Ezekieli 3
3
1Niyasunjila mbu Mwana womundu, eshia onyoolile, oshilie; lia eshikanye shino, mana tsia oboolele abeinzu yaIsiraeli. 2Kho ninzasama omunwa, naye niyandisia eshikanye tsana. 3Niyasunjila mbu Mwana womundu, lia eshikanye shino eshia ekhuha niwikusia indayo. Mans nishilia; nishiba mumunwa kwanje eshimilamili shinga obuushi.
4Niyamboolela mbu Mwana womundu, tsia, wule khubeinzu yalsiraeli, osungane ninabo namakhuwa akarula khwisie. 5Shichila shiorumwa khubandu abayobo, abolulimi olutinyu, ta, habula khubeinzu yaIsiraeli; 6khubandu abanji abayoboya, abolulimi olutinyu, aba orahulilanga amakhuwa kabwe, ta. Nebutswa nimba nindakhakhuruma khubeenabo, bakhakhuhulila. 7Ne inzu yaIsiraeli shiyilakhuhulila ta; shichila bakhaya okhumbulila isie; okhuba bosi abeinzu yaIsiraeli nabomurwe omuumu nende omwoyo omutinyu. 8Lola, ekhuumiye mumoni okhuyinga mumoni mwabwe, nende omurwekwo okhuyinga omurwe kwabwe. 9Shinga likhwabuye elishila isiele obutinyu, nindio ekholile obwenibwo; orabaria kata okhufwa omwoyo khukhulolekha khwabwe ta, kata nibali abeinzu yeinduli. 10Khandi yasunjila mbu Mwana womundu, amakhuwa kanje kosi aka ndalakhubooleIanga, okafuchiilile mumwoyokwo, nokahulila namarwiko. 11Ne tsia, wule khubaare tsana, khubaana babandu beenywe, osungane ninabo nobaboolela mbu Kano niko aka Omwami NYASAYE aboola; kata nibaba nibafuchiilila okhuhulila, kata nibakhaya.
12Mana Roho niyanjinga, nimbulila munyuma wanje oluyoka Iwokhuhoola okhukhongo, luri Oluyali lwOMWAMI olurula habunduwe hatakatifu Iwitsoomibwe. 13Nimbulila nende obuyoka bwetsimbaha tsiebili-mwoyo tsana nitsitiilanangakhwo, nobuyoka bwemikurutumu echiali elubeka lwabio, nibwo obuyoka bwokhuhoola okhukhongo. 14Mana Roho niyanjinga niyarusiaho; ninzia mubululu, omwoyo kwanje nikwakha; omukhono kwOMWAMI nikuba khwisie namaani. 15Ninzula khubeenabo abobwarwi eTelabibu, abamenya ahambi nende omwalo kwaKhebari; nindikhala ninabo halala tsindaalo musaafu, ning'ang'aalile.
Omulindi khunzu yaIsiareli
16Mana tsindaalo etsio musaafu nitsihweele, likhuwa liOMWAMI nilinzitsila, liri 17Mwana womundu, ndakhukhola iwe obe omulindi khunzu yaIsiraelii khulwako, olwa oba nohuliile likhuwa liomunwa kwanje, obachesiyie khulwanje. 18OlwaembanimuboolelaomubiiyesimbuOkhufwa olafwa; ne iwe noramuchesiyia kata okhuboolela omubii oyo akobuchesiyii mbu arule munjilaye imbii, okhuhonia obulamubwe, ta; kho omubii tsana alafwila mubumayaanubwe; ne amabangake, ndalakabanzanga mumukhonokwo. 19Nebutswa noba nomuchesiyia omubii tsana, naye narashiukhana okhurula khububiibwe, kata okhurula khunjilatsie tsimbii ta, kho alafwila mubumayaanubwe; habula iwe wakhaba nohoniye omwoyokwo. 20Kata khandi, omundu omulunjishi olwa aba nashiukhana okhurula khubulunjishibwe, nakhola akobumayaanu, nasi nira eshiisichirasio imbeliwe, alafwa; ne eshichila shioba nomuchesiyiye, alafwila mubwonoonibwe, kata ebikhole ebilunjishi ebia yali nakholanga shibileetsulilwa ta; ne amabangake, ndalakabanza mumukhonokwo. 21Habula noba nomuchesiyia omulunjishi tsana, mbu aleshe okhwonoona, naye naroonoona ta, alaba mwoyo; shichila yachesihala; nawe wakhaba nohoniye obulamubwo.
Omtmabiiyasiluhasibwa, oburanyala okhuboola ta
22Ne habwenaho omukhono kwOMWAMI kwali nikuli khwisie; niyamboolela mbu Buukha, rula otsie mumuhololookhwe, nasi nesunganile ninawe ebweneyo. 23Kho nimbuukha, nirula ninzia mumuhololookhwe; ne lola, ing'oono yoluyali lwOMWAMI njieyo, niyisinjiileyo, shinga oluyali lulia olwa ndalola hamwalo kwaKhebari; nindikhupa hasi mafumama. 24Mana Roho niyeenjila mwisie, niyasinjisia, nasungana ninasi, niyamboolela mbu Tsia, wiyikalile munzuyo mukari. 25Nebutswa iwe, mwana womundu, lola, nabakhurekhwo ebibohelo nibakhuboha ninabio, noranyala okhurula okhutsia mubo ta. 26Nasi nehandie olulimilwo mushinakhuna, mbu okwe omusilu, noranyala okhubakondeshela ta; okhuba nabeinzu yeinduli. 27Ne olwa emba nisungana ninawe, nenzikule omunwakwo; nawe olabasunjila mbu Kano niko aka Omwami NYASAYE aboola; mbu Ouhulila, ahulile; ne oukhaya, akhaye; okhuba nabeinzu yeinduli.
Currently Selected:
Ezekieli 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
