Ezekieli 43
43
Ing'oono yoluyali lwOMWAMI nilwitsula muhekalu
1Olunyumakhwo yambila khushilibwa tsana eshihenga enabukwe. 2Ne lola, ing'oono yoluyali lwaNyasaye waIsiraeli njieyo, niyirula ebukwe; omwoyokwe nikwingana amayoosi kamatsi amanji; eshialo nishiakha khulwa ing'oono yoluyalilwe. 3Libisulo elo lialolekha shinga libisulo elia ndalola olwa yeetsa okhumula litookho, kata shinga libisulo elia ndalola hamwalo kwaKhebari, nasi ndeekhupa hasi mafumama. 4Oluyali Iw nilwinjila muhekalu okhubirila mushilibwa eshihenga ebukwe; 5mana Roho niyanjinga, niyambila mulwanyi olwomukari; ne lola, ing'oono yoluyali Iw nilwitsula muhekalu.
6Ne omundu yali nasinjiile ninasi; nasi nimbulila oundi niyasunjilanga, okhurula muhekalu. 7Niyasunjila mbu Mwana womundu, hano nihabandu hashifumbi shianje shiobwami, nihabundu hanje ahokhuseena ebilenje, aha ndalamenyanga hakari wabaana baIsiraeli obushia nobushia; kata abeinzu yaIsiraeli shibalionoonia eliira lianje litakatifu khandi ta, bo abeene, kata abaruchi babwe, khulwa obuheyi bwabwe nokhulwa ebilindwa biabaruchi babwe abafwa, 8nibareetsanga eshilibwa shiabwe hashilibwa shianje nebiyindi biabwe habiyindi bianje, nilibaho lisiisi butswa hakari wanje ninabo. Boonoonia eliira lianje litakatifu khulwa ebisinyo biabwe ebia bakholanga; ne niko akachila nimbamalilana muburima bwanje. 9Kho bulaano bare obuheyi bwabwe ehale, nebilindwa biabaruchi babwe, ehale ninasi; mana ndalamenya hakari wabwe obushia nobushia.
Amalako akokhuhekalu neshimalilo
10Nawe, mwana womundu, manyia inzu yaIsiraeli akeihekalu yino, mbu bafwimbwe omurwe khulwa obumayaanu bwabwe; bachele obukondo bwosi. 11Ne nibaba nibafwimbwa omurwe khulwako kosi aka bakholanga, obamanyie likondo lieihekalu, nobukasibwi bwayo, nobwinjililo noburulilo bwayo, nelikondo liayo liosi, nakalachilisibwa khuyo kosi, namalako kayo kosi; okahandiiche nibalola; mbu balindenje obwibaalilwi buno bwosi nakalachilisibwa khuyo kosi, nibakakhola. 12Lilakolieihekalundielino; mbu khubutenje bweshikulu, mumbali tsiashio tsiosi mulaba omutakatifu muno. Lola, lilako lieihekalu ndielo.
13Emichelo chieshimalilo, nichichelwa amakhono, njiechino; ne omukhono tsana kuhela omukhono neshikalo; mbu eshitonye shiahasi, obuchinguukhu omukhono mulala, nobuchiikha omukhono mulala, nomushingachi okwokhundulo tsimbeka tsiosi, inusu yomukhono. Obuchinguukhu bweshimalilo bulabe buri nanwa; 14mbu okhurula khushitonye shiahasi khwiloba, okhuula khushichibi shiemwalo, amakhono kabili, nobubambalifu bwakwo omukhono mulala; nokhurula khushichibi eshituutu okhuula khushichibi eshikhongo, amakhono kane, nobubambalifu omukhono mulala. 15Eshisambilo shieshimalilo, amakhono kane; nokhurula khushisambilo shieshimalilo tsinzika tsine tsilasongookha. 16Eshisambilo shieshimalilo tsana, oburambi bwashio bulabe amakhono ekhumi nakabili nobuchiikha amakhono ekhumi nakabili, tsimbeka tsiosi tsine nitsihelana. 17Eshichibi nashio, oburambi bwashio bulabe amakhono ekhumi nakane nobuchiikha ekhumi nakane, tsimbeka tsiosi tsine; nomushingachi okushibotokhana kulabe inusu yomukhono; neshitonye shiashio sbiahasi, omukhono mulala tsimbeka tsiosi; amaniinilo kashio kalahenje ebukwe.
18Niyasunjila mbu Mwana womundu, kano niko aka Omwami NYASAYE aboola; mbu Akalachilisibwa khukeshimalilo ngakano; mbu Khunyanga olwa balashisinjisia, okhumalilakhwo emisango emisambe nokhwohakhwo amalasile, 19olaheelesia abakuhani abaLawi abali abolwibulo lwaZadoki, abasitilanga ahambi okhukhalabanila, ihuunwa, yibe omusango kwobwonooni; nolwa Omwami NYASAYE aboola. 20Olabukule khumalasile kayo, nokara khutsinzika tsine tsieshimalilo, nokhutsikoona tsine tsieshichibi, nokhumushingachi tsimbeka tsiosi; nindio olashisiiya noshitisa. 21Khandi olabukule ihuunwa yomusango kwobwonooni, yisambilwe muhekalu habundu ahalakwa, elwanyi wahabundu ahatakatifu. 22Mana khunyanga yakbabili olaleere ikhole eyibula obulema, yibe omusango kwobwonooni; kho eshimalilo shilasiiywa, shinga olwa shiasiiyilwe neihuunwa. 23Olwa olaba nomalile okhushisiiya, olaleere ihuunwa eyibula obulema nende limiiku eliomubiayo elibula obulema. 24Olabileere imbeli wOMWAMI, nabo abakuhani balabimiitsekhwo omuunyu, nibabimala bibe omusango omusambe kwOMWAMI. 25Okhumala tsindaalo musaafu olayininjie inyanga buli nyanga imbusi yomusango kwobwonooni; khandi balayininjie ihuunwa, nende Imliiku eliomubiayo, ebibula obulema. 26Tsindaalo musaafu balatisenje eshimalilo nibashisiiya; ne nolwa balashiahula. 27Ne olwa balaba nibamalile tsindaalo etsio, kho khunyanga yomunaane netsindi etsilondakhwo, abakuhani balamalenje emisango chieenywe emisambe khushimalilo, nemisango chieenywe chiokhwishia; nasi ndalamufuchiilila; nolwa Omwami NYASAYE aboola.
Currently Selected:
Ezekieli 43: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
