Ezekieli 4
4
Omufwano kwobwikalilwi bwaYerusalemu.
1Ne iwe, mwana womundu, bukula litofali olire imbeliwo, ong'oolekhwo omufwano kwelitookho, mbu Yerusalemu; 2mana oliikalile, noswala tsingoba etsiokhwishinga, nende ebituuli okhuliyinga; khandi okhome ikambi okhuliyinga, norenjekha okuyini okhulituya tsimbeka tsiosi. 3Mana obukule libaati, olisinjisie libe omushingachi kweshibia hakariwo nelitookho tsana. Choomia tsimoni okhulihenga, nalio libe niliikalilwa; oliikalile obutinyu. Ako kalaba eshilolelo khunzu yaIsiraeli.
4Mana okonele khulubafu bwomukhono mukhasi, nasi nekhurekhwo obukuumwi bwobumayaanu bwaIsiraeli; obunji bwetsindaalo etsia olakonelanga khulubafulwo olwo shinga olwa buli, nolwa obukuumwi bwalsiraeli bulaba khwiwe. 5Ekhurakhwo obunji bwetsindaalo, mbu ebikhumi bitaru namakhumi shienda; etsio tsilahela obunji bwemiyika chiobumayaanu bwabwe; nindio obukuumwi bweinzu yaIsiraeli bulaba khwiwe. 6Khandi olwa olaba nomalile etsio, kho olakonela khulubafu Iwomukhono musaatsa, obukuumwi bweinzu yaYuda nibuba khwlwe; ekhureelekhwo tsindaalo amakhumi kane, mbu buli nyanga yibe khulwa omuyika. 7Olachoomia tsiomoni okhuhenga obwikalilwi bwaYerusalemu, omukhonokwo nikurafuunikhwa ta; ne olarumbulila litookho amakhuwa kanje, nolifukula. 8Ne lola, ekhurakhwo ebibohelo, kata shiolashiukhananga okhurula khulubafu olwo okhuula khu olwo ta, okhuula olwa olaba nomalile tsindaalo tsiobwikalilibwo.
9Nawe, obukule ingaano, neishayiri, namakanda, netsing'ooli, namabele, nobule; obire biosi munyungu ndala, obinyoobe omukaate. Mubunji bwetsindaalo etsia olakonelanga khulubafu, mbu tsindaalo ebikhumi bitaru namakhumi shienda, olakuliitsanga. 10Ebiliibwabio ebia olaliitsanga bilachelungwa obusiro, mbu tsishekeli amakhumi kabili buli nyanga, nolia orio lulala buli nyanga. 11Amatsi nako olanyweetsanga nokachela, mbu eshitonye shiakhasasaba shieihini ndala, nonywa orio lulala buli nyanga. 12Olakulia shinga eliandasi lieishayiri, nokuteekha abandu nibalola, khumulilo kwebibii ebirula khumundu. 13OMWAMI nasunga mbu Nilwo olwa abaana baIsiraeli balaliila emikaate chiabwe mubukaali, mumahanga ewa ndalabeelusilia. 14Mana nisunga mbu E Omwami NYASAYE! Lola, shindayeekwisia owobukaali ta; okhurula khulusooliili lwanje okhuula olwa leelo, shindaliakhwo khushindu eshifwile eshiene. Kata eshiatonyatonywa netsisolo, kata inyama yeshisinyo okhwinjila mumunwa kwanje ta. 15Kho niyasunjila mbu Lola, ndalafuchiilila obe namasingo mushilenje shiebibii ebirula khumundu, okhukasiliakhwo omukaatekwo. 16Nameeta niyasunjila mbu Mwana womundu, lola, ndalafunaka omutiichilo okwa abeYerusalemu beesiililakhwo, mbu obusuma; balaliitsanga obusuma nibachela obusiro, nobuhendi; khandi balanyweetsanga amatsi nibakachela, noburii obukhongo; 17kalaba kario mbu batambe omukaate namatsi, nibang'ang'aalilana, nibootooshelela mubumayaanu bwabwe.
Currently Selected:
Ezekieli 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
