Ezekieli 48
48
1O Ameera ketsimbia tsana ngakano; mbu okhuchaachila enotsi, khunjila yeHetsiloni, okhuula khubwinjililo bweHamatsi, nokhuula eHazarienoni, khulwakho lweDamasiko enotsi, haHamatsi, okhurula khulubeka Iwebukwe okhuula khulubeka lwamumbo, mbu Dani, omukabo mulala. 2Aharondokhana nolwakho lwaDani, okhurula khulubeka Iwebukwe okhuula khulubeka lwamumbo, mbu Asheri, omukabo mulala. 3Aharondokhana nolwakho lwaAsheri, okhurula khulubeka Iwebukwe okhuula khulubeka lwamumbo, mbu Nafutali, omukabo mulala. 4Aharondokhana nolwakho lwaNafutali, okhurula khulubeka Iwebukwe okhuula khulubeka lwamumbo, mbu Manase, omukabo mulala. 5Aharondokhana nolwakho lwaManase, okhurula khulubeka Iwebukwe okhuula khulubeka lwamumbo, mbu Efuraimu, omukabo mulala. 6Aharondokhana nolwakho lwaEfuraimu, okhurula khulubeka Iwebukwe okhuula khulubeka lwamumbo, mbu Reubeni, omukabo mulala. 7Aharondokhana nolwakho lwaReubeni, okhurula khulubeka Iwebukwe okhuula khulubeka lwamumbo, mbu Yuda, omukabo mulala.
8Aharondokhana nolwakho lwaYuda, okhurula khulubeka Iwebukwe okhuula mumbo, halabeho habundu aha mulaahula, ahachelwa obuchiikha amakhono ebikhumila amakhumi kabili nabiraano, oburambi nibuhelana nende mulala okwokhumikabo tsana, okhurula khulubeka Iwebukwe okhuula khulubeka lwamumbo; naho habundu ahatakatifu halabe hakari waho.
9Eshitonye eshiahule tsana eshia mulaahulila OMWAMI shilachelwe oburambi bwashio amakhono ebikhumila amakhumi kabili nabiraano, nobuchiikha ebikhumila amakhumi kabili. 10Eshitonye eshiahule eshitakatifu shilabe khulwa abakuhani; shilachelwe elubeka Iwenotsi amakhono ebikhumila amakhumi kabili nabiraano, mumbo ebikhumila ekhumi obuchiikha, ebukwe ebikhumila ekhumi obuchiikha, esautsi ebikhumila amakhumi kabili nabiraano oburambi; naho habundu ahatakatifu hOMWAMI halaba hakari washio. 11Shilabe khulwa abakuhani abaahule, abokhubaana baZadoki, abalindanga aka ndabaleshela; abalekha okhushiama olwa abaana baIsiraeli bashiama, shinga abaLawi olwa bashiama. 12Shilababeela eshitonye eshiahule eshirula khushitonye eshiahule shieshialo, mbu eshindu eshitakatifu muno eshirondokhaane nolwakho lwabaLawi. 13Khandi aharondokhaane nolwakho lwabakuhani, abaLawi nabo balabe neshitonye eshichelwa oburambi amakhono ebikhumila amakhumi kabili nabiraano nobuchiikha ebikhumila ekhumi; oburambi bwosi bulabe ebikhumila amakhumi kabili nabiraano, nobuchiikha ebikhumila ekhumi. 14Barakhashikusia kata okhushikulaasia ta; kata ebirongole bieliloba lino elishila obulayi, birakhabira bitsie khuwundi ta; okhuba nebitakatifu khuMWAMI.
15Eshitonye eshitong'a, eshiobuchiikha ebikhumila biraano noburambi ebikhumila amakhumi kabili nabiraano, eshio shilabe khulwa amakhuwa akarali amatakatifu ta; mbu khulwa litookho, nende ebimenyo, nende obwayilo; nalio litookho lilabe hakari washio. 16Lilachelwe liri nanwa; mbu elubeka Iwenotsi amakhono ebikhumila bine ebikhumi biraano, elubeka Iwesautsi ebikhumila bine ebikhumi biraano, elubeka Iwebukwe ebikhumila bine ebikhumi biraano, nelubeka lwamumbo ebikhumila bine ebikhumi biraano. 17Litookho lilabe nobwayilo bwalio; enanotsi amakhono ebikhumi bibili namakhumi karaano, enasautsi ebikhumi bibili namakhumi karaano, enabukwe ebikhumi bibili namakhumi karaano, namumbo ebikhumbi bibili namakhumi karaano. 18Nabwo oburambi obushitong'a, okhuleng'aasia neshitonye eshiahule eshitakatifu, bulachelwe amakhono ebikhumila ekhumi enabukwe nende ebikhumila ekhumi mumbo, oburondokhananeshitonye eshiahule eshitakatifu; nebirulamwo nabio bilabeetsenje ebiliibwa biabakholi abomwitookho. 19Nabo abakholi abomwitookho, abarulanga mumbia tsiosi tsiaIsiraeli, nibo abalashilime. 20Eshitonye eshiahule shios; shilachelwe amakhono ebikhumila amakhumi kabili nabiraano elubeka nebikhumila amakhumi kabili nabiraano elubeka, tsimbeka tsiosi tsine, mbu eshitonye eshiahule eshitakatifu halala nende omwandu kwelitookho.
