Ezekieli 41
41
1Niyambila habwelu, nachela emisiilo, mbu amakhono kasasaba obukali bwachio, elubeka eyi nende eyi. 2Obwinjililo nabwo bwahela amakhono ekhumi obubambalifu bwabwo; amasiisi kobwinjililo elubeka eyi nende eyi kahel; amakhono karaano karaano; nachela nende oburambi bwene, mbu amakhono amakhumi kane, nobuchiikha amakhono amakhumi kabili. 3Mana niyeenjila mushisika eshiomukari, nachela buli kusiilo kwobwinjililo, mbu amakhono kabili; nobwinjililo bwene, amakhono kasasaba; namasiisi kobwinjililo elubeka eyi nende eyi, amakhono musaafu. 4Nachela nende oburambi bwene, mbu amakhono amakhumi kabili, nibuchiikha amakhono amakhumi kabili, hambeli muhekalu; niyasunjila mbu Hano niho habundu ahashila obutakatifu.
5Mana nachela lisiisi lieihekalu, mbu amakhono kasasaba; nende ebisika bielubeka, obuchiikha bwabio amakhono kane, nibibotokhana ihekalu tsimbeka tsiosi. 6Ebisika bielubeka tsana bianzwa obwelu butaru, obundi hekulu khubundi, ebisika amakhumi kataru khubuli bwelu. Tsialiho tsinungo heesiisi lieihekalu, okhuleeta ebisika tsana bielubeka, tsimbeka tsiosi, bileshe okhuleetelelwa khwisiisi lieihekalu. 7Ebisika bielubeka nabio biameetekhanga obuchiikha bwabio, buli bwelu bwahekalu nibushila obwemwalo, shinga tsinungo tsana olwa tsiameetekhanga, obwelu buli bwelu, muhekalu tsimbeka tsiosi; ne hahekalu elubeka kaliho amaniinilo akatsia hekului wakhanyala okhuniina okhurula khubwelu bwahasi okhuula khubwahekulu nobirila mubwelu bwahakari. 8Khandi ndalola mbu ihekalu yabotokhasibwa omukuru omwichingu; omuse kwebisika tsana bielubeka kwahela litundu lilamba, mbu amakhono amarambi kasasaba. 9Obubambalifu bwelisiisi lielwanyi liebisika bielubeka bwahela amakhono karaano; ne eshitonye shiomukuru tsana eshiasikala habisika bielubeka bieihekalu shiahela amakhono karaano. 10Elwanyi webisika ebio bwaliho obwiyanga bwamakhono amakhumi kabili, obubotokhana ihekalu tsimbeka tsiosi. 11Emiliango chiebisika bielubeka biahenga omukuru okwali nikutong'ile omukhaya, omuliango mulala nikuhenga enotsi, omuliango kundi nikuhenga esautsi; nakwo omukuru okwali nikutong'ile omukhaya kwahela amakhono karaano tsimbeka tsiosi.
12Omuumbakho okwali imbeli wolwanyi elubeka lwamumbo kwahela amakhono amakhumi musaafu obuchiikha; lisiisi liomuumbakho tsana liahela amakhono karaano obubambalifu tsimbeka tsiosi, oburambi bwayo nibuhela amakhono amakhumi shienda.
13Mana nachela ihekalu yene, mbu amakhono eshikhumi oburambi bwayo; nolwanyi Iweihekalu, nomuumbakho tsana, halala nelisiisi liakwo, amakhono eshikhumi oburambi bwabio; 14nobuchiikha bweihekalu elubeka Iwebukwe, halala nolwanyi lwayo, amakhono eshikhumi.
15Mana nachela oburambi bwomuumbakho okwali imbeli wolwanyi Iweihekalu elubeka lwamumbo, nelisiisi liakwo eyi nende eyi, amakhono eshikhumi. Obwelu bweihekelu yene, neshisika eshiomukari, neshirookoola shiolwanyi, 16nahabwelu obwomubilibwa, nebianzwi tsana ebisunduukha mwisiisi, nelisiisi tsimbeka tsiosi khubwelu obwo butaru, ahahengana nobwelu obwomubilibwa biosi biafuunikhwa tsimbaho tsimbeka tsiosi, okhurula hasi okhuula khubianzwi; nabio ebianzwi nibiikalwa netsikhanda; 17okhuula khumuliango hekulu wakwo, nokhuula khushisika shiomukari, nende elwanyi washio. Lisiisi liosi lieshisika shiomukari nende habwelu, liabaatswakhwo ebifwanani 18biabakerubi nende emishindu, mbu omushindu hakari womukerubi nomukerubi undi. Buli mukerubi yali mumoni shikhabili; 19mumoni mwomundu mwahenga omushindu elubeka eyi, ne mumoni mweitalanyi imbuukha nimuhenga omushindu elubeka eyi. Nindio biabaatswa khuhekalu yosi tsimbeka tsiosi; 20okhurula hasi okhuula hekulu womuliango, abakerubi nemishindu biabaatswa birio khwisiisi lieihekalu. 21Ebiyindi bieihekalu biali bietsikoona tsine; ne noshili okhuula habundu ahatakatifu, shialiho eshindu eshialolekha 22shinga eshimalilo shiemisango eshietsimbaho, eshiahela amakhono kataru, obuchinguukhu bwashio, noburambi amakhono kabili, nobuchiikha amakhono kabili. Tsikoona tsiayo, neshitonye shiahasi, netsimbeka tsiashio, biali bietsimbaho. Niyasunjila mbu Yino niyo imeesa eyibeetsanga imbeli wOMWAMI. 23Ihekalu yene nahabundu ahatakatifu biombi biali nemiliango echiakholwa shikhabili; 24mbu emiliango tsana chiali netsinzichi tsibili tsibili tsinzichi tsibili etsishiukhananga; tsinzichi tsibili khulwa omuliango mulala, netsinzichi tsibili khulwa omuliango kundi. 25Tsinzichi tsieihekalu etsio tsiabaatswakhwo abakerubi nemishindu, shinga ehiabaatswa khwisiisi liosi; ne shialiho eshitsafu shietsimbaho khushirookoola. 26Bialiho ebianzwi ebiisunduukha mwisiisi nende ebifwanani biemishindu elubeka eyi nende eyi, khumbeka tsieshirookoola, nokhubisika bielubeka bieihekalu, nokhushitsafu.
Currently Selected:
Ezekieli 41: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
