lulabe olwakho hakari weHaurani naDamasiko, hakari weGileadi neshialo shiaIsiraeli, okhuula khuNyanza yeBukwe, eTamari. Olubeka Iwebukwe ndwolwo.
19Elubeka Iwesautsi, Iularule eTamari luule hamatsi keMeribatsi-kadeshi; Iulalondoole khuMuchela kweMisiri okhuula khuNyanza Ikhongo. Olubeka Iwesautsi ndwolwo.
20Elubeka lwamumbo olwakho lulabe Inyanza Ikhongo, okhuula ahahengana nobwinjililo bweHamatsi. Olubeka lwamumbo ndwolwo.
21Nindio mulakabule eshialo shino, tsimbia tsiaIsiraeli shinga olwa tsili. 22Mulashikabule nimukhupa ikha, shikwe obulaame bweenywe nende obwabarende ababa nibamenya mwinywe, ababa nibeebulila abaana mwinywe; nabo balabeetsenje khwinywe shinga abeebule abomubaana baIsiraeli; balabeetsenje nobulaame halala nineenywe, mumbia tsiaIsiraeli. 23Ne muluyia lwosi olwa omurende aba namenyamwo, mulwenolwo mulamuheelesie obulaamebwe; nilwo olwa Omwami NYASAYE aboola.
Currently Selected:
Ezekieli 47: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
