Ezekieli 44
44
Obukhalabani bwomuhekalu
1Mana niyangalusia khushilibwa shielwanyi shiahabundu ahatakatifu, eshihenga ebukwe; nashio shiali nishiikaale, 2Niyasunjila mbu Eshilibwa shino shibeetsenje nishiikaale; shireekulwakhwo kata omundu yesi areenjililamwo ta; okhuba OMWAMI, Nyasaye waIsiraeli, yeenjililamwo; ne khulwako shiikalwe. 3Habula omwami weshialo, ye anyala okhwikhalamwo okhulia ebiliibwa imbeli w; ne aleenjilenje nabirila mushirookoola shieshilibwa, narulila khunjila yeneyo khandi.
4Mana niyambisilia mushilibwa shienotsi niyanzusia imbeli weihekalu; nihenga, ne lola, ing'oono yoluyali Iw njieyo, niyiitsuule munzu yOMWAMI; nindikhupa hasi mafumama. 5OMWAMI niyasunjila mbu Mwana womundu, witsulile kano bulayi; henga netsimonitsio nohuiila namarwiko kosi aka ekhusunjila khukalachilisibwa khukeihekalu yOMWAMI nende amalako kayo; witsulile bulayi abanyala okhwinjilanga muhekalu nende abo abeekalilwa obureenjila habundu ahatakatifu ta. 6Olabasunjile abeinduli abo, mbu abeinzu yaIsiraeli, ori Kano niko aka Omwami NYASAYE aboola; mbu Inywe abeinzu yaIsiraeli, ebisinyo bieenywe bihele yaho; 7okhuba mwinjisinjia abarende, abali abasinde mumwoyo nabasinde mumubili, habundu wanje ahatakatifu okhwonoonia ihekalu yanje, olwa muleeranga ebiliibwa bianje, amasinya namalasile; nimwonoonia indakano yanje khulwa ebisinyo bieenywe biosi. 8Shimwasinjilila obulindi bwebindu bianje ebitakatifu ta; ne inywe abeene mwaraho aba-sinjilili bandi khubulindi, habundu wanje ahatakatifu.
9Kano niko aka Omwami NYASAYE aboola; mbu Omurende yesi, ouli omusinde mumwoyo nomusinde mumubili, shialeenjila habundu wanje ahatakatifu ta, khubarende bosi abali hakari wabaana balsiraeli. 10Ne abaLawi tsana abarulakhwo nibatsia ehale, olwa Isiraeli yashiama nibashiama nibarulakhwo nibalonda khumindu echia beenamilanga, baleetuukha obumayaanu bwabwe. 11Nebutswa balabeetsenje abakhalabani habundu wanje ahatakatifu, nibaloleelela habilibwa bieihekalu, nokhukhalabana muhekalu; baleerenje emisango chiokhusambwa nomusango kwabandu, nibasinjila imbeli wabwe okhubakhaiabanila. 12Shichila babakhalabanila imbeli wemindu echia bali nibeenamilanga, nibakwila inzu yaIsiraeli eshiisichirasio shiobumayaanu; niko akachila ninjinguula omukhono okhubafukula; ne baleetuukha obumayaanu bwabwe; nilwo olwa Omwami NYASAYE aboola. 13Shibalasitile ahambi okhukholela akobukuhani ta, kata okhusita ahambi khubindu bianje ebitakatifu biosi biosi, kata ebindu ebili muno, tawe; ne baleetuukha tsisoni tsiabwe, khulwa ebisinyo biabwe ebia bakholanga. 14Nebutswa ndalabakhola babe abasinjilili bobulindi bweihekalu, khulwa obukhalabani bwayo bwosi, nokhulwa kosi akalakholelungwamwo.
15Habula abakuhani abaLawi, abaana baZadoki, abali nibasinjililanga obulindi bwahabundu wanje ahatakatifu olwa abaana baIsiraeli bashiama nibarulakhwo, bo balasitilanga ahambi okhukhalabanila; balasinjilenje imbeli wanje okhundeerela amasinya namalasile; nolwa Omwami NYASAYE aboola. 16Baleenjilenje habundu wanje ahatakatifu, nibasita ahambi khumeesa yanje okhukhalabanila, nibasinjilila obulindi bwanje. 17Olwa baleenjilanga mubilibwa biolwanyi Iwomukari, balabe nibeefwalile ebiifwalo bieikitani; barakhabakhwo neshiifwalo shiobwoya bwamakondi khumibili chiabwe ta, olwa bashikhalabana habilibwa biolwanyi Iwomukari, nende mukari bwene. 18Balabe bende ebilemba bieikitani khumirwe chiabwe, netsiselwali tsieikitani mushishienje; barakheebohakhwo eshindu shiosi eshileera oluchesi ta. 19Olwa balarulanga nibatsia mulwanyi Iwelwanyi, ewa abandu bali, baleefwalulenje ebiifwalo biabwe biobukhaiabani, nibabibiikha mubisika ebitakatifu, nibeefwala ebiifwalo bindi, mbu baleshe okhwahula abandu khulwa ebiifwalo ebia bali ninabio. 20Kata barakheebekanga liswi kata okhulekha liswi lirambihe, ta; ne balateetenje butswa liswi. 21Rata omukuhani yesi yesi arakhanywa idivai olwa yeenjila mulwanyi olwomukari ta. 22Kata barakhateeshia omukhasi omulekhwa kata owakabukhana nomusaatsawe ta; habula balateeshinjie abakhaana abashisila bolwibulo Iweinzu yaIsiraeli, kata omukhasi omulekhwa ousika omukuhani. 23Baleechesmjie abandu banje akebindu ebiahule nende ebirali ebiahule ta, shinga olwa biahukhana, nibabamanyia okhwahukhasia ebiobukaali nende ebisiiye. 24Mukayinganwa, balabeho okhuyaasia; obukhalachi bwanje shinga olwa buli, nindio bala khalachenje; balalindenje amalako kanje nakalachilisibwa kosi khunduukho tsiamasabo kosi; khandi balaahulenje tsisabato tsianje. 25Barakheera mwibilu khulwa okhusita ahambi khumufu yesi ta; habula khulwa samwana kata nyina, kata omwana omukhaana kata omusiani, kata omusiani wabwe, kata omukhaana wabwe ouratsiakhwo khumusaatsa ta, khulwabo bakhanyala okhwira mwibilu. 26Ne olwa aba nasiiyikha, bamubasilie tsindaalo musaafu; 27mana khunyanga olwa aleenjila habundu ahatakatifu, mulwanyi Iwomukari, okhukhalabanila habundu ahatakatifu, alaleere omusangokwe kwobwonooni; nilwo olwa Omwami NYASAYE aboola.
28Barakhabakhwo nobulaame ta; isie nisie obulaame bwabwe. Murakhabaheelesia emiandu chiosi muIsiraeli ta; isie nisie emiandu chiabwe. 29Balaliitsenje omusango kweimele, nomusango kwobwonooni, nomusango kweshiuku; kata buli shindu eshiaahuliilwe elala muIsiraeli shilaba eshiabwe. 30Ebiambeli khubirongole ebiokhubindu biosi, netsisadaka tsietsimbia tsiosi etsiokhutsisadaka tsieenywe tsiosi, bilabe ebiabakuhani; khandi mulaheelesinjie omukuhani khubusie bweenywe obuhandale obwambeli, mbu ikhabi yibe khunzuyo. 31Abakuhani barakhaliakhwo khushindu shiosi eshifwile eshiene, kata eshiarandulwa, kata nishiba linyonyi kata isolo ta.
Currently Selected:
Ezekieli 44: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
