Ezekieli 42
42
1Mana niyarusiaho niyambila mulwanyi Iwelwanyi, enanotsi, niyanzusia khubisika ebiahengana nolwanyi Iweihekalu, nibihengaane nende omuumbakho enanotsi. 2Oburambi bwomuumbakho enotsibwali amakhono eshikhumi, nobuchiikha amakhono amakhumi kara ano. 3Imbeli wobwiyangu tsana obwamakhono amakhumi kabili obwolwanyi Iwomukari, ahahengana nobwelu bwamachina bwolwanyi Iwelwanyi, haliho ahokhubirila ahahengana nahandi hario, khubwelu bwakhataru. 4Imbeli webisika yaliho injila hakari, eya obuchiikha bwayo bwali amakhono ekhumi noburambi amakhono eshikhumi; emiliango chiabio chiahenga enotsi. 5Nebutswa ebisika biahekulu biali ebinyelelekhwo, shichila ahokhubirila habi bukulangakhwo obwiyangu obushila obwabukulwa khubweli bwahasi nobwomukari mumuumbakho. 6Shichila bianzwa obwelu butaru, nibirali netsisiilo shinga tsisiilo etsiomulwanyi ta; ne khulwako ebiahekulu biasunduukha okhushila obwelu bwahasi nobwahakari. 7Kwaliho omushingachi elwanyi, okwarondokhana nende ebisika, enalwanyi Iwelwanyi, okhuhengana nebisika, ne oburambi bwakwo bwahela amakhono amakhumi karaano. 8Okhuba ebisika ebiomulwanyi Iwelwanyi, oburambi bwabio bwahela amakhono amakhumi karaano; nabio ebiahengana neihekalu biahela amakhono eshikhumi. 9Hasi webisika ebio bwaliho obwinjililo ebukwe, noli owinjilamwo okhurula mulwanyi Iwelwanyi, 10khubuchaachilo bwomushingachi kwelwanyi.
Elubeka Iwesautsi, ahahengana nende olwanyi Iweihekalu nende omuumbakho, bialiho ebisika 11ebiali nende injila imbeli wabio, shinga ebisika ebielubeka Iwenotsi; biahelana ninabio oburambi nobuchiikha, nibili nobwinjililo bwosi burio, nokhukasibwa khwosi, nemiliango. 12Hasi webisika biesautsi bwaliho obwinjililo ebukwe, noli owinjilila khunjila tsana; ne ahahengana ninabio kwaliho omushingachi okukabukhasiaho.
13Mana niyamboolela mbu Ebisika bienotsi nebisika biesautsi ebihengana nende olwanyi Iweihekalu nibio ebisika ebitakatifu, ewa abakuhani abasitanga ahambi khuMWAMI balaliilanga khubindu ebili ebitakatifu muno. Neyo ewa balabiikhanga ebindu ebili ebitakatifu muno, mbu omsusango kweimele, nomusango kwobwonooni, nomusango kweshiuku; okhuba habundu yaho nahatakatifu. 14Olwa abakuhani baba nibeenjila habundu ahatakatifu, baleshe okhurulamwo batsie mulwanyi lwelwanyi nibarabiishileyo ebii fwalo biabwe biobukhalabani, okhuba nebitakati fu; beefwale ebiifwalo bindi nibarashiasita aha mbi khukabandu.
15Ne olwa yali namalile okhuchela ihekalu mukari wayo, yarusilia mushilibwa eshihenga enabukwe, nachichela tsimbeka tsiosi. 16Yachela elubeka Iwebukwe nelitundu liokhuchela, mbu kosi amatundu ebikhumi biraano akelitundu elo eliokhuchela. 17Mana nashiukhana nachela elubeka Iwenotsi, mbu kosi amatundu ebikhumi biraano akelitundu elo eliokhuchela. 18Mana nashiukhana nachela elubeka Iwesautsi, mbu amatundu ebikhumi biraano akelitundu elo eliokhuchela. 19Mana nashiukhana khulubeka lwamumbo nachela, mbu amatundu ebikhumi biraano akelitundu elo eliokhuchela. 20Yachichela tsimbeka tsiosi; ne olukoba olwachibotokhana lwahela amakhono ebikhumi biraano oburambi, nobuchiikha amakhono ebikhumi biraano, okhwahukhasia ebili ebitakatifu nebirali ebitakatifu ta.
Currently Selected:
Ezekieli 42: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