21Eshitong'a shiosi shilabe shiomwami weshialo, elubeka eyi nende eyi Iweshitonye eshiahule eshitakatifu, nolwomwandu kwelitookho; shilarondokhane namakhono ebikhumila amakhumi kabili nabiraano tsana akeshitonye eshiahule okhuula khulwakho Iwebukwe, nende enamumbo okhurondokhana namakhono ebikhumila amakhumi kabili nabiraano okhuula khulwakho lwamumbo, nishileng'aana nemikabo tsana; nishiba shiomwami weshialo; ne eshitonye eshitakatifu neihekalu bilabe hakari washio. 22Kho omwandu kwabaLawi nomwandu kwelitookho chilabe hakari wa echio echili chiomwami weshialo, echili hakari wolwakho lwaYuda nolwakho lwaBenyamini, echili chiomwami weshialo.
23Ne aketsimbia etsishitonga ngakano; mbu okhurula khulubeka Iwebukwe okhuula khulubeka lwamumbo, mbu Benyamini, omukabo mulala. 24Aharondokhana nolwakho lwaBenyamini okhurula khulubeka Iwebukwe okhuula khulubeka lwamumbo, mbu Simeoni, omukabo mulala. 25Aharondokhana nolwakho lwaSimeoni, okhurula khulubeka Iwebukwe okhuula khulubeka lwamumbo, mbu Isakhari, omukabo mulala. 26Aharondokhana nolwakho lwaIsakhari, okhurula khulubeka Iwebukwe okhuula khulubeka lwamumbo, mbu Zabuloni, omukabo mulala. 27Aharondokhana nolwakho lwaZabuloni, okhurula khulubeka Iwebukwe okhuula khulubeka lwamumbo, mbu Gadi, omukabo mulala. 28Aharondokhana nolwakho lwaGadi, khulubeka Iwesautsi olwakho lularule eTamari luule khumatsi kaMeribatsi-kadeshi, lulondoole khuMuchela kwaMisiri, okhuula khuNyanza Ikhongo. 29Eshio nishio eshialo eshia mulakhupile ikha nimukabulila tsimbia tsiaIsiraeli khulwa obulaame; khandi echio nichio emikabo chiatsio, lulala lulala; nolwa Omwami NYASAYE aboola.
Eshilibwa nende eliira lielirookho
30Oburulilo obwomwitookho mbwobuno; mbu khulubeka Iwenotsi, oluchelwa amakhono ebikhumila bine ebikhumi biraano, 31ebilibwa bitaru; mbu eshilibwa shiaReubeni, neshilibwa shiaYuda, neshilibwa shiaLawi; ebilibwa bielitookho nibikulikhwa khumeera ketsimbia tsiaIsiraeli. 32Elubeka Iwebukwe, oluchelwa amakhono ebikhumila bine ebikhumi biraano, ebilibwa bitaru; mbu eshilibwa shiaYusufu, neshilibwa shiaBenyamini, neshilibwa shiaDano. 33Elubeka Iwesautsi, oluchelwa amakhono ebikhumila bine ebikhumi biraano, ebilibwa bitaru; mbu eshilibwa shiaSimeoni, neshilibwa neshilibwa shiaIsakhari, neshilibwa shiaZabuloni. 34Elubeka lwamumbo oluchelwa amakhono ebikhumila bine ebikhumi biraano, ebilibwa bitaru, mbu eshilibwa shiaGadi, neshilibwa shiaAsheri, neshilibwa shiaNafutali. 35Oburambi bwokhubotokhana litookho liosi bulabe amakhono ebikhumila ekhumi namunaane. Nalio eliira lielitookho lilabe OMWAMI aliho, inziayo.
Currently Selected:
Ezekieli 48: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
