Ezekieli 45
45
Obukabulwi bweshialo nebichelo ebiahabwene
1Olwa mulakabula eshialo shibe obulaame nimukhupa ikha, mulaahulile OMWAMI omukabo omutakatifu kweshialo; oburambi bwakwo bulahela amakhono ebikhumila amakhumi kabili nabiraano, nobuchiikha ebikhumila amakhumi kabili; kulabe omutakatifu mumbali tsiakwo tsiosi, tsimbeka tsiosi. 2Khukwo, eshitonye eshihela oburambi bwashio amakhono ebikhumi biraano nobuchiikha ebikhumi biraano, tsimbeka tsiosi tsine nitsihelana, shilabe khulwa habundu ahatakatifu, halala neshitonye eshikhaya okhushibotokhana, eshiamakhono amakhumi karaano. 3Khubukhongo buno olachele eshitonye eshihela oburambi bwashio amakhono ebikhumila amakhumi kabili nabiraano, nobuchiikha ebikhumila ekhumi; mushieneshio mulabemwo habundu ahatakatifu, ahashila obutakatifu. 4Nomukabo omutakatifu kweshialo; kulabeetsenje khulwa abakuhani, nibo abakhalabani bahabundu ahatakatifu, abasitanga ahambi okhukalabanila OMWAMI; halabe habundu wetsinzu tsiabwe, ahaahulilwa habundu ahatakatifu. 5Eshitonye shindi shiamakhono ebikhumila amakhumi kabili nabiraano oburambi bwashio, nebikhumila ekhumi obuchiikha, shilabe eshiabaLawi, abakhalabani abomuhekalu, shibe obulaame bwabwe, khulwa amataala akokhumenyamwo.
6Aharondokhana neshitonye eshiahulilwa omukabo tsana omutakatifu olareho eshitonye eshihela amakhono ebikhumila biraano obuchiikha, nebikhumila amakhumi kabili nabiraano oburambi, shibe eshielitookho liene; shilabe eshieinzu yosi yaIsiraeli.
7Eshili shiomwami weshialo shilabe elubeka eyi nende eyi womukabo omutakatifu nende eshili shielitookho, nishirondokhana nomukabo omutakatifu neshitonye eshili shielitookho; elubeka lwamumbo, enamumbo, khandi elubeka Iwebukwe, enabukwe; oburambi bwashio buhelane nende obwomukabo mulala, okhurula khulwakho lwamumbo okhuula khulwakho Iwebukwe. 8Shino shilabe obulaamebwe muIsiraeli; abaami banje barakhamiinanga abandu banje khandi ta; ne balakabulile inzu yaIsiraeli eshialo, tsimbia tsiabwe shinga olwa tsili.
9Kano niko aka Omwami NYASAYE aboola; mbu Kahelile, inywe abaami baIsiraeli. Leshe amahababa nokhuyaaya, mukhole obuyaasii nobukhalachi bwatoto. Leshenje okhwatisia abandu banje, Omwami NYASAYE aboola. 10Mubeetsenje neshiitenjelesio eshili habwene, na efa eyili habwene, neibaatsi eyili habwene. 11Efa neibaatsi bibe ebiomuchelo mulala, mbu ibaatsi yihele eshitonye shielikhumi shieihomeri, ne efa yosi yihele eshitonye shielikhumi shieihomeri; emichelo chiosi chilalonde khu ihomeri. 12Nayo ishekeli yihele tsigera amakhumi kabili; tsishekeli tsiraano tsibe tsishekeli tsiraano, tsishekeli ekhumi tsibe tsishekeli ekhumi, ne imina yeenywe yibe tsishekeli amakhumi karaano.
Ebihaanwa nende amasabo
13Isadaka eya mulahaananga njieyino; mbu eshitonye shiakhasasaba shia efa mubuli homeri yeingamo, neshitonye shiakhasasaba shia efa mubuli homeri yeishayiri; 14khumafura, eshitonye eshilachilisibwa ni eshitonye shieikhumi shieibaatsi mubuL kori; ne ikori yihela tsibaatsi ekhumi, shinga ihomeri, okhuba tsibaatsi ekhumi tsihela ihomeri; 15nende likondi lieshimwamwane elala eliomubiayo mubuli makondi ebikhumi bibi li, okhurula mubuli inzu yaIsiraeli; ebio bilaba ebiomusango kweimele, nomusango omusambe, nomusango kwokhwishia, okhubatisa; nilwo olwa Omwami NYASAYE aboola. 16Abandu bosi beshialo balaheelesia omwami wabaIsiraeli isadaka yino. 17Ne kulabeetsenje omulimo kwomwami okhuyinia ebiemisango chiokhusambwa, nemisango chieimele, nemisango chiokhutsushila, mumasabo nomukhuchaaka khwomwesi, nomutsisabato nomunduukho tsiemilukha chiosi chieinzu yaIsiraeli. Alayininjie ebiomusango kwobwonooni, nomusango kweimele, nomusango kwokhusambwa, nemisango chiokhwishia, okhutisa inzu yaIsiraeli.
18Kano niko aka Omwami NYASAYE aboola; mbu Mumwesi kwambeli nikuli lulala, olabukulenje ihuunwa ebibula obulema, nosiiya habundu hatakatifu. 19Omukuhani alabukulenje khumalasile akomusango kwobwonooni nakara khubiyindi bieihekalu, nende khutsikoona tsiosi tsine tsieshichibi shieshimalilo nokhubiyindi bieshilibwa shiolwanyi olwomukari. 20Khandi olakholenje orio khunyanga yomusaafu yomwesi khulwa buli mundu ouba niyoonoonile khulwa okhukorwa kata khulwa okhuhuma amachesi; nolwa mulatisanga ihekalu.
21Mumwesi kwambeli nikuli ekhumi nakhane mubeetsenje nelisabo liapasaka; omukaate okubulamwo amamela kulaliibungwa tsindaalo musaafu. 22Khunyanga yeneyo omwami weshialo alayininjie ihuunwa yomusango kwobwonooni, khululwe nokhulwa abandu bosi beshialo. 23Mundaalo tsiosi musaafu tsielisabo alayininjie ebiomusango omusambe kwOMWAMI, mbu tsihuunwa musaafu namamiiku musaafu ebibula obulema bwosi, inyanga buli nyanga, okhumala tsindaalo etsio musaafu, nende ikhole buli nyanga khulwa omusango kwobwonooni. 24Khandi alayininjie ebiomusango kweimele, mbu efa ndala khulwa ihuunwa, na efa ndala khulwa limiiku, neihini ndala yamafura khubuli efa. 25Mumwesi kwomusaafu, nikuli ekhumi nakharaano, nomundaalo tsiosi musaafu tsielisabo elo, alakholenje ario khandi, khulwa omusango kwobwonooni, nomusango kwokhusambwa, nomusango kweimele, khandi khulwa amafura.
Currently Selected:
Ezekieli 45: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
